Kommuneqarfik Sermersuumi Suliffeqarnermut Isumaginninnermullu Ingerlatsivimmi Stabimi piumassuseqarluartumik pikkorissumillu suleqatissarsiorpugut.
Politikkikkut ataatsimiititat, pisortaq ilaatigullu utoqqarnut, tarnimikkut nappaatilinnut kiisalu suliffissarsiornermut tunngasuni fagchefit Stabenimi ikiortarpavut.
Stabenimi suliffimmik misiliisutut suliat aaqqissuussaasumik ingerlanneqarnerinut aamma politikkerertatsinnut ingerlatsivinnilu aqutsinermi aalajangiiffigisassatut tunngavissanik qulakkeerinneqataasassaatit. Ilaatigut makkuninnga suliaqartassaatit:
·suliamik saqqummiussissutinik allattariarsornermik suliaqarneq, tassunga ilaallutik suliassamik saqqummiussaliorneq, allakkialiorneq, misissuineq, tusarniutinut akissuteqaasiorneq il.il.
·Suliniutinut peqataasarlutit – ass. politikki imaluunniit immikkoortumut pilersaarut pillugu aalajangiinissamut tunngavissaliornermi
·Siunnersuisooqatigiinnik (innuttaasunik akuutitsineq) aamma ataatsimiititanik (innersuussineq, suliassaqarfiit akornanni ataqatigiissaarineq) sullissineq
·Suliassat takkussuuttut nalinginnaasut
Suliamut ilisimaarinninneq suliassanillu paasinartumik tunniussineq pingaartitaraarput. Taamaattumik isummavit tusarnissaa inissaqartinneqassaaq, suliamut tunngatillugu ataatsimullu isiginnittumik eqqartueqatigiinneq imaluunniit suleqammik itisiliilluni oqaloqatigiinneq inissaqartinneqartarput.
Pingaartipparputtaaq, sulinerup nuannersuunissaa aamma suliffimmik misiliininni ilikkagaqarnissannut ikorfartuinissaq. Sivisussusissaa ilinniarnerpit aaqqissuunneqarneranut naapertuuttumik aaqqissuunneqassaaq.
Qinnuteqartunut naatsorsuutigisat:
·Ilisimatusarfimmi Inuiaqatigiilerinermi kandidatinngorniartuussasutit imaluunniit bachelorinngorniartutut ukioq kingulleq ingerlallugu
·Isumaginninnermik suliaqarneq soqutigissagit
·Suliffeqarfimmi politikerinit aqunneqartumi sulinermik misilittagaqartutit sulerusussuseqartutillu
·Suliatigut pikkorissuuvutit sulilu pikkorinnerulerusussuseqarlutit
·namminersorlutit sulisinnaasutit
·Ikiortissarsiorsinnaasassasutit isumasioqatissarsiortassasutillu
Sapaatip akunneranut akunnerit 40-t suliffiuvoq.
Pinerluuteqarsimannginnermut uppernarsaat:
Atorfimmut uunga atatillugu pinerlussimannginnermik uppernarsaammik pissarsinissamik inatsisitigut pisussaatitaavoq. Inatsit naapertorlugu kommuneqarfik pineqaatissinneqarsimannginnermik uppernarsaammik pissarsippat atorfinitsitsineq aatsaat pisinnaavoq. Taamaattumik maluginiaqqussavarput atorfinitsitsineq aatsaat isumaqatigiissusiorfigineqarsinnaammat kommuneqarfik pineqaatissinneqarsimannginnermik uppernarsaammik Politiinit tigusaqareerpat.
Akissaatinut atorfinitsitaanermullu tunngatillugu atugassarititaasut:
Atorfik akissarsiaqarfiunngilaq, suliffimmimmi misiliisoq misiliinermi nalaani ilinniarnermusiaqarnissaa naatsorsuutigineqarpoq.
Inissaq:Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:
Immikkoortortami aqutsisoq Luvisa Kristiansen, oqarasuaat +299 36 70 29 imaluunniit e-mail: lukr@sermersooq.gl
Qinnuteqaat:
Qinnuteqaat Atorfiup normuanik 31-26, nalunaaqutserlugu aamma ilinniagaqarsimanermut siornatigullu suliffigisimasanit uppernarsaaserlugu, ulloq tunniussivissaq kingulleq nallertinnagu nassiunneqarsimassaaq.
Imatut qinnuteqassaatit:
Qinnuteqaatit elektroniskimik nassiunneqassapput, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpavut, qinnuteqaatit nittartagaq aqqutigalugu nassiunneqarnissaa inussiarnersumik piumasarineqarpoq.