Ulluunerani neqeroorutaatitta amerlasuut ineriartortinnerat pitsaassusissaatalu qulakkeernerat peqataaffigerusukkukkit, matumuuna periarfissaqalerputit. Perorsaanermi siunnersortimik qaammatini arfinilinni taartaasinnaasumik ujaasivugut, sulinerup sivitsorneqarsinnaanera periarfissaasinnaavoq.
Illit suliassat pingaarneq tassaavoq, meeqqanik ukkassineq qitiutillugu meeqqerivinni perorsaanikkut sulinermut ikorfartuineq ineriartortitsinerlu. Perorsaanikkut siunnersortitut illit suliassatit tassaapput, meeqqat mappiinik suliaqarneq, ineriartorneq pillugu allaaserisat, MIIM 3 aamma MIIM 5-inik ingerlatsinerit ingerlatseriaatsinullu tapersersuisuunissat, kiisalu meeqqat immikkut pisariaqartitsisut pillugit suliassaqarfinnik assigiinngitsunik suleqateqarnerup qulakkeerneqarnerat suliassaqarfinni aqutsisut suleqatillu naapertuuttut allat suleqatigalugit. Atorfik una kiffaanngissuseqarluarluni suliffiuvoq akisussaaffimmillu nassataqarpoq, illit ulluinnatit qanoq isikkoqarnissaat nammineq sunniuteqarfigisinnaalluarpatit.
Uagut anguniagaraarput qulakkiissallugu meeqqat tamarmik ineriartornissamut pitsaanerpaanik periarfissaqarnissaat. Tamanna pissaaq meeqqeriviit, atuarfiit, attaveqaatit angajoqqaat imaluunniit isumassuisut allat qanimut suleqatigalugit. Peqatigiilluta meeqqat tamarmik nalerisimanissaat ineriartornissaallu qulakkiissavarput. Perorsaanikkut siunnersortitut ulluunerani paaqqinnittarfiutitsinnut suliamut atasumik perorsaanermut siunnersuisuussaatit ilitsersuisuullutillu.
Ingerlatsivimmit suliat ingerlanneqarput anguniakkat tulliuttut aallaavigalugit
∙Meeqqat alapernaatsut, tatituut, peqqissut nuannaartullu pilersitseqataaffigissavagut
∙Kalaallit Nunaanni meeqqerivinnik atuarfinnillu meeqqanik tamanut inissaqartitsisunik pitsaanerpaamik peqassaagut
∙Sulisut piukkunnaatillit takorluuisinnaasut, akisussaaffimminnik ilisimaarinnittut malinnittullu pigissavagut
Meeqqanut pitsaasumik akuersaartumillu isiginnittaaseqarneq suleriaaseraarput, meeqqat tamarmik immikkuullarissutut piginnaaneqartullu, nukissaqartut aamma ineriartornissaminnut ilippanaateqartut isigalugit. Illit perorsaanermi siunnersortitut qulakkeerinneqataassaatit.
Suliassatit:
Tulliuttut suliarineqarnerannik qulakkeerineq:
∙Meeqqat mappii
∙Ukiumut marloriarluni ineriartornermut allaaserisanik suliaqarneq
∙MIIM 3
∙MIIM 5
∙Meeqqat immikkut pisariaqartitsisut pillugit suliassaqarfiit assigiinngitsut suleqatigiinnerannik aallartitsinermik qulakkeerineq, siusissukkut paasisaqarneq aamma iliuuserineqarsinnaasut tapersersorumallugit, kiisalu atuarfimmut pitsaasumik ikaarsaariarneq qulakkeersinnaajumallugu
Naatsorsuutigaarput:
∙Suliassaqarfimmi ilisimasanik nutaanik pissarsiniartartuusutit, kiisalu
atuagarsornikkut ilisimasat misilittakkallu ataqatigiinneri saqqummiussinnaagitit – allakkatigut oqaatsitigullu
∙Suliassaqarfik pillugu paasisanik attuumassuteqartunik saqqummiisinnaasutit kiisalu suliassanik aallartitsisinnaallutillu aqutsisinnaasutit
∙Suliffimmi politikikkut suliniuteqarfiusumi ulluinnarnilu sulinermik ataqatigiissitsiffiusumi sulisinnaassuseqarluartutit, kiisalu politikikkut inatsisitigullu piumasaqaatinik timitaliisinnaasutit, aammalu suliniutissatut kissaatinut piviusunngortitsisinnaasutit
∙Ulluunerani neqeroorutinut suliassaqarfimmi suliassat siammasissut iluanni illit sulininnut tamakkiisumik isiginnissinnaasutit ataqatigiissaarisinnaasutillu
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli
Sulianut tunngasutigut piginnaasat:
∙Perorsaasutut ilinniarsimasutit, ajornanngippat ilinniaqqinnermik ilalerlugu ilinniagaliusutit.
∙Qarasaasiamik atuilluarsinnaasutit sulinermilu atorluarsinnaallugu.
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Fagchef Marianne Schmidt Lund, oqarasuaat +299 36 73 09 imaluunniit e-mail: mslu@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 512-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: juunip 12.-at, 2025