Kommuneqarfik Sermersuumi Atuarfeqarnermut Immikkoortortaqarfik atuarfeqarnermut siunnersortissarsiorpoq
Meeqqanut Atuarfeqarnermullu Ingerlatsivik atuarfeqarnermut siunnersortimik pikkorissumik pimoorussisumillu ulloq 01.08.2026-mi imaluunniit piaartumik atorfinittussamik pissarsiorpoq.
Atuarfeqarnermut Immikkoortortaqarfimmi sulisuupput fagchefi, immikkoortortami aqutsisoq ataaseq, atuarfeqarnermut siunnersortit sisamat kiisalu atuartitsinermut siunnersortit pingasut.
Atuarfeqarnermut Immikkoortortaqarfimmi suliassat tassaapput:
∙Atuarfeqarnermut Immikkoortortaqarfiup pitsaasumik sulinerup inissisimanissaa
∙Najukkami politikikkut anguniakkanik naammassinninneq
∙Sulianik suliassanillu tamanik pimoorussineq, piviusorsiortumik pisariitsumillu suliaqarneq
∙Paasinnilluarsinnaaneq, peqqissaarussineq ikiuerusussuseqarnerlu
∙Naliginnaasumik suleqatigiittut imminut aquttutut inissisimaneq, ammasumik eqaatsumillu suleqatigiissitaniinneq
∙Suliassanut unammillernarsinnaasunut naammassisaqarsinnaaneq marlukkaarluni sulianut pikkorissunut peqatigalugit
Atorfiup imarisaa:
∙Atuarfeqarnermut immikkoortortap suleqatai suleqatigalugit naammassissallugit Nunap sumiiffiullu politikkikkut anguniagai
∙Suliat pimoorussisumik piviusorsiortumik, sunniuteqarluartumillu ingerlannissai
∙Ataavartumik piginnaasaannik attassineq
∙Atuarfeqarnermut Immikkoortortaqarfiup suliassaqarfiata ilaani arlalinniluunniit immikkut ilisimasaqalerneq ilisimasanillu attassineq
Atorfinnut suliassat aalajangersimasut:
∙Suliassat ingerlatsivimmut attuumassutillit, inatsisinut, malittarisassanut isumaqatigiissutillu malillugit suliassat (atuarfeqarnermut inatsit, ingerlatsinermut inatsit, nalunaarutit isumaqatigiissutillu), aalajangiinerit, aalajangernerit, aalajangersakkat taakkartukkat isumaannik paasinninneq
∙Ileqqoreqqusanut, najoqqutassanut, piginnaasanik agguataarinissamut suliniutissanillu siunnersuusiornerit
∙Kommunimi politikikkut suliassat, saqqummiussassat siunnersuutillu suliarineqarneri, misissuineq, uppernarsaasiorneq kingunerisinnaasaannik naatsorsuinerlu, politikikkut suliffeqarfinnut tunngasunik siunnersuineq ilitsersuinerlu, aaqqissuussaanermut tunngasut suliassat
∙Oqartussanik, suliffeqarfinnik, kattuffinnik avataaneersunik suleqateqarneq
∙Kommunimi immikkoortortaqarfinnik suleqateqarneq, atuarfinni pisortanik, ingerlatsivinnik immikkoortortanillu siunnersuineq ilitsersuinerlu
∙Atuarfeqarnermut allaffissornikkut atortunik aqutsineq, TRIO, TEA tabulex
∙Kommunimi atuarfeqarnermi ataatsimut perorsaanikkut suliatigullu tunngavimmik pilersitsineq pitsaanerulersitsinerlu, isumassarsititsineq, nakkutiginninneq, atuarfinni pisortanik ilinniartitsisunillu naliliineq siunersiuinerlu (supervision), perorsaanikkut suliatigullu ineriartortitsinermik sulinermillu pitsaassutsimik qulakkeerinninneq, atuarfinni isumasioqatigiissitsinerit aamma atuarfinnik ineriartortitsisartut, perorsaanikkut siuttut.
∙Atualertussanut allatsinnerit ataqatigiissarneri
∙AKO/SPO/FRO (Atuareernerup kingorna ornittakkat)
∙Atuarfinni siunnersortit aammalu atualertussanut siubnnersortinut ataqatigiissaarisoq
∙Atuarfiit attaveqaataaffiit nakkutilliiartornerit.
Atorfinni suliassat nalinginnaasut:
Siunnersortit ilinniartitsisutut ilinniarsimasuupput ilinniagaqaqqissimasut, aqutsisutut misilittagaqartut imaluunniit atuarfeqarnermi allaffissornikkut misilittagallit.
Siunnersortit ulluinnarni akisussaasuupput pingaarnertullu suliassaqarfinni tulliuttuni aalajangiisinnaatitaallutik:
Qinnuteqartunut naatsorsuutigisat:
∙Ilinniagarisimasat allattorneqassapput
∙Suliatigut/aqutsinikkut misilittakkanut naatsorsuutit allanneqassapput
∙Suliamut piginnaasanut naatsorsuutit allanneqassapput
Pingaartipparputtaaq:
∙Assigiinngitsunik suleqatiginnillaqqittuusutit
∙Aalajaatsuunissat, pitsaassutsimik ilisimasaqarluartuunissat ataasiakkaanullu maluginiaasinnaanissat
∙Ataatsimut takunnissinnaaneq attatiinnarlugu arlalinnik suliaqarsinnaanissat
∙Allattariarsornermi oqaluttariarsornermilu ersarissumik paatsuugassaanngitsumillu attaveqartartuusutit
∙Nammineerluni sulisinnaasoq, akisussaassuseqartoq sullissiumatoorlu
∙Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq
∙Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu
∙Tatitooq pilersitsiniaallaqqissoq, nukissaqarluartoq iliuuseqallaqqissorlu
∙Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq
∙Ilinniartitsisutut aammalu imaluunnit pisortatut ilinniagaqarsimanissaq
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli
Neqeroorutigaavut:
Suliffik pissanganartoq unammillernartunillu suliassartalik, imarisassaanik nammineq sunniuteqarfigisinnaasaq, suliffeqarfimmilu angisuumi ineriartortinneqartuartumi allanngorartuartumillu annertuumik akisussaassuseqarfiusoq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarlugit.
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Fagchef-i Akitsinnguaq Lulu Jensen, oqarasuaat +299 36 73 26 imaluunniit e-mail: ajla@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 390-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: maajip 6.-at, 2026