Kommuneqarfik Sermersuumi Susassaqartitsinermut Kultureqarnermullu immikkoortortaq Aaqqissuussanut Suliniutinullu ataqatigiissaarisussamik pikkorissumik tunniusimasumillu pissarsiorpoq.
Kommuneqarfik Sermersuumi kulturikkut susassaqartitsinikkullu aaqqissuussat annersaasa ilaat pilersitseqataaffigerusuppigit?
Kommune tamakkerlugu aaqqissuussanik innuttaasunik katersuutsitsiffiusunik pilersaarusiorsinnaasumik, ataqatigiissaarisinnaasumik naammassinnissinnaasumillu Aaqqissuussanut Suliniutinullu ataqatigiissaarisussamik kajumissuseqarluartumik namminersorlunilu sulisinnaasumik pissarsiorpugut. Kommunip aaqqissuussarpassui inerisaaqataaffigisarlugit suleqataaffigisarlugillu Kultureqarnermut Susassaqartitsinermullu immikkoortortami qitiusumik suliaqartunut ilaalissaatit.
Immikkoortortatsinni kulturimik, susassaqartitsinermik, peqatigiiffilerinermik, eqqumiitsuliornermik, festivalinik suliniutinillu inerisaanermut tunngasunik kajumissuseqarluarluta suleqatigiit quliuvugut. Suliassatta ilaat tassaapput Suialaa Arts Festival, Kulturimut isumassarsiorfik Allunnguaq, tapiissutinut aaqqissuussat, sunngiffimmi atuartitsineq kiisalu aaqqissuussarpaaluit innuttaasunut sammitinneqartut. Taakku saniatigut suliffeqarfiit kulturimik sunngiffimmillu suliaqartorpaaluit immikkoortortamit akisussaaffigineqarput.
Immikkoortortami kommune tamakkerlugu eqqumiitsuliornikkut, kulturilerinikkut sunngiffimmilu sammisassaqartitsinikkut kulturilerinermik ataatsimoortunillu siuarsaaviusumi suleqataalissaatit.
Uagut pilluta paasissutissat amerlanerusut uani takusinnaavatit: Kultur – Kommuneqarfik Sermersooq www.suialaa.gl aamma https://kulturrygsaekken.gl/da
Atorfiup imarai:
Aaqqissuussanut Suliniutinullu ataqatigiissaarisussamik – ajornanngippat misilittagaqarluartumik – ulluinnarnilu sulinermik aamma suliassaalunnik uku ataanni suliaqartussamik pissarsiorpugut:
·Inuiattut Ullorsiorneq
·Illoqarfiup orpiata ikinneqarnera
·Aasarpalaaq Festival
·Atoqqaarfissiornerit, ullunik malunnartitsinerit kulturikkullu aaqqissuussat allat
Tamakkua saniatigut suliassatit makkuussapput:
·Aqutsisoqarfiup Allatseqarfia qanimut suleqatigalugu kommunimi aaqqissuussinerit annertuut pilersaarusiorneqarnerinut ingerlannerinullu peqataaneq, aaqqissuussinermut ataasiakkaanut atatillugu akisussaaffiit suliassallu agguataarneqarnerat isumaqatigiissutigineqartassalluni
·Aaqqissuussat unnukkut akunnerillu naanerini pikkajuttartutut naatsorsuutigisariaqakkat pilersaarusiorneri, ingerlattarneri nalilersuiffigisarnerilu
·Aaqqissuussatut pisartut anginerit suliniuteqarfiginerisa aqunneqarneri ataqatigiissarnerilu
·Missingersuusiorneq aningaasaqarnermillu malinnaatitsineq
·Peqatigiiffinnik, kulturilerisunik, kajumissutsimik suliaqartunik, pisiortorfigisanik allanillu suleqatigisartakkanik suleqateqarneq
·Kommunimi kulturikkut suliniutinik festivalinillu, matumani Suialaa Arts Festival ilanngullugu, siuarsaaqataaneq
·Eqqumiitsuliortunik, suliffeqarfinnik kulturimik ingerlataqartunik kajumissutsimillu suliaqartunik suleqateqarneq
·Assartuussinernik, isumannaallisaanernik allanillu assaat atorlugit suliassanik ataqatigiissaarineq
·Kultureqarnermut susassaqartitsinermullu suliassaqarfimmi aaqqissuussanik suliniutinillu nutaanik siuarsaaqataaneq
·Suliassat takkussuuttut
Kultureqarnermut Susassaqartitsinermullu immikkoortortami sulisut allat kiisalu kommunimi immikkoortortat allat, peqatigiiffiit, kulturilerisut, kajumissutsiminnik suliaqartut, eqqumiitsuliortut suliffiullu avataani suleqatigisartakkat qanimut suleqatigalugit suliassat suliarineqartassapput.
