Takorloorpiuk ataqatigiissaakkamik suliniutinut aqutsisuunissaq, pinngortitami inuuneq, ilisimasassartiorneq, issittumi inuusuttut ineriartortissallugit.
Kommuneqarfik Sermersooq pissarsiorpoq tunniusimsumik kiisalu sulilluarsinnaasumik, immikkut ittumik siunnersortsimik / suliniutinut aqutsisussamik, kiisalu ineriartortsinermut siuttussamik, kiisalu ingerlatsisussamik The Polar Academy Greenland aamma Mountain Leader Tasiilami suliniutaanut.
Una immikkut ittumik periarfissaavoq pimoorullugu ineriartortitsinermut suliniummut peqataalernissat, tassani pinngortitaq ilinniarfiulluni, kiisalu periarfissinneqassaatit Tasiilami inuututtsunut, Tunumimilu innuttaasunut allannguutaasumik suliniuteqarnissat.
Suliniutit:
The Polar Academy Greenland ineriartortsitsinermut suliniummut immikkut ittumik aqqutissiuusisuuvoq, pinngortitami inuuneq aqqutigalugu, ilisimassarsiorneq kiisalu nukittuumik ataqatigiinneq siunertaralugu inuusuttut tarnikkut nukittorsarneqassapput, innuttaaqataasutut kiisalu timikkut atugarissaarnerulernissaat. Suliniut tunngaveqarpoq The Polar Academy Skotlandimi ilisimasaat tunngavigalugit kiisalu ineriartortinneqarluni innuttaasut kisalu nunat tamalaaneersut suleqatigalugit.
Montain Leader ineriatorneq tunngavigalugu siunissami silami periutsit (outdoor) ilinniarneqassasut, siunissami angallassisussatut, pingaartillugu isumannaassuseq, pinngortisamik paasinninnerulernissaq, aqutsisinnaasutut kiisalu piviuvartitsinissaq ineriartortinneqassalluni.
Atorfik pillugu:
Immikkut ittumik siunnersortitut qitiusumik suliniutinut ingerlatsisuussuutit. Akisussaaffigissavat ulluinnarni ataqatigiissaarineq, silatusaarluni ineriartortitsineq kiisalu sammisanik, ilinniartitsinermik, ilisimasassarsiornernut ingerlattisutut.
Atorfiup assigiinnitsut imarivai, suliniummut aqutsisuuneq, allaffissorneq, ilinniartsitsineq, outdoor-imi inuuneq kiisalu allatut aamma suliaqarneq. Tasiilami Sunngiffimmi, Kulturikkut sammisaqartittinermi immikkoortortamut atalissaatit, suleqatigalugit innuttaasut suliniuteqartut, piumassutsimmik sulisut, kiisalu nunat tamalaani suleqatit.
Pingaarnerusumik suliassatit.
·Pilersaarusiorneq, ataqatigiissaarineq kiisalu The Polar Academy Greenland aamma Montain Leader ineriartortissallugu
·Qulakkiissavat suliniutit ulluinnarni ingerlannissaat, kiisalu siumut isigaluni ineriartortittinissaq pitsaasumik ingerlatissallugu
·Outdoor, ilisimasassarsiornerit, ilinniartitsinerit, pilersaarusiussallugit kiisalu ingerlatissallugit
·Sammisassat pilersaarutit, ukioq naallugu pilersaarutit, suliarissallugu kiisalu atugassat ataqatigiissaarlugit
·Isumannaassuseq qaffasissoq isumannaassallugu, pisoqariataarnissaa nalersussallugu kiisalu piareersimanissaq pilersaarusiussallugu
·Peqtaassasutit aningaasat atugassat misissortarnissaat, allagartanik upperenarsaasiorneq kiisalu nalilersuineq
·Ilinniartitsinermi atugassat inerartorsissallugit kiisalu ilinniartitsinermi periutsit
·Innuttaasunik, nunaqqatitsinnik, nunanilu tamalaani suleqateqarneq
·Peqataassasutit pisinnaasanik ineriartotsinermi,isumannaatsumik suliniliutit pitsaasumik ingerlannissaat
Illit ujartorpatsigit:
·Tassunga tunngasumik qaffisissumik ilinniagaqarsimanissat, imaluunniit assigusumik misilittaqarnissat, pinngortitami inuuniarneq, outdoor education, inulerisoq, timersorneq kiisalu suliniutinut aqutsisuusinnaaneq
·Pilersaarusiorneq, kiisalu ingerlatsineq, pinngortitami pisuttartarnernut, pinngortitaq ilinnarfigalugu
·Isumannaallisaanermut kiisalu pisoqariataarnissaq nalilersuinermut annertuumik piginnaasaqarnerit
·Ilinniartitsinernut misilittagaqarneq, kiiisalu assigusumik suliaqarsinnaaneq – piumanarpoq inuusuttunut tunngasumik
·Aaqqissuussamik sulisinnaaneq kiisalu akisussaaffimmik tigusisinnaaneq
·Piorsassimassuseq, ilinniakkallu akimorlugit suleqatigiissinnaaneq
·Ataatsimut isiginnissinnaaneq atorlugu ersarissumik aqutsisinnaaneq
Imatut neqerooruteqarpugut:
·Immikkuullarissumik inerisaanermik sunniuteqarsinnaaneq, nunatsinni immikkut suliniummut
·The Polar Academi kiisalu Mountain Leader ineriartorneranut sunniuteqataassasutit
·Innuttaasunut, nunatsinni kiisalu nunat tamat suleqatigalugit suleqataanissaq
·Suliffik, ullut assigiiginnangittut
·Pitsaasumik periarfissaq, ilisimasat, inuttullu ineriartornissamut
·Suliffik immikkuularissoq, Tunumi pinngortitarsuarmi, kiisalu piorsarsimassuseq
Atorfik tamakkiisumik suliffiussaaq, aaqqissuussaneq malillugu Piorsarsimassuseq – Sunngiffimmilu, Kommuneqarfik Sermersooq, ataaniissalluni.
Naatsorsuutigineqassooq piffissat suliffiit nikerartarnissaat, unnukkut- sapaatit akunneri naanerinni, kiisalu angalasarnissat naatsorsuutigineqassapput.
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.
Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:
Sunngiffimmi piorsarsimaffimmilu Immikkoortortami aqutsisoq Magnus Kristiansen, oqarasuaat +299 36 77 99 imaluunniit e-mail: ks12makr@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 655-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: juulip 26.-at, 2026