Majoriap ilisarnaatigaa matu ataaseq atorlugu suliffittaarnissamut ilinniagaqalernissamulluunniit siunertaqaraanni saaffissaanini, tassa innuttaasut suliffittaarnissaq ilinniagaqalernissarluunniit siunertaralugu siunnersorneqarusuttut Majoriamut saaffiginnissinnaapput. Taamaalilluni Majoriaq inuiaqatigiinni anguniagaasumut, sulisinnaasut piginnaasaasa qaffassarneqarnissaannut qitiulluinnarluni inissisimasuuvoq, taamaammat aamma pingaartipparput Majoriaq Ittoqqortoormiit tunniussimasumik, pikkorissumik akuulluartumillu pisortaqassasoq, Majoriami anguniagaasunik piviusunngortitsiniaqataallunilu kivitsisinnaasoq. Atorfininnissaq 1. september 2026 pissasoq kissaatigineqarpoq imaluunniit tamatuma kingorna piaarnerpaamik, qinnuteqartorli eqqortoq utaqqisinnaavarput, taamaammat aamma pingaaruteqarpoq qinnuteqarnermi innuttaasut piginnaasaannik ineriartortitseqataanissamut kajumissuseqarnerup ersinneqarsimanissaa.
Atorfik Kommuneqarfik Sermersuup Isumaginninnermut Suliffeqarnermullu Ingerlatsiviata ataani inissisimavoq, tassani Suliffeqarnermut Isumaginninnermullu sullissivimmi fagchefiusoq pingaarnertut aqutsisuuvoq.
Majoriaq Ittoqqortoormiini pisortaasup pingaarnertut akisussaaffigai suliassaqarfiit pingasunut aggulunneqaqqasut; suliffeqarneq aqqutissiuussinerlu, piginnaasanik qaffassaaneq (atuagarsornikkut atuagarsornertaqanngitsutigullu) kiisalu allaffissorneq/ingerlatsineq, tamatumani pisortaasup ulluinnarni atuuffigissallugu immikkoortortaqarfiit suliniutaannik ataqatigiisitsilluni kivitseqataaneq, aammalu minnerunngitsumik siunniunneqarsimasunik ineriartortitsinermi ingialluilluni ikorfartuinissaq.
Majoriami sulisut tamarmik naleqartitat tunngavigalugit sulisarput, taamaattumillu atorfiup qinnuteqarfigineqarnerani qinnuteqartut tamarmik naleqartitat makku malillugit sulerusussasut naatsorsuutigineqarpoq:
·Suliamut ilisimasaqarluarneq– fagimi pisinnaasaqarluarnissaq
·Inuiaqatigiinnut isiginnittaaseq– najukkami inuiaqatigiinnik paasinninnissinnaaneq
·Naammassinninneq – suliassat pitsaasumik naammassinnissinnaaneq
·Ataatsimut isiginnissinnaaneq – Majoriaq ataatsimut isiginnissinnaaneq
·Periusissiaq – anguniagassanik aalajangersaasinnaaneq
·Attaveqatigiinneq – oqaloqatigiinnissamut peqataasinnaaneq
·Ineriartorneq – inunnik, suleriaatsinik aammalu aaqqissuussaanermik ineriartortitsineq
·Siunnersuineq – suliassap pingaarnerup iluani piginnaasaqarluartumik sulineq
Majoriami aqutsisutut siuttuuffigalugu suliniuteqaqataaffigissavat sulisutit siulersugassatit peqatigalugit Kommunalbestyrelsemit periussissiarineqarsimasunik atuutilersitsinerit, inuusuttut inersimasullu sulilernissaminnut ilinniagaqalernissaminnullu piareersimalersinnissaannik kajumissuseqalersinniarnissaannillu siunertaqartut.
Atorfimmi suliassat:
·Majoriaq Ittoqqortoormiinik tunngaviusumik aqutsineq
·Ineriartornermik ingerlatsisoqarneranik, suleriutsit sinaakkuserneqarsimanerinik malinnittoqarneranik, kiisalu periusissiat malinneqartarnissaannik qulakkeerinninnissaq uterfiginnittarnerlu
·Immikkoortortani aqutsisuusut siunersiueqatigineqarsarnissaannik qulakkeerinninnissaq aammalu sulisut akornanni suleqatigiinnermik ineriartortitsiuarnissaq
·Sulisut piginnaasaannik qaffassaaqataanissaq
·Suliffeqarfiit attavigisartakkat, ilinniarfeqarfiit aamma kommunimi ingerlatsiviit suleqatiginerinik ineriartortitsinermi peqataanissaq
·Sulianik politikkikkut ataatsimiititaliamut saqqummiussassanik suliaqarnermi peqataanissaq
·Sulianik tassanngaannaq takkuttunik suliaqaqataasinnaassuseqarnissaq
Naatsorsuutigisat:
·Ilinniagaqarsimasuusutit aqutsinermillu misilittagaqartutit
·Ilinniartitaanermut suliffeqarnermullu tunngasuni inatsisinik ilisimasaqartutit
·Missingersuusiornermik naatsorsuusiornermillu ilisimasaqartutit
·Pitsaasumik angusaqarusuttuusutit sunniuteqarluarusuttuusutillu
·Pisuni qanoq ikkaluartuni malinnaasinnaasutit akerleriinnerillu aaqqiivigisinnaagitit
·Aallarnisaasinnaasutit isummersuisinnaallutillu
·Qanilaartumik, akuersaarinnittumik pitsaasumillu aqutseriaaseqartutit suleqatiginneriaaseqarlutillu
·Suliffeqarnermut tunngasutigut kissaatigisanik pisariaqartitanillu qulaajaanermut peqataasinnaasutit
· Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli
Neqeroorutigaavut:
Suliffik pissanganartoq unammillernartunillu suliassartalik, imarisassaanik nammineq sunniuteqarfigineqarsinnaasoq suliffeqarfimmilu angisuumi ineriartortinneqartuartumi allanngorartuartumilu annertuumik akisussaassuseqarfiusoq. Suliffimmut suliffeqarfimmullu iserluartinneqarnissaq pingaartipparput aamma aqutsisut qanimut immersoqatigiiffigalugit suleqatigilluartarnissaq kiisalu aallartitsinissamut nutaaliornissamullu inissaqartitsinissaq anguniartuarparput. Aqutsisutut ilinniagaqarnissamut periarfissaqassaaq.
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.
Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Fagchef-i Bea Mølgaard Lennert, oqarasuaat +299 36 81 35 imaluunniit e-mail: ks54bele@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 641-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: aggustip 12.-at, 2026