Majoriaq Tasiilaq piffissami killilimmi 15. juli 2026-miit 30. juni 2026 tungaanut atorfinittussamik ilinniartsitisussarsiorpoq.
Majoriaq Tasiilaq inuussuttunut inersumasunullu ilinniartitaanikkut ingerlariaqqinniartunut aqqutissaalluni sulliviuvoq. Majoriaq atuartitseriaaseqalernikuuvoq taamaattumik misiliut massakkut ingerlasumut ilanngullutit suleqataalissaatit. Tassani igaffimmiinneq assassornerlu pingaarnertut paarisussaavatit, taamaattumik taakkununnga piginnaassaqarnissat kissaatigineqarpoq.
Majoriami ilinniartitsisutut inuussuttuaqqanut inersimasunullu atuartitsisassaatit, taamaalillutit aamma ilinnialernissamut piareersarnermi ikorfartuillutillu kajumissaarisutut sulissallutit.
Fagit ukua piginnaasaqarfigalugillu ilinniartitsisuuffigisinnaassagitit naatsorsuutigaarput:
∙Igaffimmiinneq
∙Assassorneq
Aqqutissiuussisut ilinniartitsisullu allat peqatigalugit atuartitsineq pilersaarusiorneqartarpoq, piumasaqaataavorlu:
∙Illit ilinniaritsisoqatigiinni suleqatikkuminartuunissat
∙Nutaanik eqqarsarsinnaaneq
∙Inoqatitit naleqatigiimmik ataqqinninnermilu takutitsivigisinnaanissai
∙Inunnik immikkut pisariaqartitsisunik paasinnissinnaassuseqarneq
Naatsorsuutigaarput:
∙Igaffimmiinneq igaffimmilu atortut ilisimasaqarifilluassagitit
∙Assassorneq nutaaliornerlu ilisimasaqarfigalugu
∙Atorfinnit allanit ilinniartitsinermik misilittagalik
∙Atuarfimmut ineriartortitseqataanissamut sunniuteqaqataarusussusulik
∙Pineqaatissinneqarsimannginnermut uppernarsaammik takutitsisinnaasoq
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:
Områdeleder Gerda Mikaelsen, oqarasuaat +299 36 78 39 imaluunniit e-mail: gemi@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 525-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: juunip 9.-at, 2026