Kommuneqarfik Sermersooq – Sunngiffik Kulturilu - Meeqqanut atuarfeqarnermullu ingerlatsivik
Sermersuumi nipilersornermik ilinniarfimmi aqutsisoq – Sunngiffik kulturilu
Suliffimmik nuannerluinnartumik pissanganartumillu ujartuivit? Aqutsineq, nipilersornermik ilinniartitsineq, ineriartortitsineq, suleqatigiinnerit allallu unamminartut soqutigisarivigit? Kommuneqarfik Sermersuumi nipilersornermik ilinniarfimmi, aalajaatsumik, pikkorissumik, anguniagaqallaqqissumik, takorluuisinnaassuseqarluartumik tunniusimasumillu aqutsisussarsiorpoq. Sermersuumi nipilersornermik ilinniarfimmi aqutsisussamik 01.08.2025 sulilersussamik siusinnerusukkulluunniit sulilersinnaasumik pissarsiorpoq.
Sermersuumi nipilersornermik ilinniarfik nipilersornermik ilinniarfiuvoq Kommuneqarfik Sermersuup ataani inissisimasoq, Meeqqanut Atuarfeqarnermullu ingerlatsivimmiilluni. Sermersuumi nipilersornermik ilinniarfik arfinilinnik atorfeqavissunik ilinniartitsisunik ulluinnarnilu pilersaarutinut sinaakkusiisunik sulisoqarpoq. Taassuma saniatigut pisariaqartitsineq aallaavigalugu, tiimimusialinnik aamma sulisoqarluni. Sermersuumi nipilersornermik ilinniarfiup Meeqqanut atuarfeqarnermullu ingerlatsivimmi immikkoortortat assigiinngitsut qanimut suleqatigisarai, meeqqeriviit, atuarfeqarfiit, AKO, ukiullu ingerlanerani immikkoortortat allat kiisalu ingerlatsiviit allat aamma suleqatigisinnaasarpai. Taakku saniatigut atuareernerup kingorna nipilersornermik atuartitsivittut sukumiisumik inissisimavoq. Nipilersornermik ilinniarfik, annermik meeqqanut inuusuttuaqqanullu neqeroorutaavoq, killilimmilli inersimasunut neqerooruteqartoqartarpoq. Kommuneqarfik Sermersuup iluani Paamiut, Tasiilaq aamma Ittoqqortoormiit qanimut suleqatigineqartarput. Kiisalu kommunep iluani ingerlatsinerit saniatigut nunatta avataaniit assigiinngitsunik suleqateqarneq ingerlanneqartarluni.
Aqutsisussamik ujaasivugut, nipilersornermik ilinniarfiup suli ineriartorteqqinnissaanik suliniuteqarsinnaasumik, ineriartortitsineq sulisut peqatigilluinnarlugit minnerunngitsumik immikkoortortami Sunngiffik Kulturilumi fagcheffi qanimut suleqatigalugu sulisinnaasumik. Ilinniartitsinermi ineriartortitserusussuseqarnermilu nukittuumik inissisimassaatit, unamminartunut aaqqiissutissanik ujartuillaqqissuussaatit akisussaaffinnillu agguaallaqqillutit minnerunngitsumik sulianut siammasissumik ukkassisinnaassallutit.
Uagut pilluta paasissutissat annertunerusut uani pissarsiarineqarsinnaapput: https://sermersooq.gl/kl/nipilersornermik-ilinniarfik/ aamma https://www.facebook.com/sermersooqmusikskole/
Atorfiup imarisaa:
Aqutsinermik, ilinniartitsinermik nipilersornerullu silarsuaani misilittagaqartumik ataanilu makkuninnga suliaqarluarsinnaasumik pissarsiorpugut:
Akisussaaffiit pingaarnerit ukuusapput:
∙Nipilersornermik Ilinniarfiup allaffissornera aamma ingerlanneqarnera, kiisalu missingersuutit akisussaaffigalugit, aningaasaqarnerata aqunnera, akissarsiat tiimillu agguataarneri.
∙Sulisunik aqutsineq, matumani suleqatigiit suleqatigiinnerat, suliffiup avatangiisai, suliatigut ilitsersuineq aamma maligassiuisutut inissisimaneq ilanngullugit.
