Kommuneqarfik Sermersooq tunniusimasumik akisussaassuseqartumillu Utoqqaat Illuanni eqqiaasunut aqutsisumik pissarsiorpoq. Atorfik eqqiaasutut errorsisartutullu sulisunik aqutsinissamik nassataqarpoq, kiisalu eqqiaanermi, errorsisarfimmi paaqqutarinninnermilu toqqissisimanartumik eqqissisimasumillu avatangiiseqartitsinissamut qaffasissumik pitsaassuseqartitsinissamut akisussaaqataassaaq.
Utoqqaat Illuat Kommuneqarfik Sermersuumi Nuup illoqarfiani suliffeqarfiit pisoqaanerit ilagaat tallimanillu immikkoortortaqarluni, taakkunani najugaqartut 21-t agguataarsimallutik, najugaqartut 5+5+3 aamma 9+5 piffissami sivikitsumi innuttaasut qulingiluat qasuersertinneqartarlutik. Ulloq unnuarlu paaqqinniffiuvugut taamaammallu suleqatigiiaat pingasut paarlakaallutik sulisarput. Utoqqaat Illuani sulisut ilaatigut makkuninnga ilinniagaqarput: peqqissaanermut assistentit, peqqissaanermi ikiortit taakkulu saniatigut ilinniarsimanngitsut arlaqartut atorfeqarlutik. Immikkoortut pingasut saniatigut aamma errorsisarfeqarpoq, igaffeqarluni kiisalu pedeleqarluni.
Illumi pingaartillugit naleqartitat:
Qanilaarneq, suleqatigiilluarneq, ataqqeqatigiinneq, nuannaarneq, tatiginartuuneq attaveqatigiilluarnerlu.
Utoqqaat naleqartitaat ukuupput:
Nuannaaqatigiinneq, Ataqqeqatigiinneq, nuannaarneq, ingutsinnginnissaq inussiarnersuunerlu kissaatigineqarput.
Ilaatigut makku suliarisassavatit:
·Ulluinnarni eqqiaanermi errorsisarfimmilu suliassat isumaginissaat aqutsisuuffigalugu
·Sulinermut pilersaarusiornermik suleriaaseqarnermillu suliaqarneq aamma pitsaassutsimik nakkutiginninnermik qulakkeerinninneq
·Pisariaqartitsisoqaraangat sulinermi peqataasarnissat suliassanillu pingaarnersiuisarnissat
·Sulisunik oqaloqatiginninnerit ingerlattarlugit, matumani ilaallutik ineriartorneq pillugu isumassuinermillu oqaloqatiginnittarnerit
·Sulisut pikkorissaasarnikkut ilinniartittarnerisigullu suliatigut ilisimasaannik nutarteriffigineqartarnissaannik qulakkeerinninneq
·Pisiassanik inniminniineq, toqqorsivimmik aqutsineq aamma teknikkikkut atortussanik nakkutilliineq
·Aqutsisut ataatsimiinneranni peqataasarneq aamma nammineq sulisorisat attaveqatigisarnissaannik qulakkeerinninneq
·Tamakkiisumik eqqiiaanermik, errorsinermik pilersaarusiorneq aamma suliaqarneq aamma annoraaminernik isumaginninneq
·Najugaqartut aaqqissuussiffigineqarneranut ikiuutaaneq, ass. nalliuttuni aamma inuuissiortoqartillugu
·Ukiumoortumik suliaqarfimmut ingerlatsinissamik pilersaarummik suliarinninneq
Naatsorsuutigaarput illit:
·Eqqiaanermik, errorsisarfilerinermik aamma aqutsinermilluunniit misilittagaqarnissat
·Utoqqarnik suliaqarfimmik ilisimasaqarneq imaluunniit soqutigisaqarneq
·Sungiussiasoq, suleqatiginnikkusulluartoq akisussaaffimmillu pingaartitsisoq
·Tamakkerlugu isiginnissinnaaneq, sunniussinnaaneq aamma qiimasuuneq
·Oqaloqatiginninnernik sapernartunik kinguneqartussamik oqaloqatiginnissinnaaneq
·Pikkorissarnikkut piginnaanngorsaqqinnikkullu nutaanik ilisimasaqalerusussuseqarneq
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli
Neqeroorutigaavut:
·Suliffik pissanganartoq aamma tamatigoortoq annertuumik namminersorfiusoq
·Piginnaasatigut inuttullu ineriartornissamut periarfissaqarneq
·Sulinermi avatangiisit pitsaasut pimoorussisullu suleqatigiinnermik ataqqinninnermillu ukkatarinniffiusut
·Utoqqaat Illuanni aqutsisoqatigiinnut ilaanissamut periarfissaqarneq
Pineqaatissinneqarsimannginnermik uppernarsaat:
Atorfik una pineqaatissinneqarsimannginnermik uppernarsaammik pissarsinissamik pisussaaffeqarnermut inatsimmut ilaavoq Inatsit naapertorlugu kommuneqarfik pineqaatissinneqarsimannginnermik uppernarsaammik pissarsippat atorfinitsitsineq aatsaat pisinnaavoq. Taamaattumik maluginiaqqussavarput atorfinitsitsineq aatsaat isumaqatigiissusiorfigineqarsinnaammat kommuneqarfik pineqaatissinneqarsimannginnermik uppernarsaammik Politiinit tigusaqareerpat.
Akissarsiatigut atorfinitsitsinermilu atugassarititaasut:
Kalaallit Nunaanni Namminersorlutik Oqartussat kattuffiulluunniit allap isumaqatiginninniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq.
Qaammatini pingasuni misiliummik atorfinitsitsisoqassaaq.
Inissaq:
Atorfimmut atatillugu inigisassamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:
Ningiu Kathrine Lerch-Amondsen, oqarasuaat: +299 36 61 31 imaluunniit e-mailikkut: kler@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 1127-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqassaatit:
Qinnuteqaatit elektroniskimik nassiunneqassapput, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpavut, qinnuteqaatit elektroniskimik nassiunneqarnissaa inussiarnersumik piumasarineqarpoq.
Qinnuteqarnissamut killissarititaasoq: novembarip 6.-at, 2025