Suliffeqarnermut Isumaginninnermullu Ingerlatsivik inersimasunut innuttaasunullu utoqqaanerusunut najugaqarfittut neqeroorummut kajumissusilimmik suliatigullu pikkorissumik nakkutilliinermik suliaqarfimmut nakkutilliinermut siunnersortimik pissarsiorpoq.
Avatangiisini suleqatigiittut ataatsimoorfiulluartuni suliassat pissanganartut neqeroorutigaagut. Suliamut ilisimaarinninneq suliassanillu paasinartumik tunniussineq pingaartitaraarput. Taamaattumik isummavit tusarnissaa inissaqartinneqassaaq, suliamut tunngatillugu ataatsimullu isiginnittumik eqqartueqatigiinneq imaluunniit suleqammik itisiliilluni oqaloqatigiinneq inissaqartinneqartarput. Stabimi suleqataasutut suliffeqarfik politikkikkut aqunneqartoq ilisimasaqarfigilissavat aamma stabimi pisortaq fagchefillu qanimut suleqatigissavatit.
Suliffiup iluani nakkutilliineq ilinniarneq ineriartornerlu pillugit anguniagaqartumik ingerlanneqartarpoq, taamaalilluni piffissap ingerlanerani neqeroorutigut pitsanngoriartortarlutik. Taamaattumik paaqqinnittarfiit aamma suliaannik ataqqinnittumik pissuseqarluni oqaloqatigiinnikkut sulianik nakkutilliisoqarnissaa pingaaruteqarpoq. Najugaqarfissatut neqeroorutini nakkutilliineq tamakkiisumik aqutsisut, sulisut inuillu najugaqarfissatut neqeroorummi najugallit peqatigalugit ingerlanneqartarpoq. Ilaquttat aamma suleqatigisat peqataatinneqarsinnaapput.
Ingerlatsivimmi stabimut ilanngutissaatit, tassanilu qulit missaannik tunniusimasunik pikkorissunillu suleqateqalissallutit, assigiinngitsunik suleriaaseqarlutik ingerlatsivimmi suliassanik aqutsisut aalajangigaannik aaqqiissuteqartartunik. Stabimi suliffigissuuneq isumasiueqatigiinnerlu pingaartinneqaqaat.
Atorfiup imarisaa:
Nakkutilliinermut siunnersortitut makkua akisussaaffigissavatit:
·Kommuni tamakkerlugu agguataarsimasunik ingerlatsinermi nakkutilliinernik ukiumut 20-t missaannik pilersaarusiorneq
·Aallaqqaataanik naaneranut nakkutilliineq: Piareersarneq, naammassinninneq (taakkununnga ilanngullugu apersuinerit, malinnaanerit aamma uppernarsaatinik misissuineq) kiisalu nalunaarusiorneq
·Nakkutilliinermut atasumik ingerlatsivimmi immikkoortortani siunnersueqatigiinneq
·Kommunimi utoqqarnut aamma innarluutilinnut suliassaqarfinni inunnut tunngasunik nakkutilliinernik malitseqartitsinerit aamma suliassaq taanna pillugu sullissisunik isumasioqateqarneq
Tamatuma saniatigut immikkoortortami pisariaqartitsineq malillugu suliassanik allanik suleqataasassaatit.
Angalangaatsiartarnissat naatsorsuutigissavat, pissutigalugu ukiumoortumik Nuummi, Paamiuni, Tasiilami, Qeqertarsuatsiaani aamma Ittoqqortoormiini najugaqarfittut neqeroorutitsinnik nakkutilliinissaq atorfimmut ilaammat. Atorfik Nuummi inissisimavoq.
Atorfimmi iluatsitsilluassagaani aaqqissuussisinnaaneq pilersaarusiorsinnaanerlu pingaaruteqaqaat. Sulisoq tamatigoortoq, suliassanik assigiinngisitaartunik sulisinnaassuseqartoq nutaanillu misiliinissamik tunuarsimaanngitsoq pisariaqartinneqarpoq.
Innarluutilinnut suliassaqarfimmi aamma utoqqarnut suliassaqarfimmi aalajangersimasunik nakkutilliinermi najoqqutassaqarpugut, kisianni sullissilluarnikkut sulianut pitsaasumik sunniuteqarnissamut periarfissaqarluarpoq.
Qinnuteqartunut naatsorsuutigisat:
·isumaginninnermi perorsaasutut, isumaginninnermi siunnersortitut imaluunniit perorsaasutut attuumassutilimmik ilinniagaqartutit, ilinniaqqissimasutilluunniit
·suliassaqarfik - innarluutilinnut imaluunniit utoqqarnut najugaqatigiiffittut neqeroorut misilittagaqarfigigukku - iluaqutaassaaq
·sulianik assingusunik misilittagaqaruit iluaqutaassaaq
·allattariarsornikkut oqaatsitigullu ersarissumik attaveqarluarsinnaavutit
·marluinnik oqaaseqarnerit (kalaallisut/danskisut) iluaqutaassaaq piumasaqaataanngilarli
·namminersorlutit aamma aaqqissuussaasumik sulisinnaavutit
·avatangiisinnut akuersaartumik alapernaatsumillu pissuseqartuusutit
·qanilaartuusutit aamma inuit allat naligalugit naapittarpatit
·suliassamut akisussaaffimmik tigusisinnaavutit
·killissatit ilisimavatit aamma ikiorneqarnissamik qinnuiginnissinnaavutit
Pinerluuteqarsimannginnermut uppernarsaat:
Atorfimmut uunga atatillugu pinerlussimannginnermik uppernarsaammik pissarsinissamik inatsisitigut pisussaatitaavoq. Inatsit naapertorlugu kommuneqarfik pineqaatissinneqarsimannginnermik uppernarsaammik pissarsippat atorfinitsitsineq aatsaat pisinnaavoq. Taamaattumik maluginiaqqussavarput atorfinitsitsineq aatsaat isumaqatigiissusiorfigineqarsinnaammat kommuneqarfik pineqaatissinneqarsimannginnermik uppernarsaammik Politiinit tigusaqareerpat.
Akissarsiatigut atorfinitsitsinermilu atugassarititaasut:
Aningaasarsiat kiisalu atorfinitsitaanermi atugassarititaasut atorfininnermi isumaqatigiissutit malillugit suliarineqassapput, Naalakkersuisut kattuffiullu isumaqatiginninniarsinnaatitaasup akornanni isumaqatigiissutit atuuttut naapertorlugit atugassaqartitsisoqassaaq.
Qaammatini pingasuni misiligummik atorfinitsitsisoqassaaq.
Inissaq:Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: stabschefi Lise Buchardtimut saaffiginninnissannut tikilluaqqusaavutit, oqarasuaat. +299 48 48 87 imaluuniit e-mail: libt@sermersooq.gl
Qinnuteqaat:Qinnuteqaat qulequtserlugu Atorfiup ilisarnaataa 1124-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqassaatit:
Qinnuteqaatit elektroniskimik nassiunneqassapput, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpavut, qinnuteqaatit nittartagaq aqqutigalugu nassiunneqarnissaa inussiarnersumik piumasarineqarpoq
Qinnuteqarnissamut killissarititaasoq: novembarip 21.-at, 2025