Meeqqanut toqqissisimanartumik ineriartortitsinermillu tapersersuisunik avatangiiseqartitsinissaq soqutigilluinnarpiuk? Taava immaqa illit ujartorpatsigit.
Inunnut isumaginninnermi ikiortinik, inunnik isumaginninnermi assistentinik aammalu perorsaanermi assistentinik ujartuivugut. Meeqqanik ataqqinnillutit, paasinnillutit aammalu pitsaasumik attaveqaqateqarlutit sulinissat pingaartipparput, kiisalu suleqatit peqatigalugit suleqatigiinnermut pitsaasumut peqataarusussasutit. Meeraateqarfik Maligiami pingaartipparput meeqqat toqqissisimasumik ineriartornissaat taamaammat illorsuarmi pingaartipparput pissutsit uteqattaartuunissaat, misigissutsit oqaasinngortinnissai, maluginiutit aammalu meeqqat nammineersinnaassusaat
Naatsorsuutigaarput:
·Perorsaanermut tunngasumik ilinniagaqarsimasutit
·Meeqqanik, angajoqqaanik suleqatinillu pitsaasunik toqqissisimanartunillu attaveqaqateqarsinnaasutit
·Akisussaassuseqartutit, aalajaatsuusutit tunniusimasutillu
·Namminersorlutit sulisinnaasutit aammalu suleqatigiinni suleqataalluartuusutit
·Meeqqat atugarissaarnissaannut, ineriartornissaannut ilikkagaqalernissaannullu pilersitseqataarusussasutit
·Suliffeqarfiup ineriartortinneqarneranut peqataarusussasutit
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli
Neqeroorutigaavut:
·Suliffik suleqatigiinnermik atugarissaarnermillu pingaartitsisoq
·Ilinniakkatigut inuttullu ineriartornissamut periarfissat pitsaasut
·Suleqatit tunniusimasut suliassallu pingaarnerit pillugit ataatsimoorlutik sulisartut
·Ullut suliffiusut assigiinngiiaartut pissanganartullu, meeqqallu pisariaqartitaat qitiutillugit ingerlanneqartut
Meeqqat inuuneranni pitsaasumik allanngueqataarusuttuuit aammalu ullut tamaasa toqqissisimanartumik ineriartortitsiviusumillu avatangiiseqartitserusuttunik sulisussarsiorpugut.
Upperaarput sulisut nuannaartut meeqqanik nuannaartunik pilersitsisartut. Taamaammat kissaatigaarput suliffeqarfik pilersissallugu toqqissisimanartoq, akuersaartoq, ilinniakkatigut alapernaaqatigiinneq aammalu qanilaarneq – soorlu aamma meeqqat taamatut naapikkusukkigut.
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:
Aqutsisoq Aviaja Dalager, oqarasuaat +299 36 64 80 imaluunniit e-mail: ks28avda@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 651-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: aggustip 3.-at, 2026