Nuummi Siunnersuisarfik aamma Ilaqutariinnik Katsorsaavik Tarnip pissusaanik immikkut ilisimasalinnik / tarnikkut katsorsaasunik 2-nik pissarsiorpoq
Nuummi Siunnersuisarfik aamma Ilaqutariinnik Katsorsaavik (CRF) katsorsaanermut suliassanullu tarnip pissusaanik immikkut ilisimasalimmik tunniusimasumik suliaminillu piginnaasaqarluartumik pissarsiorpoq. Atorfik aalajangersimasoq tamakkerlugu suliffiuvoq.
Kommuneqarfik Sermersooq tarnip pissusaanik immikkut ilisimasalinnik imaluunniit Tarnikkut katsorsaasunik marlunnik pikkorissumik tunniusimasumillu CRF-imi (Siunnersuisarfik aamma Ilaqutariinnik Katsorsaavik) katsorsaanermut immikkoortortaqarfimmut pissarsiorpoq.
CRF tassaavoq Meeqqanut Ilaqutariinnullu Ingerlatsiviup ataani kommunimi neqeroorut, meeqqanut, inuusuttunut ilaqutariinnullu tapersiinermik katsorsaanermillu neqerooruteqartoq.
CRF-imi meeqqat, inuusuttut ilaqutariillu atugarissaarnerisa, ineriartornerisa attaveqarnerisalu nukittorsarnissaat sulissutigaarput. Suliniutit tamarmik ilaqutariit ataasiakkaat pisariaqartitaat kiisalu ilaqutariinnik oqaloqateqarnikkut isumaqatigiissutigineqartut tunngavigalugit ingerlanneqarput.
CRF-imi sulisut assigiinngitsunik ilinniagaqartut suleqatigiilluartut ataatsimoorlutik tamakkiisumik isiginnilluni aaqqiissuteqartarput. Suleqatigiinnermi toqqissisimanissaq ataqqeqatigiinnissarlu pingaartinneqarput, ilaqutariillu peqataatinneqarlutik.
CRF-imi sulinerup siunertaraa pitsaasunik allannguutaasinnaasunillu pilersitsineq kiisalu meeqqat, inuusuttut ilaqutariillu atugarissaarnerannik ineriartornerannillu tapersersuineq.
Katsorsaanermut immikkoortortaqarfik maannakkut sulisut arfineq-pingasunit inuttaqarpoq – tarnip pissusaanik ilisimasallit ilaqutariinnillu psykoterapeutit. Atorfik immikkoortortaqarfimmi aqutsisumut attaveqarpoq.
Atorfik pillugu
Tarnip pissusaanik immikkiut ilisimasalinnik imaluunniit akuerisaasunik Tarnikkut katsorsaasunik marlunnik pissarsiorpugut meeqqanut, inuusuttunut ilaqutariinnullu immikkut pisariaqartitsisunut pitsaasumik allanngueqataarusuttumik kiisalu suliffiup iluani (fagligt), kalaallisuunngortillungu, ineriartortitsinermut peqataarusuttumik.
Suliassat ilaatigut tassaassapput:
·Meeqqanut, inuusuttunut angajoqqaanullu ataasiakkaanut aammalu eqimattanut katsorsaanermik ingerlatsineq
·Ilaqutariinnik katsorsaaneq angajoqqaanillu siunnersuineq
·Tarnip pissusaanik ilisimasalittut naliliinerit
·Katsorsaanermut pilersaarusiorneq uppernarsaasersuinerlu
·Suliamut tunngatillugu assigiinngitsunik suleqateqarneq oqartussaasunillu ataatsimiinnerni peqataaneq
·Suleqatigiit akornanni fagligt ineriartortitsinermut ilisimasanillu avitseqatigiinnermut peqataaneq
Suliassat immikkoortortaqarfimmi aqutsisoq sulisullu allat qanittumik suleqatigalugit ingerlanneqassapput.
Qinnuteqaatinut naatsorsuutigisat
Qinnuteqartoq:
·Tarnip pissusaanik ilisimasalittut ilinniarsimasuussapput (cand.psych.) ilamuunniit Tarnikkut katsorsaasutut akeruerisaasutut ilinniarsimasuussallutik
·Meeqqanik, inuusuttunik ilaqutariinnillu katsorsaanermik misilittagaqassaaq
·Aaqqissuussamik sulisinnaassaaq sulianilu pisariusuni tamakkiisumik isiginnissinnaalluni
·Suleqateqallaqqissuussaaq tatiginnilersitsisinnaallunilu
·Namminersorluni sulisinnaassaaq faglig-imillu akisussaassuseqarsinnaalluni
·Katsorsaanermik aammalu uppernarsaasersuinermik (assersuusiorluni)misilittagaqassaaq
·Eqqarsaatigalugit pisariusunik suliaqarnermi eqaatsumik ingerlaqqissinnaassaaq
·Inuit naapittassavai misiginneqataasinnaalluni, ataqqinnilluni aammalu inunnik isiginnittaaseq professionel tunngavigalugu
·IT-mik aammalu journalilersuinermik misilittagaqassaaq
·Kalaallisut danskisullu oqalussinnaaneq iluaqutaassaaq, piumasaqaataananili
Aammattaaq pingaartipparput:
·Aalajaatsuusoq pitsaassusermillu eqqummaarittoq
·Suliassanik amerlasuunik ataatsikkut aqutsisinnaasoq
·Allakkatigut oqaatsitigullu erseqqissumik attaveqartartoq
·Namminersorluni akisussaassuseqarlunilu sullissiumatuujusoq
·Suliassat allanngorarnerinut naleqqussarsinnaasoq
·Ulluni ulapiffiusuni aaqqissuussamik sulisinnaasoq
·Nukittooq suliniuteqartorlu
·Suleriutsitta ineriartortinneqarnissaanut pitsanngorsarneqarnissaanullu peqataasoq
·Annertuumik suleqateqallaqqissoq
Neqeroorutigaavut
Uatsinni suleqatigiit akornanni sullisseriaatsinut soqutiginninneq, toqqissisimasumik suliffik aammalu suliamut tunngatillugu pitsaassuseq ataatsimut ingerlanneqarput.
Atorfimmi ineriartornissat pingaartipparput, taamaattumillu neqeroorutigisinnaavagut:
·Suliffik isumaqarluartoq assigiinngisitaartorlu nammineq sunniuteqarfigisinnaasaq
·Suleqatigiit akornanni suleqatigiinneq ilisimasanillu avitseqatigiinneq pitsaasoq
·Ullormut aqutsisumit qanittumik suleqateqarneq,
·Sulinermut ilaatillugu ingerlaavartumik supervision
·Kursusinut pikkorissarnermullu periarfissat pitsaasut
·Kingusinnerusukkut ilinniaqqinnissamut periarfissaq
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami Aqutsisoq Kirsten Brandt Davidsen, oqarasuaat +299 36 73 38 imaluunniit e-mail: ks76kida@sermersooq.gl imaluunniit uunga: Tarnip pissusiinik ilisimasallit pisortaat Julie Ivalu Lyberth, tlf. +299 22 20 77 eller e-mail: ks35july@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 633-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: juulip 27.-at, 2026