Allaffissorneq, aningaasaqarneq aaqqissugaanerlu nalunngilluarpigit - inuppassuillu ulluinnaat ingerlalluarnissaat anguniassallugu kajumissuseqalersittarpaatit? Taamaappat illiuvutit Meeqqanut Atuarfeqarnermullu Ingerlatsivimmi Stabenimi kontorfuldmægtigitut atorfissaqartitarput.
Uatsinni kommuneqarfiup ulluunerani neqeroorutaannut, atuarfinnut sunngiffimmilu sammisassaqartitsinermi neqeroorutinut pingaarutilittut inissisimalissaatit. Sulininni allaffissornerit naammassilluartarnissaannut qulakkeerinneqataasassaatit, taamaalilluni suliassaqarfitsinni pingaarnerpaat - meeqqat ilikkariartortarnerat, ineriartornerat atugarissaarnissaallu ukkatarineqarniassammata.
Meeqqanut Atuarfeqarnermullu Ingerlatsiviup ataaniipput Atuarfeqarnermut immikkoortortaq, tassani ilaallutik Meeqqanik Inuusuttunillu Siunnersuisarfik (MISI), Ulluunerani Neqeroorutinut immikkoortortaq, Sammisassaqartitsinermut Kultureqarnermullu immikkoortortaq, Ineriartortitsinermut, Peqqinnermik Siuarsaanermut Pitsaaliuinermullu immikkoortortaq kiisalu Stabi. Stabimi aningaasaqarneq akisussaaffigineqarpoq, tassunga ilaallutik aningaasaqarnermut missingersuusiornermullu tunngasunik, politikkikkut oqaluuserisassanik saqqummiussaliorneq, suliniutinik ataqatigiissaarineq, pisariaqartinneqartunik misissuinissamut suliaqarneq il.il. Ingerlatsivimmi immikkoortortaqarfiit tamakkerlugit immikkoortortaqarfimmit ikiorneqartarput, allaffissorneq missingersuutillu eqqarsaatigalugit. Ingerlatsivimmi kontorfuldmægtigitut stabimi atorfilittanut ilaassaatit, ingerlatsivimmi suliassaqarfiit assigiinngitsut akornanni suliassanik ingerlatseqataallutit.
Immikkoortortami aningaasaqarnermut tunngasunik suliaqartut marluk, AC-fuldmægtigit sisamat, ilinniartuunermi saniatigut ikiortitut sulisoq ataaseq, meeqqanut inuusuttuaqqanullu tulleriissaarisartut stabschefilu sulisuupput.
Atorfik piffissaq suliffiusussaq tamakkerlugu suliffiuvoq, stabschefi qaninnertut qullersarineqarluni.
Atorfiup imarai:
Kontorfuldmægtigimik pissarsiorpugut suliassanik arlalinnik isumaginnissinnaasoq, taakkununnga ilanngullugit:
·Akiligassanik kontolersuineq
·Immikkoortortap atuinermut missingersuutaanik nakkutiginninneq
·Meeqqerivinnut namminersortunut qaammatit pingasukkaartumik tapiissutinik tunniussisarneq
·Angalanissamut billetsinik inniminniineq
·Allagaataasivik
·Nioqqutissanik kiisalu allaffimmi atortunik inniminniineq
·Ingerlatsivimmi immikkoortut assigiinngitsut akornanni suliassanik takkussuuttunik suliaqarneq
Tamatuma saniatigut sulisut sinneri taakkulu ataani suliallit suleqatigalugit aaqqissuinermik allaffissornikkullu suliassanik ineriartortitsinermik suliaqaqataaneq.
Namminersorlutit sulissaatit, ingerlatsivimmili kikkulluunniit aamma qanimut suleqatigisassallugit. Taamaattumik suleqatiginnillaqqissuunissat attaveqaqatiginnilluarsinnaassuseqarnissallu pingaaruteqarpoq.
