Kommuneqarfik Sermersooq, Nakkutilliinermi oqartussat pikkorissumik tunniusimasumillu sullissisumik pissarsiorput ulloq 1. juli 2026 sulilertussaq imaluunniit isumaqatigiissuteqarneq aallaavigalugu.
Illoqarfik Nuuk ineriartupiloorpoq, taamatullu nakkutilliinermi suliassat amerliartorlutik. Sanarfinermut Avatangiisinullu Immikkoortortaqarfik – Nakkutilliinermi Oqartussat ilaatigut suliarisarpaat biilinut nummmerpladeqanngitsunut akuersissutinik suliaqarneq, angallatinut tunngasut aammalu container-it taakkununngalu akuersissutinik nakkutilliineq.
Nakkutilliinermi immikkoortortaqarfik angallannermut nakkutilliinermullu ilaavoq massakkullu nakkutilliinermi sulisuusut pingasuullutik. Atorfik inuttassarsiorneqartoq ulloq naallugu atorfiuvoq immikkoortortami aqutsisoq qaninnertut pisortaralugu.
Suliffiup imarisaa:
Suleqatigilerusutarput tassaavoq – misilittagalik – sullissisoq, suliakkiissutit ataani taaneqartunut suliarinnissinnaasoq:
·Angallatinut, biilit ilisarnaaserneqartarneranut nalunarsuisarnermi peqanngitsunut (nummerplader) aammalu container-imut (innuttaasut containeriutaannut) suliat
·Suliamut attuumassuteqartunik tusarniaaneq aalajangiinerlu
·Atuisinnaanermut akuersissutinik nakkutilliineq
·Biiinik, angallatinik aammalu container-inik illoqarfimmi nakkutilliinermi ujartuineq, taakkunanngalu inatsisit naapertorlugit suleriutillu malillugit saqqummiussineq
·Qinnuteqaatinik suliaqarnermi taamatullu sulianik nammineq aallarnisakkani sulinermi illoqarfimmi aamma allaffissornikkut sulineq ingerlanneqartarpoq suleqatigiillu akornanni ataqatigiisaarneqartarluni
·Ingerlatsivimmi angallannermi nakkutilliinermi immikkoortortaqarfimmi suleqataaneq
·Suliat allat suliakkiissutineqarsinnaasut
Suliat siuliini taaneqartut immikkoortortaqarfimmi suleqatit peqatigalugit taamatullu ingerlattivimmi suleqatit peqatigalugit naammasineqartassapput, naatsorsuutigineqarporli nakkutilliinermi suliat amerliartornissaat.
Qinnuteqartumut naatsorsuutigaarput:
·Suliamut attuumassuteqartunut tunngasumik ilinniagaqassaatit soorlu allaffissornikkut imaluunniit teknikkimut sammivilivimmik ilinniagaqarneq.
·Allattariarsornikkut oqaatitigullu attaveqaqatigiisinnaanermut piginnaasaqarnersat kalaallisut qallunaatullu
·Innuttaasunut sukumiisumik toqqaannartumillu attaveqaqatigiissinnaaneq.
·Pisortat suliffeqarfiutaanni politikkikkullu ingerlatsiviusumi misilittagaqarnissaq, tamannali piumasaqaataanngilaq ilinniartitsisoqassammat.
Taakku saniatigut pingaartipparput:
·Nammineersinnaassuseqarnissat angusaqarusuttuullutillu
·Aalajaatsuusaatit pitsaassutsimik anguniagalik takunnillaqqissuullutillu
·Inuttut nukittuujussaatit inissaqartitsisinnaasoq
·Ataatsimut sulinermik nuannarisaqartuussaatit tamakkiisumik eqqarsarsinnaasoq taamatullu ingerlatsivik suliffeqarfillu akimorlugu eqqarsarsinnaallutit
·Ullut allanngorarfiulluartuni akuusinnaanissat, ulapaarfiusoq inuppalaassuseq aqqutigalugu kivitseqatigiilluta
·Suliat arlalippassuit ataatsikkut aallussinnaallugit - tamakkiisumik isiginninneq piigiinnarlugu
·Pissarsiarersusunneruarput marluinnik oqaasilik (kalaallisut qallunaatullu)
·Qamutinut angallannermik allagartamik peqaruit iluaqutaassaaq – piumasaqaataangilarli
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli
Neqeroorutigaarput
Suliffik unammillernartulik nammineq ilusilersorsinnaanissaannut sunniuteqaqataasinnaallutit suliffeqarfimmi ineriartorfiusumi allanngoriartortumi. Pingaartipparput suleqatissatsinut ilinniartitsilluarnissaq suliffimmut, taamatullu aamma pingaartipparput suliffiup nuannersuunissaa pisortanut qanimut paasissutisseeqatigiisinnaanikkut nutaaliornissamut inissaqartitsisoq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immiikkoortortami aqutsisoq Vilhelm Lynge Hard, oqarasuaat +299 36 76 42 imaluunniit +299 55 62 83 imaluunniit e-mail: vilh@sermersooq.gl
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Qinnuteqaat:
Qinnuteqaat qulequtserlugu Atorfiup ilisarnaataa 374-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: apriilip 29.-at, 2026