∙Periusissiaqarluni aqutsineq, matumani periusissiap ataavartumik ineriartortinnissaa, atulersinneqarnissaa taavalu aaqqissuussami atorneqarnissaa ilanngullugit.
∙Suliatigut aqutsineq, matumani piginnaasanik ineriartortitsineq aamma ilinniartitsisoqatigiit ilinniaqqinnissaat.
∙Ukioq atuarfiusoq, tusarnaartitsinerit aaqqissuussallu allat pilersaarusiorlugit.
∙Nipilersornermik Ilinniarfimmi illinniartunut atuartitsinerup ingerlaavartuunissaanik pitsaassusaanillu ataavartumik qulakkeerineq kiisalu nammineq atuartitsineq.
∙Siunnersuineq aamma ataatsimiititamut susassaqartumut ingerlatsivimmullu sulianik suliaqarneq.
∙Kommunimi ataqatigiissumik, assigiinngitsunik suliallu assigiinngitsut iluarsinissaat eqqarsaatigalugit tunniussaqarneq.
∙Nipilersornermik Ilinniarfiup nalinginnaasumik ingerlanneqarnerata saniatigut sammisassaqartitsinernut allanut aningaasaliisussarsiorneq.
∙Suliarinasuarneqarsinnaasullu ilanngullugit (Ad hoc).
Illittaaq aqutsisutut atuuffinni pingaarnertut suliassamik ukkassinissat pisariaqartinneqarpoq, tassaasoq ulluinnarni ingerlaavartumillu nipilersornermik atuartitsineq. Suleqatit suliniuteqarnerat taamatuttaaq innuttaasut tunniussaat aqqutigalugit inerneqartitsinernik aamma kajumissuseqalertarputit.
Qinnuteqartunut naatsorsuutigisat:
∙Aqutsinermik misilittagaqassaatit, ajornanngippat atuartitsinermut imaluunniit kulturikkut immikkoortumut attuumassuteqartumi.
∙Sammisamut assingusumik ilinniarsimassasutit, meeqqanut inuusuttunullu nipilersornermik ilinniartitsinermik misilittagaqartutit.
∙Suliassat eqqarsaatigalugit eqaatsumik atuartitsisinnaassaatit, aammalu naatsorsuutaanngitsumik ilungersuumminartut eqqissillutit isumagisinnaassallugit.
∙Ineriartortitsineq pingaartissavat periarfissallu takusinnaalluarlugit.
∙Kommunimi ingerlatsiviit immikkoortortallu assigiinngitsut suleqatigisinnaavatit.
∙Aalajaatsuussaatit ulluinnarnilu sulinermi ataavartuunissaq pingaartitaralugu.
∙Illit – aamma Nipilersornermik Ilinniarfik - kommunip kulturikkut aaqqissuussaanni peqataasassaatit, sapinngisamik.
∙Ulluinnarni arlalinnik kultureqartumi sulisinnaavutit aamma Kalaallit Nunaanni pissutsinut naleqqussarsinnaavutit.
Pingaartipparputtaaq:
∙Aalajaatsoq, pitsaassutsimik pingaartitsisoq immikkuualuttullu ilanngullugit malussarissoq
∙Uippakajaarani arlariinnik suliaqarsinnaasoq / Sulianik arlalinnik ataatsikkoortunik suliaqarluasinnaasoq.
∙Erseqqissumik tappissumillu allattariarsorlunilu oqaluttariarsorsinnaasoq.
∙Nammineerluni sulisinnaasoq, akisussaassuseqartoq sullissiumatoorlu.
∙Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.
∙Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.
∙Nukittooq pilersitsiniallaqqissoq inissaqartitsiuartoq piumassuseqarluartorlu.
∙Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq.
∙Kisitsisilerillaqqissoq.
∙Siammasissumik suleqateqarluarsinnaasoq.
∙Qinnuteqartut marluinnik oqaasillit (kal/qall) piumaneqarnerupput – Pitsaassaaq oqaatsit kal/qall/tul atorsinnaangukkit.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq, Pipaluk Lynge Berthelsen, oqarasuaat +299 36 81 66 imaluunniit e-mail: plbe@sermersooq.gl
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Qinnuteqaat:
Qinnuteqaat qulequtserlugu Atorfiup ilisarnaataa 558-25 -mik, ilinniagaqarsi
manermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: juunip 24.-at, 2025