Tasiilami Meeqqanut Ilaqutariinnullu Ingerlatsivik (MI) inuusuttunut siunnersuisartumik ataatsimik pissarsiorpoq, 01.juli.2026 imaluunniit sulilersussamik, imaluunniit isumaqatigiissuteqarnikkut.
Meeqqanik ilaqutariinnillu ingerlatsivimmi inuusuttunut siunnersuisartut, kommunimi inuusuttunut pinaveersaartitsinerup tapersersuinerullu nukittorsarnissaa suliarisarpaat.
Indsatsområde (suliniutinik ingerlatsivik) 01.januar 2025 allartippoq siornatigut BFC-imik taaguuteqarluni maannakkullu suliniutinik ingerlatsivimmi, familievejlederit,(ilaqutariinnut aqqutissiuisut) ungerådgiver, (inuusuttunut siunnersortit), angajoqqaarsialerisut (plejefamiliekonsulent-it) aamma Børnehus-i Pigeer qulaani immikkoortortat taaneqatut tamarmik immikkoortortarmi ataatsimuulernikuupput (indsatsområde MI Tasiilaq).
Taakkuuppullu immikkoortortat qanimut suleqatissat soorlu aamma politi, peqqinnissaqarfik .allallu meeqqanik inuusuttunik sullissisut
Atorfiup imarisai:
∙Suliassat pilersaarusiornerannut akisussaaneq
∙Inuusuttunut siunnersuineq ilitsersuinerlu, makku pillugit: sumiginnaaneq, attaveqatigiin-neq, inuusuttuaranngulersut ajornartorsiutaat, allallu inuusuttut inuunerannut sunniuteqar-sinnaasut
∙Angerlarsimaffianni/ ungehybel-inut pulaarluni ikiuunnissaq/siunnersuinissaq
∙Sullitassanut innersuunneqartunut inuttut atugaani qulaajaaneq
∙Ammasumik siunnersuineq (åbenrådgivning)
∙Suleqatit qanittut, ungasissumiittullu suleqatigalugit
∙Ammasuunissaq, inuusuttuaranngulersullu silarsuaannut akuersaarnissaq
∙Inuusuttut immikkut malitseqartitsinermi suliniuteqarfigineqartut siunnersortaaffiginissai
∙MI ataani suliassat allat peqataaffigalugit
∙Nunaqarfimmi pisariaqartitsineq aallaavigalugu nunaqarfimmut angalasartut peqatigalugit ornigussinnaaneq
∙Efterværn-ertunik siunnersuineq aqqutissiuineq oqaloqateqartarneq
∙Angalarneri pinngortitamiinnerit pilersaarusiorluakkanik sullitat peqatigalugit
Inuusuttunut siunnersortitut suleqatit, suliffimmullu attuumasusillit akimorlugit suleqatigilluinnarlugit suliassat naammassineqartassapput.
Qinnuteqartussanut ilimagisat:
∙Inulerinermik assigisaannilluunniit sulianik misilittagaqarneq
∙Nammineersinnaassuseqarneq, ilinniagaqarluarsimasunillu suleqateqarluarsinnaaneq
∙Ingerlatseriallaqqissoq, ataqatigiissaarillaqqissoq, pilersaarsiullaqqissoq, sulianillu malinnaatitsisinnaaneq
∙Inunnut pitsaasumik isiginnissinnaasoq, piumassuseqarneq piginnaasaqarnerlu, iluaqutissat/nukissaqarnerlu eqqarsaatigalugit
∙Qiimasoq, sulerusussusilik ilaqutariinnullu allannguinissamut ikiuunnissaminut soquti-ginnittoq
∙Ammasuuneq, inussiarnernerlu
∙Suliffimmi ineriartorluartumi sulinissamut soqutiginninneq
∙Nunaqarfinnut angalasarnerit ukiumut arlaleriarluni nunaqarfinni, angalasartut peqatigalugit BFA-miaamma indsatsområde-mi sulisut
Makkuninngattaaq piumaffigaatsigit:
∙Eqeersimaartoq akisussaassusilillu
∙Aalajaatsoq, isumassarsiullaqqissoq, nukissalik suliniuteqarusuttorlu
∙Suliatsinni pitsanngorsaanermut ineriartortitsinissamut peqataajuarneq
∙Nammineersinnaassuseqarneq, akisussaassuseqarneq, sullissisinnaalluarnissarlu
∙Piareersaalluarsinnaassaatit, ataqatigiissaarillaqqissaatit, pilersaarusiullaqqissaatit, suliassallu malinnatillugit
∙Siammasissumik suleqateqarsinnaaneq
∙Nunaqarfinni angalasinnaasoq sulianut tunngatillugu
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli
Neqeroorutigaarput:
∙Suliffik ineriartortuartoq pissanganartorlu, ulluinnarni sulininni sunniuteqarfigisinnaasat
∙Suleqatit nuannersut
∙Supervision-ertarneq aamma suleqatillu immersoqatigiittarneq
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:
Immikkoortortami aqutsisoq Emilie Napatoq, oqarasuaat +299 36 76 23 imaluunniit e-mail: emnp@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 546-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: juunip 11.-at, 2026