Flyver (ininut pisariaqartitsineq naapertorlugu ikiuuttartoq) soqutiginnittumik tunniusimasumillu Meeqqerivik Umiami sulilersinnaasumik pissarsiariumaneqarpoq
Meeqqanut ulluunerani paaqqinnittarfimmik ineriartortitseqataarusuppit suleqataarusuppit maani qanimut attaveqatigiinnerit pingaartinneqaqaat meeqqallu eqimattaqatigiillu ataasiakkaat ineriartornerat atugarissaarnerallu ukkatarineqarput. Taava suliffissaqartippatsigit.
Meeqqat alapernaatsut, tatitussusillit, peqqissut nuannaartullu Kommunitta anguniagai, aqqutissiuullugit iliuusissatsinnik eqqartuisarnitsinni piviusunngortinnissai anguniassavagut.
Meeqqerivitsinni immikkut ilisarnaatigaarput: Anguniakkat aallaavigalugit sulineq, ukunannga:
∙Meeqqat tamarmik inissaqartinnissaat, Meeqqerivik Umiami pingaartipparput inuit tamarmik assigiinngissuseq apeqqutaatinnagu inissaqartinnissaat
∙Meeraq paasinninnermik, akuersaarnerusumik perorsaariaatsimik toqqammaveqartumik periuseqarfiginissaa
∙Meeqqat timikkut tarnikkullu peqqissuunissaat meeqqerivimmiinneq nuannersumik misigissagaat
∙Taakkualu toqqammavigalugit ullormut meeqqamut ilikkalertorfiusunik avatangiiseqartitsineq, sammisassanik pilersaarutinik ingerlatsinissaq
∙Meeqqap ullaakkut iserneraniik tikilluaqqusaasutut misiginissaa, angajoqqaat meeqqeriviliaassineranni attaveqatiginissaa, avitseqatigalugu meeqqap qanoq inneranik
Atorfik:
∙Piffissaq tamaat suliffik - piffissaq suliffiusoq nal. 7 nal. 17-illu akornanniissaaq. Sulisut amerlassusiligaasut saniatigut atorfeqassaaq illulu tamaat atassuteqarfigissallugu. Meeqqerivinni anginerusuni piffissami aalajangersimasumi flyveri immikkoortortamut ataatsimut atassuserneqarsinnaavoq.
∙Napparsimasoqartillugu imaluunniit aalajangersimasumik sulisut allanik pissuteqartumik piffissaaleqineranni, meeqqat ulluinnaasa aalajaatsuunissaat skemamilu pilersaarutaareersut malinnissaasa qulakkeerneranut peqataassaaq.
∙Illup iluani tamani ikiuuttarsinnaavoq, annikitsumik eqqiaanermik, aaqqissuussinermik, igaffimmi ikiuunnermik kiisalu inini ikiuisarneq, taamaattumik sulisut meeqqallumi ilisarisimassavai.
Atorfimmi akisussaaffinnut piginnaatitaaffinnullu tunngasut:
∙Sulisut amerlassusiligaasut saniatigut atorfeqassaaq illulu tamaat atassuteqarfigissallugu
∙Meeqqerivinni anginerusuni piffissami aalajangersimasumi flyveri immikkoortortamut ataatsimut atassuserneqarsinnaavoq
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli
Suliassat pingaarnerpaat:
∙Inini aalajangersimasumik atorfillit tapersersornissaat, taamalu sammisassaqartitsinerit pilersaarutaasut ingerlanneqarniassammata.
∙Napparsimasoqartillugu imaluunniit aalajangersimasumik sulisut allanik pissuteqartumik piffissaaleqineranni, meeqqat ulluinnaasa aalajaatsuunissaat skemamilu pilersaarutaareersut malinneqarnissaat qulakkeerniarlugit ikiuuttarsinnaaneq.
∙Illup iluani tamani ikiuuttarsinnaavoq, annikitsumik eqqiaanermik, aaqqissuussinermik, igaffimmi ikiuunnermik kiisalu inini ikiuisarneq, taamaattumik sulisut meeqqallumi ilisarisimassavai.
∙Suliatigut ineriartortitsinissamut periarfissaqarneq
Suliffik qanoq ittoq neqeroorutigisinnaavarput:
∙Suliffik nuannersoq, sulisut akornanni suleqatigiinnissamik pingaartitsisoq, suleriutsinik ersarissunik pilersaarusiornissamik sunneeqataanissamik periarfissiisoq
∙Suliffik perorsaariaatsimut akuersaarnerusumut pingaartitsisumik ilusileeqataanissat
Meeqqerivik pillugu:
Børnehave Umiaq meeqqanut 40-t inissaqarpoq, 3-6 ukiulinnut. Init marluupput, meeqqat eqimattanut marlunnut avinneqarlutik. Iggaveqarpoq, ataani aalaffiusinnaasumik ineqarpoq meeqqanut periarfissiisumik. Sulisut inini pingasuupput, iggavimmioqarpugut, sulisut 9 katillugit.
Paaqqinnittarfipput aamma anguniakkavut pillugit uani annermik atuagassaqarpoq: sermersooq.gl
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:
Aqutsisoq Anatsiaq Jeremiassen, oqarasuaat +299 36 68 90 imaluunniit e-mail: arjr@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 1118-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: novembarip 7.-at, 2025