Suleqatigiit pitsaasumik naatsorsueriaasillit, qaffasissumik suliaqartartut minnerunngitsumillu kommunimi sulisunut pitsaasumik sullissisut aqutsisuuffigerusuppigit?
Aningaasaqarnermut nakkutilliivimmi immikkoortortami aqutsisutut aningaasaqarnermut siunnersortit suliatigut pikkorissut tallimat aqutsisuuffigissavatit, taakku Kommuneqarfik Sermersuumi pitsaasumik, sullisserusussuseqartumik aamma pitsaasumik naatsorsueriaaseqarnissamik qulakkeerinneqataassapput.
Atorfik pillugu:
Kommuneqarfik Sermersuumi inissisimaffimmut pingaarutilimmut tikilluarit - tassani oqaluukkuminartuuneq pingaartipparput, ikioqatigiittarpugut aamma ataatsimoorluta angusaqarnerusinnaanerput upperaarput. Taanna suliffiuinnanngilaq, tassani atorfik kisiat pinagu aammali inuttut ineriartornissamut inissaqarpoq - inuttut suliatigullu.
Massakkut suliassat pissanganartorpassuit suliassarivagut, tassani naatsorsuutitta aningaasaqarnerullu aqunneqarnerata pitsaassusianik qaffasinnerulersitsissaagut. Aaqqiissutit isumalluarfigisarpagut, tassani automatiserinngiinissamut aamma suliassanik suliarinnittarnernik pisariinnerulersitsinissamut periarfissat atorluartarpagut.
Suliassatit tamatigoortuussapput: Illuatungaatigut ulluinnarni ingerlatsineq qulakkeerneqarlunilu ingerlalluartuussaaq, aappaatigullu ingerlanneqartut nutaat ineriartortinneqarnissaat piffissaqarfigineqassapput ingerlatsivinni allani sulisut suleqatillu ikorfartorneqassallutik. Naatsumik oqaatigalugu – suliffik, suliassanik aqutsiffigisinnaasat allanngortitsinermullu peqataaffigisinnaasat siunnerfinnillu qulakkeerinneqataaffigisinnaasat.
Suliassatit pingaarnerit:
·Sulisunut aqutsisuuneq aamma aningaasaqarnermut siunnersortinik suliatigut siunersuineq, ikorfartuineq ilitsersuussinerlu
·Naatsorsuutini piffissalersukkanik qaammatikkaartumik matoorinermik qulakkeerinninneq
·Kukkunersiuinermi oqaaseqaateqarnermi suliaqarneq
·Ingerlatsivinni immikkoortunut siunersuisartutut/suliffiup iluani kukkunersiuisartutut atuuffeqarneq
·Automatiseringinik ajornaallisaanernillu ineriartortitsineq
Aqutsisussarsiorpugut imaattunik piginnaasalimmik:
Aqutsisinnaassuseqarnerit aamma sulisunnik kaammattuisinnaanerit atorfimmi uani illit iluatsitsinissanut apeqqutaapput. Illit aqutsisuuvutit suliatigut pitsaasunik aalajangiisartoq - aamma piffissaasuanermi - illillu aalajangiinivit sulisunut aamma ulluinnarni ingerlatsinermut qanoq sunniuteqarneri pillugit akisussaaffimmik tigusisoq.
Pissusissamisoortumik alapernaassuseqarnerpit, iliuuseqarusussuseqarnerpit aamma nuannersumik periuseqartarnerit nukissanitsitsisarpoq eqqannilu ataatsimuussusermik pilersitsilluni. Ulluinnarni ingerlatsinermik aamma ataatsimut takunnissinnaanermik piginnaaneqarputit, taamaalilluni suliassat suliarineqaannaratik pitsaassusit, sullissineq, ataatsimullu angusaqarusussuseq pilersinneqarluni. Tamakku tamaasa suliarisarpatit qungujulallutit - aamma kaffe nilloraluarpalluunniit, atortullu tassanngaannartumik piffissaliussamik malitassaqaraluartutit nutarterneqartussanngoraangata.
Akisussaassuseqartuuvutit aamma sulisut atugarissaarnissaat aamma ulluinnarni suliassat eqqumaffigivatit, immikkoortoqarfimmi tamanik takunnissinnaassuseqarluni suliatigullu ilisimasaqarluni tunniussisarnissaa qulakkeerlugu.
Suliatigut ima piginnaasaqassaatit:
·AX-prismemik annertuumik ilisimasaqarneq
·Naatsorsuuserinermut tunngasunik tunuliaqutaqarneq
·Naatsorsuutinik suliaqarnermik misilittagaqarneq
Ilinniakkatigut tunngasuni iluassagaluarpoq:
·Ukiuni arlalinni aqutsinermik misilittagaqarputit
·Pisortat suliffeqarfiutaanni sulinermik misilittagaqarputit
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli
Inuttut illit:
·Alapernaatsuuvutit iliuuseqarusuttorlu
·Akisussaassusilik aaqqissuussaasumillu sulisinnaasoq
·Ineriartortitsinermik siunnerfilik
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.
Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:
Aningaasaqarnermut pisortaq Hans Severin Berg, oqarasuaat +299 36 73 56 imaluunniit e-mail: ks87hase@sermersooq.gl.
Qinnuteqaat:
Qinnuteqaat qulequtserlugu Atorfiup ilisarnaataa 647-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: aggustip 3.-at, 2026