Piffissap ilaani sulisut (soraarnerussutisiallit) Kommuneqarfik Sermersuumi ulluunerani neqeroorutin

Illit nammineq piumasaqaatitit aallaavigalugit suli allanngueqataarusuppit?

Kommuneqarfik Sermersuumi soraarnerussutisialinnik soqutiginnittunik ulluunerani neqeroorutaatitsinni piffissap ilaani sulisinnaasunik ujaasivugut. Assaat amerlanerusut atorfissaqartippavut, pingaartumik ullaakkut, piffissamimi tassani meeqqanit aalajaatsuuneq toqqissisimanerlu pisariaqartinneqartarput.

Suliassat:

∙Paaqqinnittarfiup ammarnerani ikiuunneq

∙Ullaap tungaani meeqqanut inersimasutut qanilaartutut atuuffeqarneq

∙Aalajangersimasumik sulisunut ulluinnarni tapersersuineq∙

Suliassat oqinnerit perorsaanermilu suliat

Piffissaq suliffiusussaq:

∙Ullup affaa, pingaartumik ullaap tungaani

∙Akunnernik aalajangersimasunik imaluunniit kissaatigisaq naapertorlugu isumaqatigiissuteqarsinnaanerit

∙Unnukkoornerit matusisutullu sulinerit atuutissanngillat

Naatsorsuutigaarput, illit:

∙Meeqqanik sullissinissamik kajumissuseqartutit

∙Aalajaatsuusutit, isumassuisoq aamma eqqissisimallutit akisussaassuseqarlutillu suliartortassasutit

∙Meeqqanik sullissinermik misilittagaqartutit, piumasaqaataanngilaq iluaqutaavorli

∙Marlunnik oqaaseqartuunissat, kalaallisut qallunaatullu, iluaqutaassaaq tamannali piumasaqaataanngilaq.

Neqeroorutigaavut:

∙ Piffissap ilaani ilinnut soraarnerussutisialimmut eqaatsumik atorfeqarneq

∙Ulluinnaat isumatuut meeqqat suleqatillu peqatigalugit

∙Sukumiisumik ilitsersorneqarneq aamma aalajangersimasumik atorfilinnit tapersersorneqarneq

∙Isumaqatigiissutit atuuttut naapertorlugit atorfinitsinneqarneq

Pineqaatissinneqarsimannginnermut aamma meeqqanik innarliisimannginnermut uppernarsaat:

Atorfik una pineqaatissinneqarsimannginnermut aamma meeqqanik innarliisimannginnermut uppernarsaatinik pissarsinissamut piumasaqaateqarfiuvoq. Inatsit naapertorlugu pineqaatissinneqarsimannginnermut aamma meeqqanik innarliisimannginnermut uppernarsaatinik kommune pissarsereerpat atorfinitsitsineq aallartinneqarsinnaavoq. Taamaattumik maluginiaqquarput, atorfinitsitsineq aatsaat isumaqatigiissutigineqarsinnaammat kommune rigspolitiinit pineqaatissinneqarsimannginnermut aamma Politiinit meeqqanik innarliisimannginnermut uppernarsaatinik tigusaqarpat.

Meeqqanik innarliisimannginnermut uppernarsaat kommunimit pissarsiarineqassaaq qinnuteqartup akuersissuteqarneratigut, pineqaatissinneqarsimannginnermullu uppernarsaat nammineerluni Politiinit pissarsiarineqassaaq.

Akissarsiat atorfininnermilu atugassarititaasut:

Akunnermusialittut akissarsianut aamma atorfininnermi atugassarititaasunut tunngatillugu Naalakkersuisunik isumaqatigiissutit atuuttut malinneqassapput.

Inissaq:
Atorfimmut atatillugu inigisassamik innersuussisoqarsinnaanngilaq.

Paasissutissat annertunerusut uannga pissarsiarineqarsinnaapput:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit Meeqqrivinni aqutsisut saaffiginninnissannut tikilluaqqusaavutit.