Kalaallit Nunaanni meeqqat atuarfiannik pitsaanerpaamik pilersitseqataarusuppit? Suliffeqarfimmilu uummaarissumi, akuersaarneq, ataatsimoorneq aamma ineriartortitsineq tunngaviusumik naleqartinneqartumi sulerusuppit?
Kalaallit Nunaanni meeqqat atuarfiannik pitsaanerpaamik pilersitseqataarusuppit? Suliffeqarfimmilu uummaarissumi, akuersaarneq, ataatsimoorneq aamma ineriartortitsineq tunngaviusumik naleqartinneqartumi sulerusuppit?
Taava atorfimmik ilinnut tulluaqqissaartumik neqeroorfigisinnaavatsigit.
Atuarfik pillugu:
Atuarfik peqataaffigilissavat 1.000-it missaanik atuartulik, 1 - 10. klassinut aamma specialklassinut 9-nut agguataakkat. Atuarfik Inussuk atuarfiuvoq nutaaq ineriartorfiusoq, tassanilu ukiut 21-t untritilikkaani piginnaasat, suliniutit tunngavigalugit ilikkagaqarneq, suleqatigiiaanik suleqateqartitsineq, pitsaassutsimik ineriartortitsineq aamma atuartunik atuartitsissutitigut nukittuunngorsaaneq anguniassaqarluta suliaraagut.
Atuartuni nutaaliorsinnaaneq, isorinnissinnaalluni eqqarsarsinnaaneq, digitalimik qaammaasaqassuseq, suleqatigiinneq aamma attaveqaqatigiinneq suliaraagut. Ilikkagaqarnermut avatangiisit atuartitsissutitigut suliatigut piginnaasaqarneq atugarissaarnerlu patajaallisassavaat aamma assigiinngitsorpassuartigut ilikkagaqarsinnaaneq tapersiiffigissallugu - atuartut ataasiakkaat pisariaqartitaat kajumissusaallu aallaavigalugit.
Atuarfik maanna 92-inik sulisoqarpoq immikkoortortaqarfinnut sisamanut agguataarsimasunik: nukarliit, akulliit aamma angajulliit trinianni kiisalu immikkut atuartitsinermut suliaqarfimmi. Atuarfiup pisortaqatigiivi tassaapput atuarfiup pisortaa, atuarfiup pisortaata tullersortai pingasut aamma trininut aqutsisut sisamat.
Ataatsimoorneq patajaatsoq:
Atuarfik Inussummi akuersaarneq, ataatsimoorneq aamma ineriartorneq assut pingaartitaraagut – atuartut sulisullu akornanni. Atorfillit tamarmik, qanorluunniit atuuffeqaraluarunik, toqqissisimanartumik, ineriartorfiusumik aamma isumassarsisitsinartumik atuarfimmi avatangiisinik pilersitseqataapput. Upperaarput atugarissaarneq aamma qaffasissunik angusaqarusunneq ilikkagaqarnissamut inuttullu ineriartornissamut pitsaanerpaamik tunngavissaqalersitsisartut.
Ilinnut neqeroorutigisinnaasavut:
Atorfik unammillernartulik, Isumassortitut inuttullu ineriartornissamut periarfissalik. Atuarfiup nutaap ineriartortup isigineqarneranut tunniusseqataanissamut periarfissamik pitsaalluinnartumik pissarsiaqarfiusinnaasoq. Ilinniartitsisutut siunersiueqateqatigiittarneq aamma suleqatinit pisortaniillu ilitsersorneqarneq, taamaalillutit toqqissisimasumik patajaatsumillu sulisinnaaniassagavit.
Isumassortitut atorfik:
Isumassortitut atuartut nalerisimanissaannik tapersersuisutut pingaarutilittut inissisimassaatit aamma atuarfiup, angerlarsimaffiup aamma avataanit suleqatit akornanni qanimut suleqatigiinneq qulakkiissallugu. Atuarfiup aqutsisuinut, ilinniartitsisunut, perorsaasunut pingaarutilittut siunersiueqataasassaatit aamma pitsaaliuinermik aamma suliaqarfiit assigiinngitsut akornanni sulineq patajaallisaaqataaffigissallugu.
Pingaarnertut suliassatit:
∙Atuartut mianernartumik pissutsinik atugalinnut siunnersuineq tapersersuinerlu.
∙Angajoqqaanik aamma avataanit oqartussaasoqarfinnik soorlu isumaginninnermut ingerlatsivik, MISI allanillu suleqateqarneq
∙Nalerisimanermik peqataatitsinermillu pitsanngorsaaneq siunertaralugu suliniutit pitsaaliorfiusut
∙Attaveqarfiit ataatsimiinnerini aamma assigiinngitsunik suliaqarfiit akornanni suleqatigiinnut peqataaneq
∙Atuarfiup nalerisimanermut politikkiinik aamma iliuusissanut pilersaarutinik suliaqarneranut suleqataaneq
Naatsorsuutigaarput illit:
∙Isumaginninnermut siunnersortitut, peqqissaanermut tunngasunik ilinniagaqartutit, tarnikkut katsorsaasutut, ilaqutariinnut klassit imaluunniit allamik naleqquttumik ilinniagaqarsimaneq aamma meeqqanik, inuusuttunik ilaqutariinnillu misilittagaqarneq
∙Nalerisimaneq, meeqqat ineriartornerat pillugit aamma ilaqutariinnik atugarliortunik suleqateqarnermik ilisimasaqarneq
∙Akuersaartumik aamma aaqqissuuteqarnissamik ukkataqarnermik suleriuseqarneq
∙Tatiginniffiusunik atassuteqaatinik ineriartortitsinermut pikkorissuseqarneq
∙Suleqataarusussuseqarneq, allanngorarsinnaaneq aamma attaveqaqatigiittarninni erseqqarissuuneq
∙Atuarfimmi avatangiisini ineriartornermik allanngornermillu sunnigaaqqasuni sulinissamut qunusuissuseqarneq
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.
Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:
Atuarfiup pisortaa Dorthe Bidstrup, oqarasuaat +299 36 62 01 imaluunniit e-mail: dbid@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 527-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: juunip 9.-at, 2026