Kommuneqarfik Sermersooq/ Isumaginninnermut Suliffeqarnermullu Ingerlatsivik/ Utoqqarnik sullissinermut immikkoortortaqarfik
Utoqqaat Illuannut paaqqutarinniffiusumut, oqilisaassiviusartumut sammisassaqartitsivimmullu pisortamut tullersortit
Utoqqarnik qanigisaat qanimut oqaloqatigisarlugit sullissinissaq kissalaarfigaajuk? Aammalu inuttut piumassuseqartuuit nuannaartuullutillu, suliassaqarfiit akimorlugit sulisinnaallutit, taamaappat Utoqqaat Illuanni pisortap tulliatut atorfik immaqa ilinnoortuuvoq?
Utoqqaat Illuat tassaavoq Paaqqutarinnittarfik, oqilisaassisarfik aamma Sammisassaqartitsivik, 5-inik immikkoortortaqarluni aammalu peqqissartitsisarfeqarluni. Suliassaqarfiit makkuupput: immikkoortortaqarfiit marluk oqilisaassivinnik inissaqartitsisut, atuisunut 14-inut inissaqarluni, aamma paaqqutarinninnermut immikkoortortaqarfiit sisamat najugaqartunut 19-inut, 5-inut, 3-inut aamma 5-inut inissaqartitsisut. Suliassaqarfiit Tungiu, Ippat, Paaqqutaq aamma Pillorissaavik tamarmik immikkut suleqatigiikkaanut ataqatigiissaarisumik aqunneqarput.
Kommuneqarfik Sermersooq periusissiaq ”Sermeq qulaallugu” – siunissaq ataatsimoorullugu” aallaavigalugu sulivoq tassanilu siunertarineqarluni aaqqissuussaaneq ingerlalluartoq, patajaatsumik aningaasaqarneq, suli pitsanngorsaaneq pisariillisaanerlu kiisalu kissaatiginartumik innuttaasunut sullissineq akikinneq. Sulinitsinnut politikkikkut anguniakkat aallaaviupput ilaatigut suleqatigiinnissamut isumaqatigiissutitsinni ” Inuk tamarmiusoq ataatsimooqatigiiffimmi pisussaaffiusumi, nammaqatigiiffiusumi nutaaliorfiusumilu” aallaaviulluni.
Atorfiup imarisai:
Immikkoortortaqarfinnut tallimanut aqutsinermut akisussaalissaatit. Utoqqaat Illuannut pisortap ataaniissaatit, aammalu igaffimmut, suleqatigiikkaanut ataqatigiissaarisunut, pedelinut il.il. aqutsisooqatigiinni ataatsimoortuni ilaalissaatit.
Suliniuteqarfiusut annertuut ilaat tassaavoq, inummik attaveqaataasussamik aaqqissuussinermik suliaqarnerput, ammasumik attaveqaqatigiinneq, inuunerup oqaluttuassartai il.il. suliniuteqarnerit atuutsinneqalissasut maannakkut kissaatigaarput, taamaalillutik aamma qanigisaasut allanngortoqartoq malugisinnaassallugu aammalu illumut iseraangamik nuannernerusumik misigisaqartassallutik.
Taamaattumik pisortap tullianik sulisunik kajumilersitsisinnaasumik ineriartortitsisinnaasumillu, ineriartortitsinerup nutaanik iliuuseqarluni ingerlanneqarnissaanut, peqataasussamik sulisussarsiorpugut. Peqatigisaanik najugaqartut aamma qanigisaasut pisariaqartitsinerisa paasisimaarinissaa kissaatigineqarpoq. Tulliullugu aamma sumiiffimmi ersarissuussasutit aalajaatsuussasutillu, aammalu ammasumik attaveqaqateqarnissaq pingaartissagit, kissaatigaarput.
Pisortap tullianut kissaatigaagut:
·Aqutsisutut tunuliaqutaqarluartoq – utoqqarnik sullissinerup iluani misilittagaqaruni pitsaassalluni
·Pisortap sulinnginnerani paarlattaasinnaasoq
·Ammasumik aqutsinermik suliaqarusuttoq
·Aqutsisooqatigiinnik ineriartortitsinermi pimoorussilluni peqataarusuttoq
·Anguniagaqarluarnissamik eqqarsartaaseqartoq aammalu suliat qaffasinnerpaamik pitsaassuseqartillugit piviusunnogrtinneqartarnissaannik ujartuisartoq
·Sungiussiasoq, iliuuseqallaqqissoq aammalu ”aporfiit pinnagit periarfissat isiginiarneqassasut” isumaqartoq
·Suleqatinik immaqalu ilinniartunik ilitsersuinermik piginnaanngorsaanernillu misilittagaqartoq
·Suleqatigiikkaanut ataqatigiissaarisut pingasut, aamma illumi sulisut sinneri, suleqatigalugit malittarisassat, ilitsersuutit aamma suliniuteqarnerit nutaat atuutsinneqarnissaannut akisussaasuusoq
·Najugaqartut ataqatigiissumik atugaqartinneqarnissaannik qulakkeerisinnaasoq
·Illumiittunut tamaginnut nuannaarluni inussiarnerlunilu utoqqarnut angerlarsimaffimmik nuannersumik pilersitseqataasinnaasoq
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.
Neqeroorutigaagut:
Atorfik pitsaassutsit ineriartortitsinerillu qaffasinnerunissaannik aallussiviusoq, sulisut aallussilluartut, illu kissalaartoq uummaarissorlu, ulluinnaat sunniuteqarluartut periarfissarissaartitsiviulluni.
Piffissaq suliffiusussaq sapaatip akunneranut nalunaaquttap akunnerinik 40-inik sivisussuseqarpoq, pingaartumik ulluunerani pigaartuulluni.
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.
Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: pisortaq Kathrine Lerch-Amondsen, oqarasuaat +299 36 61 31 imaluunniit e-mail: kler@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 1248-24 -mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: januaarip 1.-at, 2025