Eqqumiitsulianik nuannarisaqarluinnarpit katersugaasivimmilu sulinissamik takorluugaqarlutit?
Isumassarsiavit piviusunngortinniarnissaat pikkoriffigaajuk?
Suliffeqarfik mikigaluarluni pilersitsiviuvoq, peqatigaluta Nuummi eqqumiitsuliortut silarsuaanni ineriartortitseqataarusuppit?
Oqaluttuallaqqippit?
Meeqqat inussuttullu atuartissinnaavigit, immaqalu pisariaqartitsinikkut kikiatserillutit saqqummersitsinissanillu aaqqissuuseqataallutit?
Pingaarnerpaatut makku suliassarisassavatit:
∙Katersugaasivimmi pulaartunut sullissilluarsinnaaneq
∙Nuummi Kalaallit Nunaannilu eqqumiitsuliornermik ilisimasanik ineriartortitsineq
∙Saqqummersitsinernik, Inuiattut Ullorsiorneqrmik, Unnuk Kulturisiornermik, meeqqanut sammisaqartitsinernik assigisaanillu ingerlatsineq
∙Saqqummersitsiviup atuarfinnut ilinniarfinnullu neqeroorutaanik ingerlatsineq
∙Saqqummersitsiviup katersugaataanik nalunaarsuineq
∙Saqqummersitsinernik pilersitseqataaneq, isumassarsiarineranit ikkussuunneranut, aningaasalerneqarnera nalunaarusiorneralu
∙Suliat tamarmik katersugaasivilerisut marluk aqutsisorlu suleqatigalugu ingerlanneqartarput.
Tulliuttut piumasaqaataanngillat, kisianni naatsorsuutigerusupparput:
∙Aqutsisinnaasutit ajornartorsiutinullu aaqqiissutissiillaqqissutit
∙Isertunut tamanut tikilluaqusillaqqissinnaasutit
∙Suliffissamut tulluartumik ilinniagaqarsimasutit, soorlu eqqumiitsuliornermik oqaluttuarisaanermi, Ilisimatusarfimmi Kultuurit Inuiaqatigiillu Oqaluttuarisaanerat imaluunniit Oqaasilerineq, Atuakkialerineq Tusagassiuutilerinerlu, imaluunniit takornarialerinermi assigisaanilluunniit
∙Katersugaasivilerinermi, eqqumiitsuliornermi kulturimiluunniit misilittagaqartutit
∙Meeqqanik inuussuttunillu atuartitsinermik misilittagaqartutit
∙Kalaallisut, qallunaatut tuluttullu oqalussinnaasutit
∙Kalaallit Nunaanni eqqumiitsuliornerup kulturilerinerullu silarsuaani suleqataasinnaasutit
∙Pitsaasumik sullissinermik pingaartitaqartutit
∙Nikerartumik allanngortumillu sulisinnaassutit
Ilinnut neqeroorutigisinnaavagut:
∙Taartaallluni sulineq, sap. ak. 25 tiimit – allannguisarsinnaanermik inissaqarluartoq, aammalu piffissani aalajangersimasuni tiimit annertunerit pisarsinnaaneri
∙Suliffik namminersorsinnaanerup ineriartortinnissaanut periarfissalerujussuaq
∙Suliffik inuppalaartoq (kaagisoqatigiittarlutalu)
∙Immikkoortortami takorluukkanik piviusunngortitsinissamik periarfissaqarluarneq
∙Suliassat assigiinngitsut, suliassat allanngorartut
∙Suliffik Kalaallit Nunaanni eqqumiitsuliornermi kulturikkullu pisuni malinnaaffik
Nuummi Eqqumiitsulianik saqqummersitsivik pillugu:
Nuummi Eqqumiitsulianik Saqqummersitsivimmi aqutsisumik piffissaq tamakkerlugu sulisartumik atorfeqartoqarpoq, katersugaasivilerisut marluk piffissaq tamakkerlugu sulisut, katersugaasivilerisorlu sap. ak. 25 tiimit sulisartoq (immaqa illit), aammalu ilinniartut ikiortit sisamat 5-15 tiimit sulisartut. Kalaallit Nunaanni eqqumiitsulianik katersugaasivinni annerpaajuvoq, katersanik atajuartunik katersaatilik Kalaallit Nunaannilu saqqummersitanut allanngorartunut saqqummersitsivissanik inimik pitsaanerpaanik peqartoq.
Paasisaqarnerorusukkuit nuukkunstmuseum.gl. alakkarsinnaavat.
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Atorfeqarnerup sivisussusaa 1. marts 2026-miit isumaqatigiissuteqarnikkulluunniit, ulloq 31. august 2026 tikillugu.
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:
Aqutsisoq Hanne Kirkegaard, oqarasuaat +299 36 60 33 imaluunniit e-mail: haki@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 133-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: februaarip 27.-at, 2026