Kommuneqarfik Sermersooq - Meeqqanut Ilaqutariinnullu Ingerlatsivik:
Nuummi Siunnersuisarnermut Ilaqutariinnullu Katsorsaanermut Sullissivik katsorsaanermut suliassanut psykologimik imaluunniit terapeutimik tunniusimasumik suliamillu piginnaasalimmik pissarsiorpoq. Atorfik piffissaq tamakkerlugu atorfiuvoq.
1. januar 2026 isumaqatigiissuteqarnikkulluunniit aallartiffissaq kissaatigineqarpoq.
Siunnersuinermut Ilaqutariinnullu Katsorsaanermut Sullissivik pillugu:
Sullissiviup meeqqat, inuusuttut ilaqutariillu inuiaqatigiinni isumaginninnermilu ajornartorsiutinik aaqqiiniarnermi tapersersorneqarnissaminnik pisariaqartitsisut tamakkiisumik sulissutigisarpai. Immikkut ilisimasalittut teaminik sisamanik imaqarpugut, taakku pingaarnertut sammisaraat:
·Terapi aamma katsorsaaneq
·Siusissukkut iliuuseqarneq siunnersuinerlu
·Ilaqutariinnut suliniutillu tapersersuisut
·Eqimattanut sullissinermut immikkoortortaqarfik
Maanna psykologimik pissarsiorpugut meeqqanut, inuusuttunut ilaqutariinnullu ajornartorsiorfiusuni inissisimasunut allanngortitsiumasumik aammalu ineriartortitsinermi suliamik piginnaasaqarluartumik avatangiisinut sunniuteqarsinnaasumik. Pisortat qaninnerpaaq tassaassaaq terapi aamma katsorsaanermi immikkoortortaqarfimmi aqutsisoq, taannalu isumasioqatigiittassaasi. Suleqatigiit arfiniliusut suleqatigissavatit.
Suliassatit ilaatigut makkuupput:
·Meeqqanut inuusuttunut angajoqqaanullu ataasiakkaanut aamma gruppinut terapimik ingerlatsineq
·Ilaqutariinnut katsorsaaneq aamma angajoqqaanik siunnersuineq
·Naliliineq aamma isumaginninnikkut nalilersuinerit
·Katsorsaanissamut pilersaarusiornerit allaaserinninnerillu
·Suliassaqarfiit akornanni suleqateqarneq aamma oqartussaasunik ataatsimiititsinerni peqataaneq
·Team-ip iluani suliamik ineriartortitsinermut aamma ilisimasanik avitseqatigiinnermut sunniuteqarneq
Pingaartipparput illit:
·Psykologitut imaluunniit terapeutitut ilinniarsimassasutit
·Aaqqissuussamik suliaqarsinnaasutit suliamillu tamakkiisumik isiginnittariaaseqarsinnaasutit
·Suliassaqarfiit akornanni suleqatigiinnermik piginnaasaqartutit aammalu attaveqatigiinnermi tatiginninnermik pilersitsisinnaallutit
·Katsorsaanermi aammalu allaffissornikkut suliassanik soqutiginnittuusutit
·Nammineerlutit sulisinnaasutit aammalu suliamik akisussaaffimmik tigusisinnaasutit
·Sungiussiasuusutit aammalu nutaaliorsinnaallutit suliassanik ajornakusoortuni aaqqiiniarsinnaasutit
·Misiginneqatiginnissinnaasutit, ataqqinnittuusutit aamma inuttut pitsaasumik isiginnittaaseqartutit
·IT-systeminik aamma journalerinermik misilittagaqartutit
·Kalaallisut danskisullu oqalussinnaasutit – tamanna iluaqutaavoq, piumasaqaataanngilarli
Neqeroorutigaarput:
Uagutsinni suliamik tunngaveqartumik isumaqarluartumillu suliaqarfiusumi suleqataalissaatit. Tassani toqqissisimaneq, atugassarissaarneq aamma avitseqateqarsinnaaneq pingaartinneqartorujussuupput. Suliffeqarfipput ineriartortuarpoq allanngorartuullunilu, illillu suliassat imarisaannut sunniuteqarnissamut periarfissaqarlutit aammalu suliassaqarfimmi suussutsimut annertuumik sunniuteqarsinnaallutit inissisimassaatit.
·Atorfik unammillernartoq pingaarutilik. Namminersorsinnaanermut sunniuteqarsinnaanermullu periarfissalik
·Suliffik suliniuteqarnissamut, nutaaliornissamut aammalu suliamik ingerlatsinissamut inissaqartitsisoq
·Suliffeqarfimmut aamma suliffimmut peqqissaartumik ilisarititsineq atorfinitsitsinerlu
·Qanimut aqutsisullu avitseqateqarsinnaaneq aammalu suleqatigiit iluanni ataqatigiinneq pitsaasoq, suleqatigiinnermik ilisimasanillu avitseqatigiinnermik tunngaveqartumik
·Supervision aqqutigalugu suliamik ineriartortitsineq, ilinniaqqinneq aammalu sulianut attuumassuteqartunut pikkorissarnerit
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:
Immikkoortortami aqutsisoq Janusiya Makendrarajah, oqarasuaat +299 55 06 16 imaluunniit e-mail: jmak@sermersooq.gl imaluunniit uunga
Fagchef Maliina Junge Jørgensen, oqarasuaat +299 36 80 53 imaluunniit e-mail: mjuj@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 1176-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: decembarip 2.-at, 2025