Ilinniartumik ulluunerani neqeroorummi ullup affaanut sulisussarsiortoqarpoq

Ilinniartuuit aamma isumalimmik allanngorartumillu ilinniarnerpit saniatigut suliffissarsiorlutit?

Kommuneqarfik Sermersooq ulluunerani neqeroorutitsinnut ullup affaani ilinniartumik sulisussarsiorpoq. Atorfik perorsaasunngorniarlutik, isumaginninnermi peqqissaanermillu imaluunniit assingusunik ilinniagaqartunut assut tulluarpoq - kisianni kikkulluunniit meeqqanik suliaqarnermi soqutigisallit qinnuteqarnissaminnut tikilluaqquneqarput.

Suliassat:

∙Ulluunerani neqeroorummi aalajangersimasumik sulisut suleqatigalugit ulluinnarni peqataaneq

∙Sinaakkutinik toqqissisimanartunik pilersitsineq aamma meeqqat atugarissaarneranik tapersersuineq

∙Ilitsersorneqarluni ulluinnarni perorsaanermilu suliassat

Piffissaq suliffiusussaq:

∙Ullup affaani allanngorarsinnaasumik atorfinitsinneqarneq

∙Suliffissamut piffissat sapaatip akunnikkaartumik pilersaarusiorneqartassapput aammalu illit ilinniarninni skiimannut naleqqussarneqarlutik

∙Pisariaqartitsisoqarpat akunnerit suliffiusussat amerlanernik ilaneqarsinnaapput

Naatsorsuutigaarput, illit:

∙Akisussaassuseqarnissat, aalajaatsumik suliartortarnissat aamma meeqqanik suliaqarusunnissat

∙Suleqatigiinni suleqataasinnaanissat aamma ilitsersorneqarsinnaanissat

∙Ilinniartuunissat imaluunniit ilinniarnissannik pilersaaruteqartuusutit

∙Marlunnik oqaaseqartuunissat, kalaallisut qallunaatullu, iluaqutaassaaq tamannali piumasaqaataanngilaq.

Neqeroorutigaavut:

∙Ilinniarnerup saniatigut suliffik allanngorartoq, illit ilinniakkannut naleqqussarneqarsinnaasoq

∙Naleqquttumik inuussutissarsiornikkut misilittagaqarneq aamma ulluunerani neqerooruteqarfimmik paasisimasaqarneq

∙Suleqatit pitsaasut aamma sulinermi avatangiisit tapersersuisut

∙Isumaqatigiissutit atuuttut naapertorlugit atorfinitsinneqarneq

Pineqaatissinneqarsimannginnermut aamma meeqqanik innarliisimannginnermut uppernarsaat:

Atorfik una pineqaatissinneqarsimannginnermut aamma meeqqanik innarliisimannginnermut uppernarsaatinik piumasaqaateqarfiuvoq. Inatsit naapertorlugu pineqaatissinneqarsimannginnermut aamma meeqqanik innarliisimannginnermut uppernarsaatinik kommune pissarsereerpat atorfinitsitsineq aallartinneqarsinnaavoq. Taamaattumik maluginiaqquarput, atorfinitsitsineq aatsaat isumaqatigiissutigineqarsinnaammat kommune rigspolitiinit pineqaatissinneqarsimannginnermut aamma Politiinit meeqqanik innarliisimannginnermut uppernarsaatinik tigusaqarpat.

Meeqqanik innarliisimannginnermut uppernarsaat kommunimit pissarsiarineqassaaq qinnuteqartup akuersissuteqarneratigut, pineqaatissinneqarsimannginnermullu uppernarsaat nammineerluni Politiinit pissarsiarineqassaaq.

Akissarsiat atorfininnermilu atugassarititaasut:

Akunnermusialittut akissarsianut aamma atorfininnermi atugassarititaasunut tunngatillugu Naalakkersuisunik isumaqatigiissutit atuuttut malinneqassapput.

Inissaq:
Atorfimmut atatillugu inigisassamik innersuussisoqarsinnaanngilaq.

Paasissutissat annertunerusut uannga pissarsiarineqarsinnaapput:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit Meeqqeriveqarfiit aqutsisuinut saaffiginninnissannut tikilluaqqusaavutit.