Kalaallit Nunaani siunissami suliffeqarneq sunniuteqaqataaffigerusuppiuk? Kommuneqarfik Sermersuumi ilinniagaqarnermut siunnersortinngorit!
Ilinniagaqarnermut siunnersortimik tunniusimasumik suliniuteqarusussuseqartumillu aamma ilikkagaqarnissamut, ineriartortitsinissamut inuullu atugarissaanissaanik soqutigisalimmik suleqatissarsiorpugut. Kalaallit Nunaanni suliffeqarfiit annersaasa ilaanni sulisussarsiornermi, ineriartortitsinermi aamma sulisut pikkorissut ataannarnissaanni pingaarutilittut suleqataassaatit.
Suliffik pillugu
Kommuni suliffittut ineriartorfiusutut pilerinartunngorsarniarlugu Attaveqaqatigiinnermut Sulisoqarnermullu Ineriartortitsinermik Immikkoortortaqarfimmi pilersaarusiukkamik sulivugut, illillu Sulisoqarnermut Ineriartortitsinermik Immikkoortoqarfimmi suleqataassaatit. Atuartut, praktikkertut aamma ilinniartut pingaarutilimmik ilikkagaqarfiusumik ilinniarnissat illit ilinniagaqarnermut siunnersortitut pingaarutilimmik akisussaaffigissavatit, taassuma saniatigut kommunip suliffigerusunnartuunissaanut praktikkerfigerusunnartuunissaanullu suleqataassaatit.
Suliassannut uku ilaassapput:
·Praktikkertut ilinniartullu ilinniartinneqarnissaannik aamma aallartinneranni ikiornissaannik piareersaaneq ataqatigiissaarinerlu
·Atuartunik, praktikkertunik ilinniartunillu malinnaaviginninneq attaveqarnerlu
·Suliffeqarfiup isigineqarneranik pitsanngorsaaneq – pingaartumik inunnut attaveqatigiittarfiit aamma LinkedIn atorlugit
·Atorfimmik inuttassarsiuinermut tunngasunik, sulisussarsiornermut atortunik aamma sulinermi ilitsersuusiornermik suliaqarneq
·Sulianut tunngasunik nittarsaassinernut aamma ilinniarnermut tunngasunik paasissutissiinernut peqataanerit – nunatsinni Danmarkimilu
·Sulisussarsiornermut, sulisunik attassiinnarnissamut aamma piginnaasanik ineriartortitsinermut atatillugu periusissioqataaneq
Kinaavit?
Imaattuunissat takorloorparput:
·Ilinniaqqiffinni ilinniarsimanissat – soorlu sulisoqarnermut, ilinniarnermut, attaveqaqatigiinnermut imaluunniit suliffeqarfinnik ineriartortitsinermut tunngasunik
·Suliniutinik ilinniarnermut imaluunniit ineriartortitsinermut tunngasunik misilittagaqarnissat
·Allattariarsornikkut oqaluttuariarsornikkullu piginnaasaqarluarnissat
·Suleqateqallaqqissuunissat – aammali nammineq akisussaaffeqarnissat suliannillu naammassinnissinnaanissat
Uagutsinnik qanoq suleqateqarsinnaavit?
·Ulluinnaaq pissarsiaqarfiusut, inunnut aamma suliffeqarfimmut tunngatillugu angusaqarfigilluarsinnaasatit
·Suliffeqarfik ineriartortoq, illit isumassarsiannik suliniutinnillu pingaartitsisoq
·Suliffeqarfik namminersorfiulluartoq aamma illit nammineq suliannik ineriartortitsiffigisinnaasat
·Susassaqarfinnik arlalinnik suleqatigiinnillu tunniusimasunik, ataqqinnittunik, qiimasunik angusaqarluarusuttunillu suleqateqarfiusoq
Allanngueqataagit – inunnut, sulianut aamma Kommuneqarfik Sermersuup siunissaa pillugu.
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.
Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Chefi Rosannguaq Rossen, oqarasuaat +299 36 70 66 imaluunniit e-mail: roro@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 529-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: juunip 7.-at, 2025