Kommuneqarfik Sermersooq ineriartupiloorfiuvoq, upalungaarsimasunilu malinnaavugut. Taamaattumik suliassarititat inatsisit malillugit naammassisassat pillugit, maani nuummi qatserutaasivimmi upalungaarsimanermi nakkutilliisussamik pissarsiorpugut.
Suleqatigiiulluta inuusukaat utoqqaanerulaallu akornanni ingerlalluarpugut, taakkuullutik inuiaqatigiinni allannguinissamik piumassuseqarluartut. Aammalu allannguilluarpugut – tassami 1880-imili tamanna ingerlassimallutigu nuannaarutigilluakkatsinnik.
Suliffeqarfimmi naalagarsiornanngitsumik aqutsineq, nammineq akisussaaffeqarneq ulluinnarnilu annertuumik sunniuteqarsinnaaneq neqeroorutigaavut. Suliffeqarfimmi naalagaaniarluni aqutseriaaseqarneq ileqqorinngilarput, namminerli aqutsineq tamatumalu nassatarisaanik akisussaasinnaaneq ileqqoraarput.
Sulisussaq ujartugarput marloqiusanik siunnerfeqartumik inissisimasinnaavoq. Taamaattumik suliassatit pinaveersaartitsinermik imaqarsinnaavoq imaluunniit ajutoorfimmi suliaqarnermi aqutsisinnaallutit.
Pisinnaatitaaffitit pinaveersaartitsinermut sammiveqarsimappata, suliassatit makkuninnga imaqassapput:
·Ikuallattoornermut sanaartukkanullu tunngassuteqartunut suliaqarnissaq
·Ikuallattoornissamut nakkutilliineq
·Qummoroortartunut akuersissutit
·Pinaveersaartitsinermi saqqummiisinnaaneq
·Oqartussaasunut suliffeqarfinnullu siunnersuineq il. il.
Pisinnaatitaaffitit ajutoorfimmi aqutsinissamut sammiveqarsimappata, suliassatit makkuninnga imaqassapput:
·Sungiusarnissanik pilersaarusiorneq, innuttagut tunaartaralugit
·Ajutoorfimmi aqutsinissamik pilersaarusiorneq
·Atuartitsineq ilinniartitsinerlu
·Atortuutitsinnik biilersuatsinnillu tunngasunik pappiliarsorneq
Ajutoorfimmi aqutsisutut suliaqartartussaagavit, naatsersuutigissavat taakkununnga piginnaasaqarnissat, imaluunniit piginngikkukkit iliarsinnaasariaqarlugit
·ISL BRAND-itut ilinniarsimasoq
·ISL FLY-tut ilinniarsimasoq
·Ilinniartitsinermi piginnaasat, Inersimasunik perorsaanermi Ingerlariaqqiffiusumik Ilinniagaqarneq
·Ilinniartitaanerup iluani sulisoqatigiinnut atuuffeqarneq
Naatsorsuutigaarput, atorfimmut qinnuteqartoq makkuninnga piginnaasaqassasoq:
·Ineriartornissamut piareersimasuusoq aamma uagut ineriartornitsinnut peqataarusuttoq
·Sullitatsinnut annertuumik kiffartuusserusussuseqartoq
·Kalaallisut, qallunaatut tuluttullu oqalussinnaallunilu allassinnaasuusoq
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Isumannaallisaanermi akuerineqarsimaneq:
Atorfimmut atasumik HEM-imut isumannaallisaanermi akuerineqarsimaneq piumasaqaataavoq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:
Upalungaarsimanermi pisortaq Jens Mikkelsen, oqarasuaat +299 55 56 09 imaluunniit e-mail: jnmi@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 1088-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: novembarip 3.-at, 2025