Tasiilami Pisortaqatigiit Allatseqarfianni siunnersortimik pikkorissoq tunniusimasorlu
Pisortaqatigiit Allatseqarfiat borgmesterimut pisortaqatigiinnullu pingaarutilimmik inissisimavoq kommunillu oqartussaaffiinik anguniagaanillu ikorfartueqataassalluni. Pisortaqatigiit Allatseqarfiat qinikkanut kiffartuussinermik akisussaaffeqarpoq borgmesterimullu sullissinerup saniatigut kommunalbestyrelsimi ilaasortat nunaqarfinnilu aqutsisuni ilaasortat aamma najukkami ataatsimiititaliat sullittarpai. Nunaqarfinnut aamma najukkami ataatsimiititalianut ataqatigiissaarisup akisussaaffigissavai Tasiilap eqqaani nunaqarfinni aqutsisut sullinnissai, tassa Kuummiini aamma Sermiligaami nunaqarfinni aqutsisut aamma Tiilerilaami, Isertumi Kulusumilu nunaqarfinni aqutsisut kiisalu Tasiilami najukkami ataatsimiititaliaq.
Atorfimmut tunngasut: |
∙Atorfimmi suliassat pingaarnersaat tassaavoq Tasiilap nunaqarfiini aqutsisunut Tasiilamilu najukkami ataatsimiititaliamut sullissineq. Tassaasinnaapput assersuutigalugu ataatsimiinnerit ingerlanneri, soorlu oqaluuserisassat piareersarlugit imaqarniliornernillu suliaqarneq. Aalajangikkanik atuutilersitsineq malitseqartitsinerlu. Tassunga ilanngullugit aalajangikkanut tunngatillugu ingerlaavartumik killiffiit pillugit ilisimatitsisarneq.
∙Nunaqarfiit aqutsisuinut najukkamilu ataatsimiititalianut kiisalu immikkoortortaqarfiit allat aningaasaliissutit pillugit missingersuutit malitseqartinneri.
∙Nunaqarfinni aqutsisut sullinneqartarput Nuummi nunaqarfinnut aqutsisunut ataqatigiissaarisoq suleqatigalugu najukkamilu ataatsimiititaliat sullinneqartarlutik Paamiuni kiisalu Ittoqqortoormiini najukkanut ataatsimiititalianut akisussaasoq suleqatigalugu.
∙Politikkimi ataatsimiinnerit ikorfartorlugit assersuutigalugu ataatsimiititaliat ataavartut ataatsimiinnerini, aamma Kommunalbestyrelsip ataatsimiinneri ilanngullugit.
∙Pisortaqatigiit Allatseqarfianni aqutsisoq kiisalu Regionschefi suliassanik ikiorlugu.
∙Suliassat allat susassaqarfiup iluaniittut.
∙Suliassat takkussuuttut malillugit
∙Allaffimmiutut ilinniarsimasuuneq, assingusumilluunniit
∙Nammineerlutit suliaqarsinnaallutit akisussaaffimmik tigusisinnaasutit
∙Pisuni ulapaarfiusuni eqqissillutit sulisinnaasutit
∙Allatseqarfimmut sullissilluartunut suleqataalluarsinnaassasutit
∙Allattariarsornikkut oqalunnikkullu ersarissumik attaveqarsinnaanissat
∙Akisussaaffeqarlutit pitsaassutsimillu pingaartitsillutit kiisalu suleqatikkuminartuussaatit
∙Kalaallisut qallunaatullu oqalussinnaasoq piumaneruarput
∙Suliassaqarfimmik inerisaanissamik soqutiginninnissaq
Makkulu neqeroorutigaavut: Suliffik ineriartornissamut allannguinissamullu namminersorluni akisussaaffeqarluni periarfissalik. Aamma suleqateqarpugut pikkorissut tunniusimasullu. Ullut suliffiit assigiittanngillat ullormullu pilersaarutaagaluartut amerlasuutigut allaanerusumik imaqartarput. Inuttut piginnaasanillu ineriartortitsinissamut periarfissagissaartoq. |
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.
Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq Karen Mølgaard, oqarasuaat +299 36 77 11 imaluunniit e-mail: km@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 263-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: apriilip 7.-at, 2025