Kommuneqarfik Sermersuumi Utoqqarnut isumassuiffik Ippiarsuk peqqissaanermi ikiortinik imaluunniit assingusunik ilinniagalinnik tallimanik pissarsiorpoq
Kommuneqarfik Sermersooq Utoqqaat Illuanut Ippiarsummut Peqqissaanermi ikiortinik imaluunniit assingusunik sulialinnik tallimanik pissarsiorpoq.
Atorfinitsitsineq
Ippiarsuk: Ippiarsuk utoqqarnik paaqqinniffiuvoq najugaqartunut 34-nut inissaqartoq aamma ulluunerani sammisaqartitsiffiulluni 35-nut inissaqartitsisoq. Ineqartut immikkoortortanut pingasunut agguarneqarsimapput, immikkoortortani tamaginni ineqartut 11-11-12-iullutik. Ippiarsummi sulisut makkuninnga ilinniagaqarput: Peqqissaasoq, Peqqissaanermi assistentit, Peqqissaanermi ikiortit, Isumaginninnermi ikiortit ilinniarsimanngitsullu. Immikkoortortatta pingasuusut saniatigut illu sammisassaqartitsiveqarpoq, igaffik, errorsisarfik, allaffik, pedeli biilertorlu. Ippiarsummi sulisut 70-inik amerlanerulaarpugut. Immikkoortortatta pingasuusut saniatigut aamma immikkoortortaqarpugut Pakkutaq, taanna Inuit innarluutillit tarnimikkullu napparsimasunut suliassaqarfiup ataaniippoq..
Maani nuannersumik ataqqinnittumillu attaveqatigiinnermik kultureqarluta sulisarpugut. Ammasumik oqaloqatigiinneq, tatiginninneq suleqatigiinnerlu aqqutigalugit suliffimmi avatangiisit pitsaasut pilersinneqartartoq upperaarput. Sulianut ilisimaarinninneq, peqqissaartuuneq aamma atugarissaarnissamut akisussaaffeqaqatigiinneq pingaartitaraagut. Pingaarnertut naleqartitarput tassaavoq innuttaasup pingaarnerutinneqartuaannarnissaa aamma inuit ataasiakkaat tamarmik qanilaartumik ataqqinnittumillu naapinnissaat pingaartitaraarput.
Piffissaq suliffiusoq tamakkiisuuvoq sapaatip akunneranut 40 tiimit, Ippiarsuk ulloq unnuarlu suliffiuvoq nikerartumik suliffiusoq, ullaakkut, unnukkut unnuakkullu, kiisalu sapaatip akunneri allorlugit sapaatip akunnerata naanerani.
Suliassat ilaat ukuussapput:
∙ Najugaqartumik tunngaviusumik paaqqutarinninneq, isumaginninneq sullissinerlu
∙ Najugaqartut atugarissaarnissaat pillugu pitsaaliuinermik suliniuteqarneq
∙ Najugaqartunik sammisassaqartitsisarneq
∙ Ilaqutaasut suleqatigineqarneri
Suleqatit aamma immikkoortortami aqutsisoq qanimut suleqatigalugit suliassat suliarineqartassapput.
Suleqataasutut, suleqatigiinnut uummateqarfigisaminni sulisunut aamma innuttaasup pingaarnerutinneqarnissaanik ukkassisunut ilanngutissaatit. Ulluinnarni pitsaasumik suliatigullu ilisimasaqarluni attaveqatigiinneq pingaartipparput aamma ataqqinninneq, ilumoorneq ataatsimoornerlu aqqutigalugit suliffimmi avatangiiseq toqqissisimanartoq pilersinneqarsinnaasoq upperaarput, – ingutsiffiunngitsumi. Suleqatigiittut immitsinnut ikiortarpugut tapersersorlutalu aamma innuttaasunut ulluinnaat naleqarluartut isumaqarluartullu qanilaarnikkut, paaqqutarinninnikkut sulinikkullu pilersinniarlugit siunnerfilimmik sulivugut.
Timikkut tarnikkullu nukittunissaq pisariaqarpoq taamaattumik sulisunik utoqqarnik suliassaqarfimmi misilittagaqarluartunik allannguerusussuseqartunik pisariaqartitsivugut.
Naatsorsuutigaarput illit:
∙ Peqqissaanermi ikiortitut assingusumilluunniit ilinniagaqarsimassasutit
∙ Aalajaatsoq akisussaaffimmilu ilisimaarinnittoq
∙ Suleqatikkuminartoq, tatiginartoq utoqqarnut atuisunut/najugaqartunut ataqqinninnermik takutitsisoq.
∙ Sulinissat nammineq aaqqissuussinnaassavatit suliatillu pingaarnersiorsinnaallugit, peqatigitillugulu suliatit malinnaaffigilluarsinnaallugit.
∙ Illumi ineriartortumiinnerput pissutigalugu nutaanik suliassanik suliarinninnissamut soqutiginnittoq.
∙ Suleqatinut nutaanut siumut ilinniartitsineq ilinniartuutigullu ikiorlugit.
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.
Neqeroorutigaavut:
∙ Ilisarititsineq
∙ Tatiginninneq
∙ Akisussaaffik
∙ Akuutitsineq
∙ Suleqatit pitsaasut
∙ Suliffimmi atugarissaarneq atortorissaarnerlu
∙ Inuup inuunerani ineriartorneq
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq. Peter Lund Eriksen, oqarasuaat +299 36 61 74 imaluunniit e-mail: pelr@sermersooq.gl
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Qinnuteqaat:
Qinnuteqaat qulequtserlugu Atorfiup ilisarnaataa 556-25 -mik, ilinniagaqarsi
manermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: juunip 24.-at, 2025