Nuummi Pilersaarusiornermut immikkoortortaqarfimmut illoqarfimmik pilersaarusiortoq – Suliassat assigiinngisitaartut innuttaasunik peqataatitsineq pingaartillugu
Kommuneqarfik Sermersuumi ineriartortitsinermik suliniutinik arlalinnik pissanganartunik ulapputeqarpugut, taamaattumillu innuttaasunik peqataatitsineq pingaartillugu illoqarfimmik pilersaarusiortumik pissarsiorpugut.
Uagut pilluta:
Kommuneqarfik Sermersuumi suleqatigiinnguuvugut uummaarissut kommunimi pilersaarusiornermik siammasissumik suliallit - illoqarfiit pingaarnersaanni inoqarfinni mikisuni aamma nunaannarmi pilersaarutit ukkataraavut. Uagut suliassavut assigiinngisitaartuupput aamma pilersaarusiornermik tamakkiisumik najukkamilu piginnittuunermik piumasaqaatitaqarput. Nammineq suliniuteqarneq, suleqatigiinneq aamma suliassanik tigusisinnaanermik periaaseqarneq aqqutigalugit kikkut tamat piginnaasatik isumassarsiatillu tunngavigalugit ilanngussaqartarnerat.
Atorfik pillugu:
Illoqarfimmi pilersaarusiortumik soqutiginnittumik suleqatissarsiorpugut, innuttaasup peqataatinneqarneranik aamma kommunimi sanaartukkatigut ineriartortitsinermi tusaaneqarnissaanut kissaateqartumik. Uagut suleqatigiit akornatsinni qitiusumik atuuffeqassaatit aamma peqataatitsinerit tusarniaasitsinerillu immikkut pingaartillugit suliassanut assigiinngisitaartunut akisussaaffeqassaatit.Suliassatit pingaarnerit makkuussapput:
∙Kommunimut pilersaarusiorneq: Kommuni pilersaarutit iluarsaqqinneqarnerannik atulersinneqarnerannullu peqataaneq, taakkununnga ilanngullugit paasiniaaqqissaarnerit innuttaasunillu peqataatitsinerit.
∙Suliniummik aqutsineq: Suliffeqarfiup iluani avataanilu suleqatitit peqatigalugit illoqarfimmik ineriartortitsinermik suliniutit aalajangersimasut aquttuuffiginerat.
∙Suleqatigiinneq aamma ataqatigiissaarineq: Suleqatit, kommunimi immikkoortortat allat, avataanit siunnersortit, innuttaasut soqutigisallillu qanimut suleqatiginerat.
∙Allaffissorneq aamma attaveqaqatigiinneq: Allakkianik, nassuiaatinik, saqqummiussassanik attaveqaqatigiinnermilu atortussanik allanik suliaqarneq suliffeqarfimmi avataanilu tigusisussat atugassaannik.
Illit ilisarnaatitit:
Ataani kissaatigisatut perusutatsinnik arlalinnik naammassinnissinnaanerit iluaqutaassaaq
∙Pilersaarusiornerup, suliniummik aqutsinerup peqataatitsinerullu iluani illoqarfimmi pilersaarusiornermik, nunalerisutut, titartaasartutut assigisaannilluunniit misilittagaqarneq.
∙Kalaallit oqaasiinik kulturiannillu ilisimasaqarneq
∙Illoqarfimmik pilersaarusiornermik aamma illoqarfimmik ineriartortitsinermik suliniutinit misilittagaqarneq - ajornanngippat kommunimut tunngasunit tamanna iluaqutaassaaq.
∙Paasiniaaqqissaarnermut attaveqaqatigiinnermullu piginnaasaqarluavinneq, kiisalu sammisanik katitigaasunik sullitanut assigiinngitsunut nassuiaallaqqissuseqarneq.
∙Namminersorsinnaassutit, aaqqissuussaasumik aaqqiissuteqarnissamillu siunertaqarlutit sulisinnaasutit suliassat assigiinngitsut ataatsikkut isumagisinnaanerat ilanngullugu.
∙Suleqatigiinni inuttakitsunnguani sulinissamut kajumissuseqartutit, tassani eqaatsumik suleqateqarsinnaanermillu periuseqarneq pingaaruteqarluinnarpoq.
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli
Neqeroorutigaavut:
∙Ineriartortitsinissamut periarfissat pitsaasut: Illoqarfimmik kommunimillu pilersaarusiornermut, suliniutinik aqutsinermut aamma innuttaasunik peqataatitsinermut piginnaasanik ineriartortitsinissamut periarfissat.
∙Nammineersinnaalluarneq: Nammineq suliniutinut suliassanullu akisussaaffeqarneq, illit nammineq kommunimi ineriartornermut sunniuteqaqataasinnaavutit.
∙Suliffimmi avatangiisit soqutiginnittut ilumoorsaartuaannanngitsut, suleqatit pitsaasut aamma sulinermi atugassarititaasut eqaatsut.
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.
Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:
Pilersaarusiornermut pisortaq Runa Sværd, oqarasuaat +299 55 54 84 imaluunniit e-mail: ruma@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 190-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: marsip 2.-at, 2026