Meeqqat sullillugit ulluinnarnilu tunniusimallutit meeqqanik sullissinermut soqutiginnippit, taava Meeraaqqerivik “Ungaavaraq”-mi pisariaqartippatsigit.
Meeqqanut ulluunerani paaqqinnittarfimmik ineriartortitsivugut, ingerlatsinermik ataavartumillu ineriartortitsinermut sullissisuuvugut. Meeraaqqerivimmi qanimut attaveqatigiinnerit pingaartippagut, meeqqallu ataasiakkaat eqimattaqatigiillu ineriartornerat atugarissaarnerallu ukkataraagut.
Meeqqat alapernaatsut, tatitussusillit, peqqissut nuannaartullu Kommuneqarfik Sermersuup anguniagarai, aammalu Inatsit nr. 62 Meeqqanut suli atualerneqanngitsunut Perorsaanikkut inerikkiartuutaasunik ulluunerani neqeroorutit pillugit inatsisartut inatsisaat toqqammavigalugit meeqqat aqqutissiuullugit iliuusissatsinnik eqqartuisarnitsinni timitalerlugit piviusunngortinnissai anguniarpagut.
Meeqqerivitsinni immikkut ilisarnaatigaagut:
∙Anguniakkat aallaavigalugit sulineq, ukunannga:
∙Meeqqat piginnaasaat aallaavigalugit meeqqanut ineriartortitsineq
∙Akuersaartumik perorsaariaaseq atorlugu meeqqat naligalugit, meeqqallu piginnaasaat aallaavigalugit ineriartortitsineq
∙Tunngaviit 7 atorlugit meeqqanut oqallorissaanermik, pigiliussisinnaanermik, peqateqarsinnaanermillu aqqutissiuussineq
∙Kammagiitta kuffert atorlugu meeqqanut sammisassaqartitsineq; ataqqinninnermik, qanilaarnermik, killiliisinnaanermik, sassarsinnaanermillu aqqutissiuussineq
∙Perorsaaneq timersornertalik atorlugu meeqqanut timiminnik aqutsisinnaanermik, meeqqat aaliagiussisinnaanissaannik aqqutissiuussineq
Suliffik qanoq ittoq neqeroorutigisinnaavarput:
∙Aqutsisut sulisullu imminnut ikioqatigiittut, ataqqeqatigiittut akaareqatigiittullu, suliffik meeqqanut sulisunullu orniginartoq
∙Sulisut naligiimmik pikkoriffiilu aallaavigalugit suleqatigiittut
∙Meeqqat sulisullu imminnut qanilaarnerat toqqissisimanerallu pingaarnertut naleqartipparput
∙Sulisut angajoqqaallu attaveqatigiilluartut suleqatigiilluartullu
Qinnuteqartumut naatsorsuutigineqartut:
∙Nammineq akisussaaffimmik tigusisinnaasutit namminersorlutillu sulisinnaallutit
∙Suleqatinut atuisunullu suleqatikkuminartuussasutit
∙Allanngortitsinissamut aaqqeeriatarnissamullu piareersimasuusutit
∙Meeqqanut ineriartuutaasunik sammisaqartitsinernik pilersaarusiorsinnaasutit
∙Inini amigartoqartillugu igaffimmiulluunniit peqannginnerani akisussaaffimmik tigusisinnaasutit
∙Qarasaasiamik atuilluarsinnaasutit piumasaqaataanngilarli
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli
Meeraaqqerivik pillugu:
Meeraaqqerivik Ungaavaraq eqimattani sisamani meeqqat 48-nut inissaqarpoq, isikkivigissumilu inissisimalluni iseruminartuuvoq aammalu iserlugu silaannarilluni. Sulisut 15-iupput ima agguarsimasut: Aqutsisoq, Tullersorti, Perorsaasut pingasut, Inunnik Isumaginninnermi ikiortit sisamat, Ikiortit sisamat, Flyver ataaseq, Igaffimmiorlu ataaseq.
Meeraaqqerivik 15. december 2010-mi atulerpoq.
Meeraaqqerivik nal. 07:00 - 17:00 ammasarpoq Nuummilu illoqarfiup qeqqani Radiup qaqqaani inissisimalluni.
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:
Aqutsisuugallartoq Ululinanguak Kleist, oqarasuaat +299 36 69 30 imaluunniit e-mail: uluk@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 1092-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: novembarip 13.-at, 2025