Naatsorsuutigaarput:
·Aaqqissuussanut, kultureqarnermut, allaffissornermut, suliniutinik aqutsinermut, attaveqaqatigiinnermut assigisaannulluunniit tunngasumik naleqquttumik ilinniagaqartutit – imaluunniit misilittagaqarnikkut assingusunik piginnaasaqalersimassasutit
·Aaqqissuussanik, suliniutinik sammisassanilluunniit anginerusunik pilersaarusiornermik, ataqatigiissaarinermik ingerlatsisarnermillu misilittagaqartutit
·Kattuffiit, oqartussaaffeqarfiit, peqatigiiffiit suliffiulluunniit avataani suleqatigisartakkat assigiinngitsut suleqatigisarnerinik misilittagaqartutit
·Pilersaarusiornermut suliniutinillu aqutsinermut piginnaasaqarluartutit aamma aaqqissuussamik malinnaasinnaallutillu sulisinnaasutit
·Missingersuusiornermik aningaasaqarnikkullu malinnaatitsinermik misilittagaqartutit
·Oqaatsitigut allattariarsornikkullu sulisutut attaveqaateqarsinnaasutit
·Kultureqarnermut, susassaqartitsinermut aaqqissuussanulluunniit suliassaqarfimmik ilisimaarinninnissaq pitsaaqutaassaaq piumasaqaataananili
Tamatuma saniatigut pingaartipparput, illit:
·Iliuuseqaqqaarusussuseqassasutit suliannullu akisussaassuseqarlutit
·Aaqqissuussaasumik sulisinnaasutit malinnaalluarsinnaallutillu – aamma suliniuterpaaluit ataatsikkut suliarinerini
·Sunniuteqarsinnaasutit suliniummillu isumassarsiarineraniit naammassinissaanut ingerlatsisinnaallutit
·Suleqatiginnillaqqissuussasutit assigiinngitsorpassuarnillu suleqateqarneq nalerisimanartittassagit, matumani peqatigiiffiit, eqqumiitsuliortut, kajumissutsimik suliaqartut suleqatillu ilanngullugit
·Oqalunnikkut allattariarsornikkullu paasinartumik paatsuugassaanngitsumillu attaveqarsinnaasutit
·Pitsaassutsimik ilisimaarinnilluartuusutit annikitsualunnullu pikkoriffeqartutit
·Ulluinnarni pilersaarutinik allanngorarfiusinnaasut naleqqussarfigalugillu nalerisimanarigitit
·Aaqqeerusussuseqartuussasutit killilersuutillu pinnagit periarfissanik takunnissinnaassasutit
·Kultureqarnermut Sammisassaqartitsinermullu immikkoortortami suliarineqartartunik aaqqissuunneqartartunillu eqinnaatsumik siuarsaaqataassasutit
·Eqqumiitsuliornermut, kultureqarnermut susassaqartitsinermullu suliassaqarfimmik soqutigisaqartuussasutit
Neqeroorutigaavut:
·Atorfik namminersorfiungaatsiartortalik pissanganartoq tamatigoortorlu
·Kommunimi kulturilerinerup sammisassaqartitsinerullu iluanni sunniuteqarnissamut periarfissalik
·Suliffeqarfik kiffaanngissuseqarfiungaatsiartoq, aalajangiisinnaassuseqartunik qaninnerusumik suliffiusartoq suliassallu nammineq sunniuteqarfiginissaannut periarfissiisoq
·Suleqatigiit kajumissuseqarluartut suleqatigiinnikkut attaveqarluartut
·Ullut suliffiit allanngorangaatsiartartut, sapaatit akunneri assigiinngitsuujuaannarlutik
·Piginnaasatigut inuttullu ineriartornissamut periarfissaqarneq
Pineqaatissinneqarsimannginnermut aamma meeqqanik innarliisimannginnermut uppernarsaatit:
Atorfik una meeqqanik innarliisimannginnermut aamma pineqaatissinneqarsimannginnermut uppernarsaatinik pissarsinissamut piumasaqaateqarfiuvoq. Inatsit naapertorlugu kommune meeqqanik pinerliisimannginnermut aamma pineqaatissinneqarsimannginnermut uppernarsaatinik naammaginartutut isigineqartunik pissarsereerpat atorfinitsitsiniarneq aallartinneqarsinnaavoq. Taamaattumik maluginiaqquarput, atorfinitsitsineq aatsaat isumaqatigiissutigineqarsinnaammat kommune rigspolitiinit pineqaatissinneqarsimannginnermut aamma Politiinit meeqqanik innarliisimannginnermut uppernarsaatinik tigusaqarpat.
Meeqqanik innarliisimannginnermut uppernarsaat kommunimit pissarsiarineqassaaq qinnuteqartup akuersissuteqarneratigut, pineqaatissinneqarsimannginnermullu uppernarsaat nammineerluni Politiinit pissarsiarineqassaaq.
Akissarsiatigut atorfinitsitsinermilu atugassarititaasut:
Akissarsianut aamma atorfininnermi atugassarititaasunut tunngatillugu Naalakkersuisunik isumaqatigiissutit atuuttut malinneqassapput, piffissami atorfiniffiusumi Naalakkersuisut kattuffiullu isumaqatiginninniarsinnaatitaasup akornanni isumaqatigiissutit atuuttut naapertorlugit.
Qaammatini pingasuni misiliummik atorfinitsitsisoqassaaq.
Ineqarneq:
Atorfimmut atatillugu inimik innersuussisoqarsinnaanngilaq.
Paasissutissat annertunerusut uannga pissarsiarineqarsinnaapput:
Atorfik soqutigigukku atorfimmut tassungalu tunngasunik suliassanik itinerusumik paasisaqarusukkuit Immikkoortortami aqutsisumut Jonas L. Nilssonimut saaffiginnissinnaavutit, oqarasuaat +299 28 83 40 imaluunniit e-mail: ks97jolu@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 659-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqassaatit:
Qinnuteqaatit elektroniskimik nassiunneqassapput, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpavut, qinnuteqaatit sulisussarsiorneq aqqutigalugu nassiunneqarnissaat inussiarnersumik piumasarineqarpoq.
Qinnuteqarnissamut killissarititaasoq: aggustip 6.-at, 2026