Ilinniartutut ikiorti (inatsisilerituunngorniartumik)

Suliffeqarnermut Isumaginninnermullu Ingerlatsivimmi stabimut immikkoortortami (inatsisilerituunngorniartumik) ilinniartutut ikiortimik pissarsiorput

Inatsisilerinermi suliaqarusuppit illit nalilersuinitit inunnut pisortanilu aalajangiinermi isumaqarluartut?

Kommuneqarfik Suliffeqarnermut Isumaginninnermullu Ingerlatsivimmi stabimut immikkoortortaq pikkorissumik tunniusimasumillu inatsisilerituunngorniartumik ilinniartutut ikiortimik pissarsiorpoq.

Atorfik pillugu

Atorfik ullup ilaanut sapaatip akunneranut 10-15tiimit missaani suliffiuvoq ilinniarninnullu atatillugu eqaatsuussalluni.

Stabimut ilanngutissaatit toqqaannartumillu Luvisa Kristiansen immikkoortortami aqutsisorissallugu tassanilu qanimut siunersioqatiginnissaatit pisortallu suliffeqarfianni ajornartumik inatsisilerinermi suliaqarneq paasisaqarfigissallugu.

Suliaqarnermilu inatsisilerinermi, ingerlatsivimmi suliallu akornanni suliaqarnermi atorneqartartunik suliaqassaatit.

Atorfiup imarisai

Illit ilinniartutut ikiortaanermi ilaatigut makkua suliaqarfigisassavatit:

∙ Isumaginninnermi siunnersortit atugassaannik inatsisilerinermi skabeloninik nutarterineq ineriartortitsinerlu

∙ Pitsaassutsimik qulakkeerinninneq aammalu aalajangiussanik misissuineq (ass. DSA-mi suliassaqarfiani)

∙ Tusarniaanermi akissutinut aammalu inatsisitigut nalilersuinermi peqataaneq

∙ Ingerlatsinikkut inatsiseqarnermi ajornartorsiutinik suliaqarnermi tapertaaneq

∙ Suliassat takkussuuttut inatsisilerinertallit aammalu allaffissornertallit

∙ Piginnaasatit soqutigisatillu malillugit akisussaaffeqarnerulernissamik periarfissaqarneq

Qinnuteqartunut naatsorsuutigisat

Ilisimatusarfimmi inatsisilerituunngorniassaatit aammalu:

∙ Ilinniarnerit naammassingajalissavat imaluunniit kandidatitut ilinniarneq ingerlatissavat

∙ Pisortani inatsisilerineq, ingerlatsineq aammalu isumaginninnermi suliassaqarfik soqutigisaqarfigissavatit

∙ Inatsisinik suliaqarnermi periutit paasisimasaqarfigissavatit imaluunniit ilinniarusussavatit

∙ Tulleriaarillutit sulisinnaassaatit aamma annikitsukkuutaanut tamakkiisunullu takunnissinnaassaatit

∙ Erseqqissumik toqqaannartumillu oqaasertalersuisinnaassaat aamma ajornarsigaangat

Atorfinitsitaanissaq isumaqatigiissuteqarnikkut pissaaq. Qinnuteqaatit ingerlaavartumik suliaraagut taamaattumik qinnuteqaatit piaartumik nassiussinnaavat Piukkunnartumik nassaartoqarpat atorfik inuttalerneqassaaq

Aammattaaq pingaartipparput:

∙Apeqqusersuisinnaasoq aammalu suliatigut naatsorsuutigisanik unammillersinnaasoq

∙ Inatsisilerinermi suliatigut isumaqalersitsisinnaasoq

∙ Aalajangiinerit qanoq politikkimi aaqqissuussaanikkut atulersinneqartarnersut alapernaattoq

∙ Sulianik naammassinniinnarani suliatigut ineriartorusuttoq

Neqeroorutigaarput

∙ Ilinniarnermi suliffik ilumoortumik inatsisilerinermi misilittagaqarfiusinnaasoq

∙ Pisortani ingerlatsinermi aammalu politikkikkut aalajangiisarnermi ingerlariaatsit pillugit ilisimasaqalerneq

∙ Qanimut siunersioqatigiinneq aammalu ineriartornissamik periarfissaqarneq

∙ Ilinniarnernut nalimmassakkamik eqaatsumik sulisinnaaneq

Paasissutissat annertunerusut uannga pissarsiarineqarsinnaapput:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit immikkoortortami aqutsisoq Luvisa Kristiansen Oqarasuaat +299 36 70 29 immaqaluunniit E-mail: lukr@sermersooq.gl

Pinerluuteqarsimannginnermut uppernarsaat

Atorfimmut uunga pinerlussimannginnermut uppernarsaammik pissarsinissaq inatsisitigut pisussaatitaavoq. Inatsit naapertorlugu kommuneqarfikpinerluuteqarsimannginnermut uppernarsaammik pissarsippat atorfinitsitsineq aatsaat pisinnaavoq.

Taamaattumik maluginiaqqussavarput atorfinitsitsineq aatsaat isumaqatigiissusiorfigineqarsinnaammat kommuneqarfik pineqaatissinneqarsimannginnermik uppernarsaammik Politiinit tigusaqareerpat.

Akissarsiat atorfinitsitaanermullu tunngasut

Namminersorlutik Oqartussat Kalaallit Nunaannilu kommunit ataanni ilinniartutut ikiortitut akissarsiatigut atorfinitsitsinermilu atugassarititaasut pillugit malittarisassiaq 3. april 2018-imeersoq naapertorlugu akissarsiatigut atorfinitsitsinermilu atugassarititaasut.

Nalunaaquttap akunneranut akissarsiaqassaatit ukioq ilinniarfiusoq naapertorlugu

Inissaq:

Atorfimmut atatillugu inigisassamik innersuussisoqarsinnaanngilaq.

Qinnuteqaat:

Qinnuteqaat qulequtserlugu Atorfiup ilisarnaataa 376-26 -mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: maajip 6.-at, 2026