Perorsaanikkut ineriartorneq meeqqallu atugaannut siusinaartumik iliuuseqarnissannik piumassuseqarpit? Suliaqarfigisaq qanimut sullillugu sunniuteqarfigalugulu suliffeqarusuppit - saniatigut Sermersuummi meeqqat ineriartornissaannut periarfissaanik pilersitseqataallutit?
Taava MISI Sermersuumi ulluunerani neqeroorutini Meeqqanut- Inuusuttunullu siunnersortissaraatsigit.
Illit suliassatit:
Siunnersortitut ulluunerani neqeroorunni, AKO atuarfeqarnermullu pingaartumik atualerlaani suliaqarnermi pingaarutilimmik siunnersiueqatigiinngussaatit. Makkununnga tunngasut ilaatigut suliarissavatit:
∙Perorsaanikkut sulisunik siunnersuillutillu aqqutissiuillutit
∙Ulluunerani ulluunerani neqeroorummi AKO-mullu siunnersuillutit nakkutilliillutillu
∙Perorsaanikkut periutsini siusissukkullu iliuuseqarnermi ineriartornerat tapersersortarlugit
∙Meeqqat ilisimaneqareertut pillugit saaffiginnissutini PPV-nik suliaqartarneq
∙Attaveqarfiit ataatsimiinnerini aamma assigiinngitsunik suliaqarfiit akornanni suleqatigiinnut peqataasarneq
∙Ulluunerani paaqqinnittarfinniit atuarfimmut ikaarsaartunut atualerlaanullu tapersersuillutillu suleqataasarlutit
∙Pisariaqaraangat saqqummiisarlutit workshoppertitsisarlutillu
∙Suliassat takkussuuttut
Illit suleqatissarput:
∙Perorsaasutut ilinniarsimasuusutit
∙Perorsaanikkut tarnillu pissussaanik kandidatitut ilinniarsimaguit iluaqutaassaaq
∙Immikkut perorsaanikkut, siusinaartumik iliuuseqarnermiluunniit ingerlariaqqiffiusumik ilinniagaqarsimaguit iluaqutaassaaq
∙Ulluunerani neqerooruteqarfimmi meeqqat ineriartorneranik siusinaartumillu iliuuseqarnermi ilisimasaqarlutillu misilittagaqartutit
∙Siunnersuineq, suleqatigiinnermik pilersitsineq paasiuminartumillu paasisimasanik ingerlatitseqqiineq pikkoriffigigit
∙Namminersortumik sulinermi ataatsimoorluni suleqatigiinnilu sulillutit nuannarigit
∙Nunatsinni pissutsinut sulinissamik alapernaassusilik kulturikkullu assigiinngissutsit ataqqillugit ilaqutariinnik sullissisinnaasoq
Aaqqissuussaanikkut suleqatigiinneq:
MISI-mi suleqatigiit tunniusimalluartumiilissaatit ukulu suliarissavatit:
∙Politikkikkut aalajangikkanik periusissianillu piviusunngortitsisarnerit tapersiisarlutit
∙Susassaqarfinni assigiinngitsuni attaveqaqatigiinnikkut ineriartornermilu sulianut peqataasarlutit
∙Ingerlatsiviit siusissukkut suliniuteqarnermi suliassanilu ajornakusoortuni suleqataasarlutit
Neqeroorutigaarput:
∙Suliffik isumaqarluartoq malunnartumik allannguiffigisinnaasat
∙Suliffeqarfik suliatigut ilisimasaqarluartut supervision aamma siunnersoqatigiinnertalik
∙Sulinermi ineriartornissamut periarfissat pitsaasut
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:
Siunnersortaanerugallartoq Arnannguaq Jakobsen, oqarasuaat +299 36 63 34 imaluunniit e-mail: artj@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 413-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: maajip 12.-at, 2026