Qinnuteqartunut naatsorsuutigisat:
∙Allaffissornermut tunngasumik ilinniagaqarsimanissaq
∙Aningaasaqarnermik paasisimasaqarneq
∙Qarasaasiarsornermut Excelimillu nalinginnaasumik atuinissamik ilisimasaqarneq
∙AX/PRISME-mik ilisimasaqarnissaq iluaqutaassaaq
Pingaartipparputtaaq:
Inuttut piginnaasat:
∙Aalajaatsuuneq, pitsaassutsimik ilisimasaqarluarneq immikkuualuttunillu maluginiaasinnaaneq
∙Akuersaartuuneq, ilikkagaqarusussuseqarneq ineriartorusussuseqarnerlu
∙Nammineerluni sulisinnaaneq, akisussaassuseqarneq sullissiumatunerlu
∙Sulianut atatillugu suliallu agguaanneqartarnerannut aaqqiissuteqartuarsinnaanermut
eqaatsuuneq
∙Ulloq ulapaarfiugaluarpalluunniit ukkatarinnilluarsinnaaneq ataqatigiissitsilluarsinnaanerlu
∙Tatituujuneq, namminersorluni aallarniiniartarneq, nukissaqarluarneq iliuuseqarsinnaassuseqarneq
∙Suliassatta naammassineqarnissaannut ineriartortitseqataanermut pitsanngorsaanermullu peqataaneq
∙Siammasissumik suleqateqarluarsinnaaneq
∙Marluinnik oqaaseqartuuneq, kalaallisut qallunaatullu, iluaqutaassaaq tamannali piumasaqaataanngilaq.
Neqeroorutigaavut:
Suliffik unammilligassaqarfiusoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq aqutsisut peqatigilluinnarlugit suleqatigiilluarnerup attattuarnissaa kiisalu pilersitsisinnaaneq nutaaliorsinnaanerlu inissaqartittuarlugit.
Pineqaatissinneqarsimannginnermut aamma meeqqanik innarliisimannginnermut uppernarsaatit:
Pinerluuteqarsimannginnermut meeqqanillu innarliisimannginnermut uppernarsaatit piumasarineqarput. Inatsit naapertorlugu kommune meeqqanik innarliisimannginnermut aamma pineqaatissinneqarsimannginnermut uppernarsaatinik naammaginartutut isigineqartunik pissarsereerpat atorfinitsitsiniarneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik innarliisimannginnermut uppernarsaat Rigspolitiinit, aammalu pineqaatissinneqarsimannginnermut uppernarsaat Politiinit pissarsiarippagit aatsaat atorfininnissaq isumaqatigiissutigineqassammat.
Meeqqanik innarliisimannginnermut uppernarsaat kommunimit pissarsiarineqassaaq qinnuteqartup akuersineratigut, pineqaatissinneqarsimannginnermullu uppernarsaat nammineerluni Politiinit pissarsiarineqassaaq.
Akissarsiatigut atorfinitsitsinermilu atugassarititaasut:
Akissarsianut aamma atorfininnermi atugassarititaasunut tunngatillugu Naalakkersuisunik isumaqatigiissutit atuuttut malinneqassapput, piffissami atorfiniffiusumi Naalakkersuisut kattuffiullu isumaqatiginninniarsinnaatitaasup akornanni isumaqatigiissutit atuuttut naapertorlugit.
Atorfinitsitsinermi qaammatit pingasut misiligutaassapput.
Ineqarneq:
Atorfimmut atatillugu inimik innersuussisoqarsinnaanngilaq
Paasissutissat annertunerusut uannga pissarsiarineqarsinnaapput:
Atorfik ilinnit soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:
Stabschef Charlotte Bech, oqarasuaat +299 367321 imaluunniit e-mail: ks45chbe@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 666-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqassaatit:
Qinnuteqaatit elektroniskimik nassiunneqassapput, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpavut, qinnuteqaatit sulisussarsiorneq aqqutigalugu nassiunneqarnissaat inussiarnersumik piumasarineqarpoq.
Qinnuteqarnissamut killissarititaasoq: aggustip 7.-at, 2026