SPO Nanoq isumaginninnermik ikiortimik assingusumilluuniit ilinniarsimasunik ataatsimik pissarsiorpoq Paamiuni
Skole pasning ordning ”Nanoq” atuareernerup kingorna ornittagaq Socialhjælperitut imaluuniit social assistent ilinniarsimasumik pissarsiorpoq atorfinittussamik juni aallaqqaataani imaluunniit isumaqatigiissuteqarnikkut. Atorfik piffissaq tamakkiisumik suliffiuvoq, SPO Nanoq-mi aqutsisut qaninnertut suleqatigissallugit, Meeqqanut atuarfeqarnermullu ingerlatsivik.
SPO Nanoq 0-3.klassinut sullissiffiuvoq meeqqanut 60-nut inissaqarluni, sulisunut arfinilinnut naatsorsuusaalluni.
SPO ”Nanoq” Atuarfik Tuiisaq qanimut suleqatigivaa. Atuarfik ”Tuiisaq”-mi atavoq ataani inissisimasoq. Ininut sisamanut agguataagaapput, ini isaariaq qaninnermiitoq sulisut sutortarfigaat allaffiutigaluni, ini aapaat tungujortukkut inaat, ini pingajuat aapaluttukkut, ini sisamaat pinnguartarfik. Saniatigullu atuarfik ”Tuiisaq” pigisai init assassortarfik, sanaluttarfik, nipilersortarfik, bibiliotik, eqaarsaartarfik aamma atorneqarsinnaallutik. Silataani aneertarfeqarpoq meeqqanut timimik aalataartitsinermik inissaqarluartumik.
SPO Nanoq ammasarpoq nal. 7.30-miit 16.30-mut.
Meeqqanut atuarfeqarnermullu ingerlatsivimmi annerusumik paasisaqarsinnaavutit. Ulluinnarni ukiumut pilersaarummik qaammatikkaartumik sammisaqartitsinissaq, meeqqallu ineriartorneranut inerisaaqataanissaq, siunissaq eqqarsaatigalugu anguniagaqarneq, angajoqqaat akisussaasut qanimut suleqatigalugit. Qanimut suleqatikkuminartuunissat meeqqanut, sulisunullu, angajoqqaannut akisussaasunullu suleqatikkuminartoq qiimasoq.
SPO Nanoq naleqartitavut makkuupput:
∙∙Akuersaartumik perorsaanilerineq
∙Sulisutut piginnaasagut pisinnaasagullu assigiinngitsut inissaqartissallugit.
∙Suliagut suleqatigiissutiginissaat.
Neqeroorutigisinnaasavut:
∙Suliffeqarfik akisussaassuseqarfigisinnaasat sunniuterqarfigisinnaasallu.
∙Suliffeqarfik pisoqarfiusoq ineriartorfiusorlu.
Naatsorsuutigaarput:
∙Isumaginninnermik ikiortimik assingusumilluuniit ilinniarsimasuusutit
∙Akuersaatuuneq meeqqanut, suleqatinut angajoqqaanullu tapersersuisuunissat
∙Aalajaatsuuneq, suliassanullu tamanut eqqummaarissoq
Naatsorsuutigaarput:
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.
Annertunerusumik paasisaqarusukkuit:Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq, Ane-Malina Møller, oqarasuaat +299 36 76 93 imaluunniit e-mail: amml@sermersooq.gl
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq
Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.
Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.
Qinnuteqaat:
Qinnuteqaat qulequtserlugu Atorfiup ilisarnaataa 316-25 -mik, ilinniagaqarsi
manermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: apriilip 22.-at, 2025