Aalajangersimasumik piffissami suliffissaq: Nuummi Eqqumiitsulianik Saqqummersitsivimmi katersugaasivilerisoq
Eqqumiitsulianik nuannarisaqarluinnarpit, katersugaasivimmilu sulinissamik takorluugaqarpit? Isumassarsiavit piviusunngortinnissaa pikkoriffigaajuk? Suliffeqarfimmi mikigaluarluni pilersitsiviusumi peqatigaluta Nuummi eqqumiitsuliortut silarsuaanni ineriartortitseqataarusuppit? Kunngikkormiut tikilluaqqusinnaavigit, meeqqat inuusuttullu atuartillugit, tusagassiortunut nalunaarusiorlutit, immaqalu pisariaqartitsinikkut iikkamut kikiatserillutit saqqummersitsinissanillu aaqqissuusseqataallutit?
Pingaarnerpaatut makku suliassarisassavatit:
∙Saqqummersitsinernik piffissamut soqutiginartunik pilersitsinerit, isumassarsiarineranit aningaasalerneranut, naggataagullu nalunaarusiarinera naammassillugu
∙Misigisassiami TAMASSA-mi suliamik ingerlatsisuuneq
∙Eqqumiitsuliorneq pillugu Nuummi Kalaallit Nunaannilu paasissutissiisarnerit ilisimasallu ineriartortillugit – aammalu eqqumiitsuliorneq Kalaallit Nunaanneersoq nunap avataanut siammarternissaa
∙Meeqqanut sammisassaqartitsinerit, saqqummersitsinerit, Inuiattut Ullorsiorneq, Unnuk Kulturisiorfik assigisaallu ingerlanneri
∙Atuarfinnut ilinniarfinnullu neqeroorutit isumagisarneri ingerlannerilu
∙Saqqummersitsivimmi pisiniarfianilu ikiortinut attaveqartartuuneq
Suliat tamarmik katersugaasivilerisut aammalu katersugaasivimmi aqutsisoq suleqatigalugit suliarineqartarput.
Tulliuttut piumasaqaataanngillat, takorloorparpulli makku ilaatigut piginnaasarigitit:
∙Aqutsisinnaasutit aporfiusunillu aaqqiissutissaqallaqqittutit
∙Allannermut attaveqarnissamullu piginnaasaqarluartutit
∙Tulluartumik ilinniagaqarsimasutit, soorlu eqqumiitsuliornermik oqaluttuarisaanermik, imaluunniit pisussanik aaqqissuussisartutut ilinniarsimasuuneq
∙Katersugaasivinnit aamma/imaluunniit eqqumiitsuliornerup kulturilerinerullu silarsuaanit misilittagaqartutit
∙Meeqqanik inuusuttunillu atuartitsinermik misilittagaqartutit
∙Kalaallisut, qallunaatut tuluttullu attaveqaqatigiinnerit ingerlassinnaagitit
∙Kalaallit Nunaanni eqqumiitsuliornerup kulturillu silarsuaanik sungiussisimasutit
∙Sullissilluarnissaq pingaartikkit
∙Allanngorartumik sulisinnaasutit, aamma ullut suliffiit allanngorartut assigiinngitsutigut ulapaarfiusinnaasartut ikioqatigiilluta suliarisartakkagut piareersimaffigigitit
Ilinnut neqeroorutigisinnaasagut:
∙Sap. ak. 30 tiimit suliffissaq, piffissap suliffiup nikerartinnissaanut periarfissaqarluartoq
∙2025-mi aggustip aallaqqaataanit 2027-mi decembarip 31-ata tungaanut suliffissaq
∙Suliffik namminersorluni ineriartortinnissaanut periarfissalerujussuaq
∙Suliffik inuppalaarfiusoq inuusuttunik sulisulik (kaageqartuartorlu)
∙Suliffik takorluukkanik piviusunngortitsinissamik periarfissaqarluartoq
∙Ulluni allanngorartuartuni suliassat assigiinngitsorpassuit
∙Suliffik Kalaallit Nunaanni eqqumiitsuliornermi kulturikkullu pisuni malinnaaffik
∙Kalaallit Nunaata avataani ataatsimeersuarnernut assigisaanullu peqataasarnissaq periarfissaasassaaq
Nuummi Eqqumiitsulianik Saqqummersitsivik pillugu:
Nuummi Eqqumiitsulianik Saqqummersitsivimmi aqutsisumik piffissaq tamakkerlugu sulisartumik atorfeqartoqarpoq, katersugaasivilerisut marluk, ilinniartullu ikiortit pingasut akunnerit qulit sulisartut. Kalaallit Nunaanni eqqumiitsulianik katersugaasivinni annerpaajuvoq, nammineq eqqumiitsulianik katersaalik aammali Kalaallit Nunaanni saqqummersitanut allanngorartunut saqqummersitsivissamik inimik pitsaanerpaamik pilik. Paasisaqarnerorusukkuit nuukkunstmuseum.gl alakkarsinnaavat.
Naatsorsuutigaarput:
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq, Nivi Christensen, oqarasuaat +299 36 60 33 imaluunniit e-mail: nich@sermersooq.gl
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Qinnuteqaat:
Qinnuteqaat qulequtserlugu Atorfiup ilisarnaataa 566-25 -mik, ilinniagaqarsi
manermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: juunip 14.-at, 2025