Ippiarsummi suleqatit peqatigalugit ineriartortitsineq suleqatigiinnerlu sunniuteqarfigerusuppigit?
Suleqatit pitsaasut kajumittullu utoqqarnik taakkulu ilaqutaanut sullisserusuttoq atorfissaqartipparput.
Ippiarsuk pillugu:
Ippiarsuk utoqqarnik paaqqutarinniffiuvoq najugaqartunut 34-nut inissaqartoq aamma ulluunerani sammisaqartitsiffiulluni 35-nut inissaqartitsisoq. Ineqartut immikkoortortanut pingasunut agguarneqarsimapput, immikkoortortani tamaginni ineqartut 11-11-12-iullutik. Ippiarsummi sulisut makkuninnga ilinniagaqarput: Peqqissaasoq, Peqqissaanermi assistentit, Peqqissaanermi ikiortit ilinniarsimanngitsullu. Immikkoortortatta pingasuusut saniatigut illu Sammisassaqartitsiveqarpoq, Igaffik, Errorsisarfik, Allaffik, pedeli biilertorlu. Ippiarsummi sulisut 70-inik amerlanerulaarpugut. Immikkoortortatta pingasuusut saniatigut aamma immikkoortortaqarpugut Pakkutaq, taanna Inuit innarluutillit tarnimikkullu napparsimasunut suliassaqarfiup ataaniippoq.
Maani nuannersumik ataqqinnittumillu attaveqatigiinnermik kultureqarluta sulisarpugut. Ammasumik oqaloqatigiinneq, tatiginninneq suleqatigiinnerlu aqqutigalugit suliffimmi avatangiisit pitsaasut pilersinneqartartoq upperaarput – ingutsiffiunngitsoq. Sulianut ilisimaarinninneq, peqqissaartuuneq aamma atugarissaarnissamut akisussaaffeqaqatigiinneq pingaartitaraagut. Pingaarnertut naleqartitarput tassaavoq innuttaasup pingaarnerutinneqartuaannarnissaa aamma inuit ataasiakkaat tamarmik qanilaartumik ataqqinnittumillu naapinnissaat pingaartitaraarput.
Atorfik ulloq naallugu atorfiuvoq, sapaatip akunneranut 40 tiimit, ullukkut, unnukkut unnuakkullu kiisalu sapaatip akunneri marluk allortarlugit pigaartuuneq.
Naatsorsuutigaarput:
∙Peqqissaanermi assistentitut assigisaanilluunniit ilinniagaqarsimasutit
∙Suliatigut inissilluarsimasoq sullissinermillu misilittagartuujusutit
∙Akisussaassuseqartuusutit
∙Nikerartuni pigaartooqataasinnaasutit
∙Ajornanngippat marluinnik oqaaseqartutit, akornutaanngilarli.
∙Allanik suliaqarfinnik suleqateqarnissamut piginnaasaqarluartuusutit
∙Tamatigoortuusutit pitsaasuusutillu
∙Utoqqarnik sullissinermi sulerusussuseqartutit soqutiginnillutillu
∙Ilinniartitaanermut peqataasinnaasutit, ilinniartunullu suliamik misiliisunut siunnersortaasinnaasutit
∙Illumi pissutsinut pitsaasumik, nutaaliornermik, isumassarsiornermik ineriartortitsinermilu sunniuteqaqataajumasutit
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli
Neqeroorutigaavut:
∙Illu, suleqatit suliffigisassarlu pillugit paasissutissanik tuniorarluarneqassaatit
∙Suliassat assigiinngitsut nammineerlutit ingerlassinnaagitit tatigineqarputit
∙Piginnaasavit iluanni akisussaaffeqassasutit
∙Assigiinngitsunik suliaqarneq, suliassat pissanganartut, suleqatit illumilu najugaqartut peqatigalugit nuannersunik misigisassaqartarneq
∙Suliffik ataqqinninnermik, akisussaaffimmik ilinniarnermillu ukkassiffiusoq
Peqqissaanermi assistentitut innuttaasut ulluinnaanni suliatigut pitsaassutsimik annertuumik toqqissisimanermillu qulakkeerinninnissamut pingaarutilittut inissisimassaatit. Namminersorlutit suliaqarsinnaavutit aamma sulianut ilisimasaqarlutit peqqissaanermi suliassanik suliaqarsinnaavutit, tassunga ilanngullugit nakorsaatinik annertussusiliineq, malinnaaviginninneq uppernarsaasersuinerlu. Illit ujartorpatsigit, suliatigut ilisimasaqarluartoq, ulluinnarni ulapaarfiusuni eqqissisimasoq tatitooq – tamakkiisumik isiginnissinnaassusilik aamma naatsorsuutiginngisamik pisoqaraluaraangat.
Naleqartitat soorlu ataqqinninneq, akisussaaffeqarneq aamma suliatigut tulluusimaarneq aallaavigalugit sulisarpugut, aamma suliffimmi avatangiiseq pitsaasoq nuannersumik akuersaartumillu attaveqarfiusoq pingaartipparput. Maani ingutsineq inissaqartinneqanngilaq – ammasuuneq, suleqatigiinneq tatiginninnerlu upperisaraagut. Suleqatigiinnut ilanngutissaatit, tassani ataatsimoorluta suleqatigiittarpugut innuttaasorlu qitiutittarlugu – ullut tamaasa.
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:
Immikkoortortami Aqutsisoq Nivi Clasen, oqarasuaat +299 56 45 20 imaluunniit e-mail: nvcl@sermersooq.gl imaluunniit uunga:
Pisortaagallartoq Peter Lund Eriksen, oqarasuaat +299 36 61 74 imaluunniit e-mail: pelr@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 161-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: marsip 9.-at, 2026