Gadeteam inulerisutut ilinniarsimasumik ataatsimik sulisussarsiorpoq - Kommuneqarfik Sermersooq Suliffeqarnermut Isumaginninnermullu Ingerlatsivimmi - Inunnik isumaginninnermi sullissivimmi
Gadeteam suua?:
Gadeteam pitsaaliuinermik suliaqartussatut aaqqissuussaapput ilaatigut illoqarfimmi sanngiinnerpaatut inissisimasut angerlarsimaffeqanngitsullu pillugit innuttaasut ataasiakkaat ataavartumik malitseqartitsiviginissaat qulakkeerniarlugu pinaveersaartitseriaaseqarnikkut inooqataatitsinissamut peqatigiinnerulernissamullu tunngasunik suliaqartarlutik. Suliniummi suleqateqartoqarpoq allanik assigiinngitsunik sulialinnik.
Gadeteam-ip suliarisarpaat: Nuummi inuit pineqartut sumiiffigisartagaanni aqqusinerni ujartuilluni angalaartarneq. Inunnut katillugu 105-nut Najugaqarnissamut Sungiusarfimmi inuttut piginnaasanik sungiusaasoqartarpoq aamma nammineq najugaqarfinni najugaqarnissamut sungiusaasoqartarluni.
Suliniummi ilisimaneqalerportaaq innuttaasumik sumiiffimmi toqqissisimaffiginerusinnaasaani naapittarnissaanut pisariaqartitsineq piusoq, taamaattumillu Gadeteam-ip Uummateqarfimmi qulaajaaffigineqarnissamut innuttaasut periarfissinnissaat sulissutigineqartarput.
Uummateqarfik inuttut atugarliortunut angerlarsimaffeqanngitsunullu ulluinnarni ulluunerani ammasarpoq, tassani innuttaasoq Angerlarsimaffeqanngitsut unnuisarfianni sulisunut attaveqarsinnaavoq imaluunniit Gadeteam isumaqateqatigereerneratigut Uummateqarfimmiissinnaalluni. Innuttaasoq uffarnissamut, errortanik atisaqarnissamut, Salon Uummateqarfimmi killortinnissamut pisariaqarpallu Unnuisarfimmik atuinissamut periarfissaqarpoq, assersuutigalugu innuttaasoq angerlarsimaffeqanngitsuuppat unnuisarfiullu atornissaanut piumasaqaatinik eqquutsitsippat unnuakkut siniffeqartinneqarluni unnuisinnaavoq.
Innuttaasut iliuusissatut pilersaarusiorfigineqassapput ikorfartorneqarnissamut, aqqutissiuunneqarnissamut tapersersorneqarnissamut malinnaavigineqarnissamullu periarfissaqassallutik tamannalu Kommuneqarfik Sermersuumi angerlarsimaffeqanngitsunut aamma inuuniarnermikkut ajornartorsiuteqartunut tamakkiisumik isumaginninnikkut sullissinissamut ilaatinneqarpoq.
Suleqatissarput tassaassaaq:
Suliaqarfipput pingaartumik sullinniakkagut alapernaaserfigalugillu soqutigigitit. Illit soqutigigit, allat ilinniarfiginissaat, eqqarsaasersorsinnaaneq, naammagittarsinnaaneq, suleqateqarsinnaaneq, ersarissumillu attaveqarnerup pingaaruteqassusaanik paasisimasaqartutit aamma aaqqissuussaanikkut suliaqarnermik paasisimasaqartutit
∙Isumaginninnermi siunnersorti imaluunniit perorsaasoq
∙Attaveqatigiinnermik qanilaarfiusumik pilersitsillaqqissoq
∙Sanngiitsunik angerlarsimaffeqanngitsunillu innuttaasunik sullissisinnaasoq qajannaatsorlu
∙Tarnikkut ikiueqqaarsinnaasutit pitsaassaaq piumasaqaataanngilarli
∙Timikkut ikiueqqaarsinnaasutit pitsaassaaq piumasaqaataanngilarli
∙Illoqarfissuarmik Nuummik ilisimasaqarluartoq
∙Inissaqartitsisoq, eqaatsumik sulisinnaasoq tamakkiisumillu isiginnissinnaasoq.
