Tasiilami susassaqartitsinermi peqatigiiffinnullu ataqatigiissaarisoq/siunnersorti peqatigiiffiit, kajumissutsimik suliaqarneq siuarsaanerlu qitiutillugit
Tasiilami nunaqarfiinilu susassaqartitsineq peqatigiiffilerinerlu nukittorsaaqataaffigerusuppigit?
Tasiilami Susassaqartitsisut Kulturilerisullu sammisassaqartitsinermi timersornermilu suleqatigiinnermik, kajumissutsimik suliaqarnermik siuarsaanermillu suleqataarusuttumik, kajumissuseqartumik namminersorsinnaasumillu pissarsiorput.
Kommunip aamma Tasiilami, Kulusumi, Kuummiini, Isertumi, Tiilerilaami Sermiligaamilu peqatigiiffiit akornanni attaveqatigiilluarnissaq suleqatigiilluarnissarlu anguniarlugit atorfik qitiusutut inissisimavoq.
Suleqatigiligassarput ujartuinermik, ersarissuunermik attaveqarluarnermillu piginnaasaqassaaq peqatigiiffiillu sulinerannik siuarsaanerannillu tapersersuerusuttuussalluni.
Atorfik nikerartumik suliffiuvoq allatulli 8-16-imut suliffiunani. Piffissaq suliffiusoq piffissani aalajangersimasuni sammisanut, aaqqissuussanut aamma peqatigiiffinnik kajumissutsimillu suliaqartunik suleqateqarnermut naleqqussagaassaaq.
Suliassat:
Atorfeqartitaanermi ilaatigut pineqarput:
∙Kommunip peqatigiiffiillu akornanni attaveqarnermik pilersitsineq attassiinnartarnerlu
∙Ujartuilluni sulineq aamma Tasiilami nunaqarfiinilu peqatigiiffinnik ataavartumik oqaloqateqartarneq
∙Nunaqarfinnut angalaneq nalinginnaasumik suliffimmut ilaatinneqarpoq
∙Peqatigiiffinnik siunnersuineq siunersiueqatigiinnerlu
∙Peqatigiiffimmik ingerlatsinissamut piumasaqaatinik najoqqutassanillu ilitsersuineq
∙Qinnuteqaatinut, missingersuusiornernut tapiissutinullu ikiuineq
∙Malittarisassat atuuttut malillugit tapiissuteqartarnermut aaqqiissutinik aqutsineq
∙Naatsorsuutinik, allagaatinik peqatigiiffinnullu paasissutissanik malitseqartitsineq
∙Sunngiffimmi atuartitsinermut sulisunullu attaveqarnermut ataqatigiissaarineq
∙Pikkorissarnerit isumasioqatigiinnerillu pilersaarusiorneri ingerlannerilu
∙Tasiilami nunaqarfiinilu kajumissutsimik sulinerup peqatigiiffilerinerullu siuarsaavigineqarneri
∙Allaffissornikkut suliassat, matumani naatsorsuutinut nalunaarsuineq akissarsianillu nalunaarsuineq
∙Facebookikkut saqqummiussineq aamma aaqqissuussanik sammisassanillu ingerlatitseqqiisarneq
∙Susassaqartitsisut Kulturilerisullu siunersiueqatigisarlugit
∙Suliassat takkussuuttut assigiinngitsut
Tamatuma saniatigut aaqqissuussat suliniutillu assigiinngitsut pilersaarusiorneqarneri ingerlanneqarnerilu sulisumit peqataaffigineqartassapput, matumani assersuutigalugu:
∙Nuannaffik
∙Meeqqat Ulluat
∙Inuiattut Ullorsiorneq
∙Maajimi peqqissuusa
∙Tas Factor
∙Timersornerup ullua aamma Kunngit Pingasut Ulluanni aaqqissuussineq
∙Ukioq Naagujooq
Naatsorsuutigaarput, illit:
∙Kalaallisut oqaaseqartuusutit
∙Nammineerlutit sulisinnaasutit akisussaaffimmillu tigumminnissinnaallutit
∙Ulluni suliffiusuni nikerartuni naleqqussarsinnaasutit
∙Suleqatigiillaqqissoq aammalu attaveqatigiinnermik qanilaarfiusumik pilersitsillaqqissoq
∙Peqatigiiffilerinermik, kajumissutsimik sulisunik najukkamilu siuarsaanermik soqutigisaqartutit
∙Allaffissornikkut piginnaasaqartutit aaqqissuussaasumillu sulisinnaasutit
∙Peqatigiiffiit allaffissornerup aaqqissuussaanerullu tungaatigut ilitsersorlugillu tapersersorsinnaagitit
∙Danskisut aamma/imaluunniit tuluttut oqaaseqarnissat iluaqutaassaqaaq piumasaqaataanngilarli.
Neqeroorutigaavut:
∙Atorfik akisussaassuseqarluni kiffaanngissuseqarfiusoq pissanganartoq isumaqarluartorlu
∙Suliassaqarfik tamakkerlugu sammisassaqartitsinermi peqatigiiffilerinermilu allanngueqataanissamut periarfissaqarneq
∙Suliffeqarfik qanimut suleqatigiiffiusoq, siuarsaasoq kajumissuseqarluartorlu
∙Ulluinnarni allaffissornermik, suliassanik pisarialinnik siuarsaanermullu tunngasunik suliassaqarfiusoq
∙Peqatigiiffinnik, kajumissutsimik suliaqartunik najukkamilu innuttaasunik qanimut attaveqarneq
∙Maleruagassat atuuttut naapertorlugit inissaqartitsisoqarsinnaavoq
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.
Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:
Immikkoortortami aqutsisoq Magnus Kristiansen, oqarasuaat +299 36 77 99 imaluunniit e-mail: ks12makr@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 673-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: aggustip 10.-at, 2026