Meeqqanik inuusuttunillu suliaqarnissaq soqutigaajuk? Aalajaatsuuit, eqaatsuullutillu? Taava immaqa illit ujartorpatsigit paarlatsitut sulisussatut Atuarfik Hans Lynge-imi.
Atorfik pillugu:
Paarlatsitut sulisussamik ujartuivugut, pisariaqartillugu takkuttartussamik, pilersaarutaasumik imaluunniit tassanngaannaq pisariaqartitsisoqartillugu. Atuartitsisinnaassaatit fagini assigiinngitsuni klassinilu assigiinngitsuni, atuarfiup pisariaqartitai aammalu pisinnaasatit apeqqutaallutik.
Suliassatit ilaatigut tassaassapput:
∙Atuartitsineq pilersaarutit malillugit ingerlattassavat
∙Atuartut toqqissisimanartumik pitsaasumillu ilinniarfissamik pilersitsinissaq
∙Sulisut allat suleqatigissallugit
∙Atuarfimmi avatangiisinik pitsaasunik ilanngussaqarnissaq
Naatsorsuutigaarput:
∙Meeqqanik inuusuttunillu suliaqarnissamik soqutiginninneq
∙Akisussaassuseqarluartuuneq, aalajaatsuuneq eqaatsuunerlu
∙Klassimi aqutsilluarsinnaaneq eqqissisitsisinnaanerlu
∙Suleqatiginnissinnaaneq pitsaasoq
∙Atuarfimmi misilittagaqarnissaq iluaqutaassaaq piumasaqaataanngilarli
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli
Neqeroorutigaarput:
∙Suliffik pissanganartoq allanngorartorlu
∙Suleqatit pikkorissut peqataalluartut akornanni suliffik
∙Atuartitsinermi misilittagaqarnissamut periarfissaq
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Atorfinitsitsineq:
Atorfik tassaavoq nalunaaquttap akunneranut akissarsiaqarfiusoq, atorfininneq piaartumik pisinnaasoq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:
Atuarfiup pisortaata tullia Mette Frederiksen, oqarasuaat +299 36 64 51 imaluunniit e-mail: ahl@sermersooq.gl
Qinnuteqaat:
Qinnuteqaatit CV-llu nassiutikkit uunga: ahl@sermersooq.gl kingusinnerpaamik piaartumik.
Tusarfiginissat qilanaaraarput!
Qinnuteqarnissamut killissarititaasoq: maajip 6.-at, 2026