Kommuneqarfik Sermersooq, nakkutilliinermi oqartussani sullissisumik pikkorissumik tunniusimasumillu sulisussarsiorput ulloq 01-09-2026 imaluunniit isumaqatigiissuteqarnikkut sulilertussamik.
Nuuk ineriartupiloorpoq, taamatullu aamma nakkutilliinermi suliassat aamma ineriartorput. Sanarfinermut Avatangiisinullu ingerlatsivik, Nakkutilliinermi oqartussani ilaatigut qamutit ilisarnaaserneqartarnerannut ilisarnaateqanngitsut (Biler uden nummerplader) nunaminertamik akuersissummik tunniussisarnerit, angallatinut aammalu container-inut taakkunanngalu nakkutilliineq suliarisarpaat.
Nakkutilliinermi immikkoortortaqarfik angallannermut nakkutilliinermullu immikkoortortaqarfiup ilaagaa, tassanilu nakkutilliinermi suliallit maannakkut pingasuupput. Atorfik inuttassarsiorneqartoq ulloq ilivitsoq suliffiuvoq immikkoortortamilu aqutsisoq qaninnertut pisortaralugu.
Atorfiup imarisaa:
Sullissinermik misilittagartuumik ujaasivugut sulianut soorlu makkunannga suliarinnissinnaassumik:
·Umiatsianut, qamutit ilisarnaaserneqartarneranut ilisarnaateqanngitsunut qinnuteqaatit aammalu container-it,
·Susassaqartumut tusarniaanerit taamatullu aalajangiiffigisassanik suliaqarneq
·Akuersissutit tunniunneqarsimasunik nakkutilliineq
·Biilinik, angallatinik container-inillu ujartuineq, taamatullu inatsisit naapertorlugu aammalu malittarissat malillugit saqqummiussilluni inuttassarsiuussineq
·Suliffik allaffissornikkut qinnuteqaatinik suliaqarnermik aammalu illoqarfimmi sulinermik imaqarpoq, taamatullu suliat ingerlatsivimmiit nammineerluni aallartinneqartut, suleriaaserlu suleqatigiit akornanni agguataarneqartarput
·Ingerlatsivimmi angallannermi nakkutilliinermilu immikkoortortaqarfimmi tapertaaneq
·Pisariaqartitsineq naapertorlugu suliakkiissutit
Suliassat immikkoortortap sulisui allat peqatigalugit, taamatullu ingerlatsiviup sulisui peqatigalugit naammassineqartarput, suliassallu amerliartornissaat piffissami aggersumi aamma naatsorsuutigineqarput.
Qinnuteqartunut naatsorsuutigaarput
·Susassaqarfiup iluani soorlu allaffissornikkut imaluunniit teknikkimut sammivilimmik ilinniagaqarsimassasutit
·Kalaallisut qallunaatullu allattariarsornikkut, taamatullu oqaluttariarsornikkut pitsaasumik piginnaasaqassasutit attaveqarsinnaanermut
·Innuttaasut peqatigalugit suliamut attuumassutilimmik toqqaannartumillu oqaloqatiginnissinnaassasutit
·Kissaatiginassaaq pisortat suliffeqarfiutaanni politikkikkut ingerlatsiviusumi sulinermik misilittagaqarnissat, taamatullu pisortat suliffeqarfiutaanni inatsisit atuuttut ilisimasaqarfiginissaat, tamannali piumasaqaataanngilaq ilinniartitsinneq pissammat
Siuliini taaneqartut saniatigut pingaartipparput
·Nammineersinnaassuseqarnissat taamatullu angusaqarusuttuullutit
·Aalajaatsuussaatit, pitsaassusermik tunniusserusuttoq, taamatullu suusinnaasunut malissaritsuunissat
·Inuttut nukittuujunissat taamatullu inissaqartitsinissaq
·Ingerlatsivik suliffeqarfillu akimorlugu ataatsimoorluni sulisinnaasoq eqqarsarsinnaasorlu
·Suliffimi avatangiisinilu ulapaarfiusinnaasumi allanngorarfiusumilu akuusinnaaneq inuppalaassuseqarluni ataatsimut kivitsisinnaaneq
·Sammivik annaangikkaluarlugu sulianik arlalinnik ingerlatsisinnaaneq
·Marluinnik oqaasilik – tassalu kalaallisut qallunaatullu piumaneruarput
·Qamutinik ingerlatsisinnaanermut allagartamik peqarfiusussami peqarnissaq, kisianni tamanna piumasaqaataanngilaq
Makkua neqeroorutigaagut
Suliffik ineriartornissamut periarfissalik, suliffeqarfillu allanngoriartorfiusoq aammalu ineriartortoq sunniuteqaqataaffigisinnaallugu. Sanarfinermi Avatangiisinullu Ingerlatsivimmi innuttaasut attaveqaqatigiinnikkut peqataatinnissaat anguniarparput suleqatigiillu nuannesumik ilorrisimaarnartumillu atugaqarnissaat pingaartillugu.
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami Aqutsisoq Vilhelm Lynge Hard, oqarasuaat +299 36 76 42 / +299 55 62 83 imaluunniit e-mail: ks41viha@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 637-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: juulip 28.-at, 2026