Kommuneqarfik Sermersuup naatsorsuutinut aningaasanullu aqutsineranut aqqutissiuusseqataarusuppit?
Immikkoortortaqarfinni aqutsisunik pingasunik qanimut suleqateqarlutit aammalu aningaasaqarnermut pisortaq pisortaralugu Aningaasaqarnermut Immikkoortortami (akiitsuleriffimmi, akiligassaleriffimmi naatsorsuuserivimmilu) naatsorsuutinut taakkununngalu atatillugu atuuffinnut tamanut pingaarnertut akisussaasunngussaatit.
Atorfik:
Kommuneqarfimmi anguniagaqarluartumi, inuppalaarfiusumi inuttut suliatigullu ineriartornissamut periarfissaqarluarfiusumi atorfik qitiusumi inissisimasoq ilinnut neqeroorutigineqarpoq.
Immikkoortortani pingasuni aqutsisunut toqqaannaq pisortanngornikkut sulisunut immikkoortortani pingasunilu aqutsisunut 20-t missaanniittunut pikkorissunut kajumissuseqarluartunullu, kommuneqarfimmi immikkoortortat tamarmik naatsorsuutitigut tapersersorluarneqarnissaat pillugu, ilinnik suleqatiginnikkusuttunut pisortanngussaatit.
Maanna Kommuneqarfik Sermersooq pissanganarluinnartumik aqqusaagaqalerpoq, matumani naatsorsuuserineq aningaasaqarnermillu aqutsineq ineriartortinneqarlutillu nammineq ingerlasinnaasussatut suliarineqassammata. Taamaattumik assigiinngitsorpassuarnik suliassaqarfiusumi atorfinitsinneqassaatit. Suliassat tassaassapput ukiumoortumik naatsorsuusiornerit, pitsanngorsaanerit aamma systeminik nammineq ingerlasinnaasut atuutilersinneqarneri.
Qaammatikkuutaartunik naatsorsuutinik patajaallisaaneq inaarsinerlu kiisalu suliniutit assigiinngitsut aamma suliassarissavatit. Kommuneqarfiup iluani avataaniittunullu assigiinngitsorpassuit attaveqarfigisartussaagakkit attaveqaqatigiinnermut piginnaasaqarnissat piumasaqaataavoq.
Ilinnut tunngasut:
Suliffinni qanoq iluatsitsilluartiginissannut pingaartumik piginnaasatit kiisalu sulisunik aqutserusussutsit kaammattuerusussutsillu tamatuma saniatigut suliffeqarfiup inummik ammasumik ajunngitsumillu eqqarsartaasilimmik inoqatit naligalugit ataqqillugillu naapitsisinnaasumik pissarsisimallutik misigisimassanissaat apeqqutaalluinnassapput. Atorfimmi piffissamik tatisimaneqarfiusartumi ajunngitsumik aalajangiisinnaassuseqarnissat aammalu suliassanik naammassinnikkaangavit suliatigut kingunerisinnaasai qitiutittarnissai pingaaruteqarpoq. Inuttut alapernaatsuussaatit, iliuuseqarsinnaasoq minnerunngitsumilu aalajangiussannut akisussaaffimmik tigusisassaatit. Pisut nalaanni periarfissat allallu isiginnittariaasaat takusinnaassavatit iliuuseqarnernilu ersarissumik ingerlariaaseqartassaatit.
Ukiorpassuarni naatsorsuusiornermut tunngasunik, sapinngisamik pisortat suliffeqarfiutaanni naatsorsuuserinermik misilittagaqassaatit naatsorsuuserinermut atortussatit pigereerniassagakkit. Ullumikkut immaqa naatsorsuuserinermi pisortatut, immikkoortortaqarfimmi aqutsisutut, aningaasaqarnikkut nakkutilliisutut imaluunniit kukkunersiuisutut atorfeqarputit aqutsisutullu periarfissarpassualimmik atorfeqalernissat takorloortarlugu. Sutigut tamatigut qarasaasialerinermut piginnaasaqarluassaatit, attuumassuteqartumik ilinniakkamik tunuliaquteqassaatit kiisalu avatangiisinnut sunniutaalluartartumik suliniuteqarnissamut sapiissuseqassaatit. Kalaallit Nunaanni pissutsinik ilisimasaqarneq iluaqutaassaaq.
Kommuneqarfik Sermersooq pillugu:
Kommuneqarfik Sermersooq Kalaallit Nunaanni kommunit annersaraat, Kalaallit Nunaannilu suliffeqarfik annerpaartaat ilagalugu 2.500-t miss. sulisoqarluni, ukiumullu missingersuutaasartut 2 mia. koruunit sinnerlugit ingerlatsinermut missingersuutaasarput. Innuttaasut 24.000-it missaanniipput, taakkunanngalu 20.000 miss. Nuummi najugaqarlutillu sulisarput. Nuuk Kalaallit Nunaanni illoqarfiit pingaarnersaraat uummaarissoq issittumilu inissisimalluni kusanarluinnartumi, sukkasuumik ineriartorfiuvoq tassanilu ulluinnarni, illoqarfiup qeqqani, sulisassaatit. Tamatuma sanitigut kommuneqarfimmi assigiinngitsuni inissisimasunik inoqarfeqarpoq, taakkunanilu Tasiilaq, Paamiut aamma Ittoqqortoormiit annersaraat. Illoqarfiullu angissusaa pissutigalugu Nuuk illoqarfiit pingaarnersaattut allatut sammisassanik kulturimullu tunngassuteqartunik neqeroorutinik peqarpoq, illoqarfiullu eqqaralaannguani nunarsuarmi pinngortitaq kusanassutsimigut nalissaqanngitsoq, ilinnit takornariarfigineqariaannaasoq, weekendini orneriaannaassavat.
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.
Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Økonomichef, Hans Severin Berg oqarasuaat +299 36 73 56 imaluunniit e-mail: sebe@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 312-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: apriilip 22.-at, 2025