Utoqqaat Illuat Nuummi utoqqarnut najugaqarfiuvoq, utoqqarnut toqqissisimanartumik ataqqinartumillu ulluinnaat pilersinnissaat pingaarnerutillugu, nerisallu inuunerissaarneq inuunerlu pitsaasoq pingaaruteqartillugit. Igaffik Utoqqaat Illuat aammalu Ippiarsuk sullippai, ulluinnarnilu ingerlatsinermi pingaarutilimmik inissisimalluni.
Atorfik ulloq naallugu suliffiuvoq igaffimmilu aqutsisumut attaveqarfiulluni.
Atorfiup imarisai:
Igaffimmi ikiortimik misilittagalimmik – imaluunniit piumassuseqartumik – ulluinnarni igaffimmi sulianut peqataasussamik ujartuivugut, ilaatigut makkuninnga suliaqarsinnaasumik:
∙Naatsiianik, paarnanik allanillu piareersaaneq
∙Ilitsersuineq naapertorlugu nerisassanik piareersaaneq
∙Kissartunik nillertunillu nerisassianik peqataalluni sananeq
∙Iffiassanik aammalu oqitsunik nerisassanik suliaqarnermi peqataaneq
∙Erruineq igaffimmilu eqqiaaneq
∙Eqqiluisaarneq aammalu nammineq nakkutiginninneq malinneqarnissaat
∙Nerriveeraliorneq, sassaallerneq aammalu piiarneq
∙Immikkoortortaqarfinnut nerisassanik poortuineq
∙Pisiassanik tigusineq aammalu aaqqissuussineq
∙Suliassat assigiinngitsut allat
Suliassat igaffimmi aqutsisoq, igaffimmi sulisut allat aammalu immikkoortortaqarfinni sulisut peqatigalugit suleqatigiilluni ingerlanneqassapput.
Qinnuteqartunut naatsorsuutit:
∙Ilinniagaqarnissaq piumasaqaataanngilaq
∙Igaffimmi, inuussutissarsiornermi imaluunniit nerisalerinermi ilinniagaq iluaqutaassaaq
∙Namminersorlutik imaluunniit suliffeqarfinni igaffinni misilittagaqarneq iluaqutaassaaq
∙Eqqiluisaarneq pillugu maleruagassat tunngaviusut (HACCP) ilisimasaqarfiginissaat kissaatigineqarpoq
Aamma pingaartipparput:
∙Aalajaatsuusutit takkuttartuullutillu
∙Namminersorlutit ilitsersorneqarnikkut sulisinnaasutit
∙Suleqateqallaqqissuusutit pitsaasumillu eqqarsartaaseqartutit
∙Ulapaarfinnilu tamakkiisumik isiginnissinnaasutit
∙Kiffartuussillaqqissuusutit pitsaasumillu suliffimmi silaannaqarnissamut peqataasutit
∙Kalaallisut danskisullu oqaaseqarsinnaaneq iluaqutaassaaq, piumasaqaataananili
Neqeroorutigaavut:
Suliffik isumaqarluartoq, utoqqarnut ulluinnarni allanngueqataaffiusoq, suleqatigiinneq pitsaasoq aammalu suliffik ataqqinninneq, atugarissaarneq pitsaassuserlu tunngavigalugit ingerlanneqartoq.
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:
Ningiu Kathrine Lerch-Amondsen, oqarasuaat: +299 36 61 31 imaluunniit e-mail: kler@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 537-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: juunip 9.-at, 2026