∙Kalaallisut danskisullu oqallorillutillu allattariarsullaqqittutit, tuluttullu paasisinnaasutit.
∙Suliassanut aaqqissuussaasumik periuseqarlutit aallussisuusutit.
∙Uppernarsaanerup pingaaruteqassusaanik paasisimasaqartutit.
∙Innuttaasumik malitseqartitsinissamut pilersaarusiornermi siuarsimanissamik pilersaarusiornissaanut paasisimasaqartutit soqutiginnittutillu.
∙Ajornartorsiutinik aaqqiissutinik anguniagaqarusuttuusutit.
∙Nutaamik eqqarsarnissaq ineriartoqqinnissarlu ammaffigigitit.
∙Outlookimik ulluinnarni atuinermik sungiusimasaqartutit.
Neqeroorutigaarput:
∙Inunnik ataasiakkaanik nuannersunik paasisimasaqarluartunillu ulluinnarni naapitsineq.
∙Suliffeqarfik pissanganartoq ineriartuinnavittorlu.
∙Suleqatigiit tunniusimasut akisussaassuseqartut pikkorissut, pitsaassutsimik pitsaasumik ineriartornissamillu angusaqarusuttut
∙Sukumiisumik ilinniartitsineq
∙Sulisunut sullisissat
∙Aqqusinermi ujartuillutik angalaartartut pitsaasumik toqqissisimasumillu suliffeqarnissaq pingaartillugu sulisarput.
∙Supervision eqimattatut ataasiakkaatulluunniit
Ingerlatsivik pillugu:
Suliatigut piginnaasat, assigiinngissuseq, ataatsimoornerlu suleriaatsimik siunissaq ungasinnerusoq eqqarsaatigalugu kivitsinissamut pingaaruteqarsoraagut. Taamaattumik suliniutinik nutaanik, suliatigut uatsinnut qaninnerulersitsisussanik aallarnisaalluta aallartilerpugut. Pikkorissunik sulisoqassagaanni sulianut tunngasut oqaluuserineqarsinnaasariaqartut upperaarput!
Gadeteam-imi Angerlarsimaffeqanngitsullu unnuisarfianni suleqatigiittut ataatsimoortumik naleqartitaqarpugut, ataqatigiittumik pissuseqarpugut suliffittalu avataaniit isigineqarnera pingaartillugu:
Naleqartitat: Akisussaassuseqarpugut, Attaveqaqatigiilluartarpugut, tunniusimasuuvuguut, ataqqeqatigiippugut toqqissisimasuullutalu.
Ataqatigiittumik pissuseqarneq: Attaveqaqatigiilluartuuvugut, ataqqinnittuuvugut, suliffitsialaavugut killiliisinnaallutalu.
Suliffitta avataaniit isigineqarnera: Sulisutut sulivugut, Kivitsisuuvugut maligassiuisuullutalu.
Alapernaannerulersimaguit
Kommunip nittartagaani suliat allaaserineqarnerini suliatsinnut malittarisassat pillugit atuarsinnaavatit, aammattaaq allanik apeqqutissaqaruit attaveqarfiginissatsinnut tikilluaqqusaavutit.
Illiuguit eqqortunik naleqartitalik, sulilu misilittakkanik amigaateqarlutit tusarfiginissat aamma soqutigaarput. Atorfiup tulluarsarnissaanut periarfissaqarpoq, taamaalillutit suliassat ilaannik sulilerniassagavit inerisarfigalugillu.
Tusarfiginissat qilanaaraarput.
Naatsorsuutigaarput:
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami aqutsisoq Marthannguaq Dahl Bech, oqarasuaat +299 36 67 94 imaluunniit e-mail: mdbe@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 553-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: juunip 24.-at, 2025