Igasuuit imaluunniit inuussutissarsiornermut ikiortitut ilinniagaqarput aammalu peqataatitsinermut avatagiisunullu isumalimmik pilersitsinissat uummateqarfigiviuk?
Atorfik sapaatip akunneranut akunnernik 40-nik suliffiuvoq, pingaarnertut ullaakkut unnukkullu suliffiulluni.
Najugaqatigiiffik Seernaq Nuummi immikkoortortatsinni annerit ilagivaat najugaqartunik 19-nik timimikkut tarnimikkulluunniit innarluutillit ilaatigut ineriartornerminnik unittoornikut autsimimillu innarluutillit.
Pingaarnertut suliassarissavatit pilersaarusiorneq nerisassanillu peqqinnartunik, allanngorartunik inuussutissaqarluartunillu najugaqartunut piareersaaneq aammalu ulluinnarni nerisassanut pitsaasumik misigisaqarnissamut tunniusseqataaneq. Sulisut sinneri aqutsisullu qanimut suleqatigalugit najugaqartut ulluinnarni qanoq issusaat nerisaqarnerullu tungaatigut inuulluataarnissaat suliniutigissallugu.
Aammattaaq nerisassanut, pisiniarnermut igaassanillu pilersaaruisornernut siunnersuisarnissaq suliassavit ilagissavaat. Suleqatit peqatigalugit najugaqartut ulluinnaani toqqissinermik pilersitsinissaq suliniutigissavarsi.
Sulisut 19-nit missaaniittut suleqatigissavatit taakkua assigiinngitsunik tunuliaquteqarput ilai perorsaanikkut ilinniagallit ilai peqqinnissamik ilinniagallit ilinniarsimasut ilinniarsimanngitsullu, akornassinni suleqatigiinneq ilisimatussuserlu pingaartillugu ulluinnarni suleqatigiittassallusi.
Akisussaaffiitit imatut isikkoqassapput:
·Ullunut arlalinnut nerisassiorneq, pingaartumik najugaqartumut ataatsimut
·Nerisassanik pisiniarnissamut siunnersuineq
·Allanngorartunik peqqinnartunillu igaassanik pilersaarusiorneq
·Najugaqatigiiffik Seernap immikkoortortarisaanut pisariaqartitsinermi siunnersuineq ikorfartuinerlu
·Suleqatinut ulluinnarni suliassanut suleqataaneq
Naatsorsuutigaarput:
·Igasutut inuussutissarsiornermut ikiortitut ilinniagalik
·Iggavimmi ingerlatsinermut misilittagalik nerisassanullu pilersaarusiorsinnaasoq
·Nerisassanik allanngorartunik, peqqinnartunik inuussutissalinnillu igasinnaasoq
·Aalajaatsoq, eqinnaattoq suleqataalluarsinnaasorlu
·Siumut pilersaarusiorsinnaasoq allannguutinullu ullullu ilaanni piffiit nalunarsinnaasunut qaangeeqataasinnaasoq
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli
Neqeroorutigaarput:
·Atorfik peqqissutsimut eqqummaariffiusoq suleqatigiiffiusorlu
·Suleqatit tunniusimasut peqatigalugit sulliviup avataatigut pitsaasumik atugassarititalik
·Atorfik najugaqartut peqqinnissuseq nerisaqarnerlu pitsaasoq aallaavigalugit inuullualaarsinnanermik tunniussaqarsinnaasoq
·Suliffik aalajaatsumik, ataqqinninnermik ilisimatussusermillu ukkatarinnittoq
Uagut pilluta:
Atorfimmi uanit annertuumik ataatsimoorfiusumut peqataalissuutit: Immikkoortortaavugut arfineq pingasunik najugaqatigiiffilik, tallimanik bokollektivilik, marlunnik sammisassaqartitsivilik aammalu pingasunik ikorfartorteqatigiilik Nuummi, Tasiilami Paamiunilu.
Immikkoortortamut atorfimmut pissanganarluinnartumut ineriartortumik neqerooruteqarpugut. Ineriartornerup ilagivaa sulisutut nutaatut ilisarititsinissaq pitsaasoq ingerlanneqarnissaa, avitseqatigiittuarneq aammalu ilisimatussutsikku ataatsimoorfiusoq.
Sapaatip akunnera 11-mi naatsorsuutigaarput atorfininnissamut oqaloqatiginninnerit ingerlanneqarumaartut
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:
Aqutsisoq Tupârnak´ K. Raage, oqarasuaat +299 54 78 46 imaluunniit e-mail: tuki@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 186-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: marsip 2.-at, 2026