Kommuneqarfik Sermersooq Eqqakkanut sullissivimmi immikkortortami Nuummi aqutsisumik pissarsiorpoq, avatangiisinut tunngasunik ukkataqartussaq, 1. decembari atorfinittussamik imaluunniit isumaqatigiissuteqarnikkut. Avatangiisinut tunngasut ukiuni aggersuni pissanganartumik ineriartorfiuvoq. Immikkoortortap suliarai avatangiisinut tunngassuteqartut, eqqakkannut passussineq ilaallunissaaq, kommuunit eqqagassalerinermut piginneqatigiiffiat ESANI A/S qanimut suleqatigalugu, aammattaaq kuuffiit il il aallutarineqarlutik.
Kommuneqarfik Sermersuup nunataa eqqarsaatigalugu nunarsuarmi kommunit annersaraat aammalu Kalaallit Nunaanni 23.000-it miss. innuttaqarluni kommunit inuttunersaralugu. Illoqarfiit pingaarnersaata Nuup saniatigut illoqarfiit Paamiut, Tasiilaq, Ittoqqortoormiit nunaqarfiillu arfineq-pingasut, kitaani Tunumilu, kommuneqarfimmiipput.
Avatangiisinut immikkoortortaq , fagchefip ataani aaqqissuussaavoq, 5-llu missaanik sulisoqarluni. Immikkoortortaqarfik Sanarfinermut Avatangiisinullu Ingerlatsivimmut atavoq.
Akisussaaffigisassat:
Immikkoortumi aqutsisutut, immikkoortup ataatsimut suliaqarnerani sulinerup pitsaassusaata qaffasissuunissaa qulakkiissavat. Immikkoortortami pingaartipparput suliffikkuminartuunissaq, aqutsisoqarfimmilu immikkoortortat allat suleqatigilluarnissaanik qulakkeerinnittussaq.
Immikkoortortaqarfimmi sulisut sulianik naammassinninnissamut piareersimanissaminnut piginnaasaqarnissaat ikiorneqarnissaallu akisussaaffigissavatit. Immikkoortumi ingerlatsivimmilu tamakkiisumik suliatigut siunersiuisassaatit.
Suliassatit ilaatigut makkuussapput:
·Immikkoortortami kommunimut pilersaarusiornermi, kiisalu avatangiisinut periusissiornermi annikillisaaqataaneq
·Innuttaasut saaffiginnissutaat avatangiisinut attuumassuteqartut akissuteqarfiginissaat isumagissallugu
·Avatangiisinut eqqakkallu passunneqarneranut suleqatigiissitanut peqataanissaq
·Ataavartumik aqutsisoqarfiup pisunut inatsisitigullu piumasaqaatinut nalimmassarnissaa
·ESANI A/S suleqatigineranut ataqatigiissaarineq
·Ingerlatsinermut tunngatillugu soorlu, kuuffinnut tunngasunut aqutsineq
·Sanaartornermi avatangiisinut tunngassutillit sanaartornermi immikkoortortaqarfik peqatigalugu ataqatigiissaarineq
Piginnaasatit:
·Teknikkimut tunngasunik ilisimatusarnikkut ilinniagaqarsimanissat
·Titartakkatigut, allakkatigut oqalunnikkullu erseqqissumik siumullu takorluuisumik saqqummiussisinnaassasutit.
·Kalaallit Nunaanni pilersaarusiornermut inatsimmik misilittagaqartutit
·Misissueqqissaarisinnaassuseqarputit, aqqissuussaasumik suleriaaseqarlutit ataatsimullu isiginnissinnaallutit – aammattaaq ulapaarfiusumi
·Suleqatit pilersaarutinik suliniutinillu nutaanik suliaqarnerinik tapersersuisinnaavutit
·Suleqatit piginnaasaasa ineriartortittuaannarnissaannut ikiuerusussuseqarputit piginnaasaqarlutillu
·Pilersaarutinik suliaqarnermi sunniuteqarluartumik aaqqiissuteqarnissamillu siunnerfeqartumik suleriaaseqarnissamik qulakkeerisinnaassasutit, avataaniittut qanimut suleqatigalugit.
·Aningaasaliissutinut tunngatillugu silappaarissumik paasinnittoq
Neqeroorutigaavut:
Suliffeqarfik uummaarissoq, qasukkarsimaartoq, tamanut inissaqartitsisoq nutaanillu misileraanissamut periarfissaqarluartoq.
Illoqarfimmi Inerisaanermi innuttatsinnut illoqarfinni inoqarfinnilu pitsaasunik atugassaqartitsinissaq anguniagaraarput, taamaaliornermilu ilaatigut nalinginnaanngitsunik iliuuseqartoqartariaqartarpoq. Kommuneqarfimmi avatangiisinut mianerinninnermut, kusassaanermut pitsaasunillu atugaqartitsinissaq siuarsarniarlugu suliniuteqartarpugut taamalu Kommuneqarfik Sermersooq amerlanerpaanut najugaqarfigissallugu pitsanngorsaaviginiartarparput.
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.
Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Fagchef-i Margrethe Rosing Hegelund, oqarasuaat +299 36 74 13 imaluunniit e-mail: mroh@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 1101-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: novembarip 3.-at, 2025