Kommuneqarfik Sermersooq utoqqaat illuani Ippiarsummi patajaatsumik pimoorussilluartumillu aqutsisussarsiorpoq.
Najugaqatigiiffimmi inissat 33-pput taakkunanilu qulit puiguttortunit inissarineqarlutik. Taakkualu saniatigut immikkoortortaqarfik qanimut suleqatigisatsinnik inuusunnerusunut innarluutilinnut qulinik inissaateqarpoq. Ippiarsuk aamma innuttaasunut angerlarsimaffinniittunut innersuunneqartunut sammisassaqartitsisarpoq.
Utoqqaat illuat arfinilinnik immikkoortortaaqqanut agguataaqqavoq
∙Paaqqutarisarialinnut immikkoortortaqarfiit marluk
∙Puiguttortunut immikkoortortaqarfik ataaseq
∙Igaffik
∙Errorsineq aamma eqqiaaneq
∙Allaffissorneq
∙Sammisassaqartitsivik
Pakkutami sulisut 70-t missaanniipput.
Ippiarsummi aqutsisutut illit uku - tullersorti, immikkoortortaqarfimmi aqutsisoq aammalu niviarsiaq - suleqatigalugit ulluinnarni ingerlatsissaatit Suliffiuvoq assigiinngitsorpassuarnik suliassanik suliaqarfiusoq aammalu utoqqartatsinnut angerlarsimaffiusoq Taamaattumik pingaaruteqarpoq illit aqutsisutut ulluinnarni eqqummaarillutit nuisasumik qanilaartumik aqutsisuulluarlutillu sulinissat.
Utoqqarni sullivinni suleqatigiit akornanni siammasissumik ineriartortumillu aqutsinermi inuttullu ineriartorfiusussamik suliniuteqarneq aallartinneqarsimalerpoq Ippiarsuk utoqqarnik paaqqutarinniffiuvoq najugaqartoq qitiutillugu sulilluta aamma tatiginassuseq, qanilaassuseq, isumassuineq, toqqissisimaneq, tusarnaarneq, inuunermilu pitsaassuseq naleqartinneqarlutik aallaavigineqarput.
Kommunip utoqqarnut politikkia aallaavigalugu innuttaaqativut utoqqaat sullinneqartarput, taanna uani, kommunillu maleruagassiai allat ilanngullugit allagartat uppernarsaatit ilanngullugit takusinnaavatit:
https://sermersooq.gl/da/politik-indflydelse/politikker-strategier/
Aqutsisussarsiorpugut imaattunik piginnaasalimmik:
∙Peqqissaanermi ilinniarsimasoq tassungaluunniit tunngasumik ingerlaqqiffiusumik ilinniarsimasoq
∙Ajornanngippat utoqqarnik sullissinermi aqutsinermilu misilittagaqarneq
∙Suleqatikkuminartuuvutit allannguinissamut ineriartortitsinissamullu piumassuseqarlutit
∙Isumassarsiortoq pitsaasumillu eqqarsarsinnaasoq
∙Inatsisit atuuttut najoqqutassallu naapertorlugit ineqqartunik paaqqutarinninnermik isumassuinermillu qulakkeerisinnaasoq
∙Ilinniarsimanngitsunik ilinniagalinnillu sulisunik suleqatiginnissinnaasoq
∙Tamanik takunnissinnaasoq sulinermillu ataqatigiissaarisinnaasoq immikkoortortaqarfiit suleqatigalugit
∙Missingersuinermut aningaasaqarnermullu ilisimasalik
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli
Neqeroorutigivagut:
∙Innuttaaqatitsinnut utoqqarnut isumaginninnerup nukittorsarnissaanut ineriartortinnissaannullu periarfissiineq
∙Suliffik ullormut pissanganartuaannartoq ullullu assigiinngisaannartut
∙Aqutsisoqatinik isumasioqatigiinnissamut periarfissaqarluarneq
∙Immikkoortortaqarfimmi aqutsisunik fagchefinillu qanimut suleqateqarneq
∙Inuttut suliamullu tunngasutigut ineriartornissamut periarfissat
∙Sulisunik kajumissuseqarluartunik pikkorissunillu suleqateqarnissamut periarfissaqarneq
∙Aqutsisup toqqaannartumik utoqqarnut susassaqarfimmi pisortaq qullersarissavaa
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami Aqutsisoq Johanne-Marie Bergstrøm, oqarasuaat +299 36 70 11 imaluunniit e-mail: jomb@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 1317-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: januaarip 6.-at, 2026