Ulluunerani neqeroorutini fagchefissarsiorneq – Kommuneqarfik Sermersuumi ulluunerani neqerooruteqartut siunissaannik pitsanngorsaaqataagit
Ulloq sulilerfissaq 1. oktobari 2026 isumaqatigiissuteqarnikkulluunniit
Kommuneqarfik Sermersooq Ulluunerani neqeroorutinut immikkoortortaanut Fagchefimik ineriartortitseqataarusuttumik pissarsiorpoq.
Kalaallit Nunatsinni atugarissaarnermut suliassaqarfiit pingaarnersaasa ilaannik ineriartortitsinermut siuttoorusuppit?
Kommuneqarfik Sermersuumi Ulluunerani neqeroorutinut suliassaqarfik pingaarutilimmik ineriartortinneqaleruttorfimmiippoq. Pitsaassuseq, piujuartitsineq aamma pilerinartunik suliffeqarfeqarneq qitiutillugit ulluunerani neqeroorutinut suliassaqarfimmik siunnerfiliisinnaasumik, aqutsinikkut nukittorsaasinnaasumik ineriartortitsisinnaasumillu fagchefissarsiorpugut. Suliassaqarfimmi suliffeqarfiit illutaasalu meeqqat, ilaqutariit sulisullu ullut tamaasa najortagaasa ineriartortinnissaannut annertuumik sunniuteqarlutit qitiusumik aqutsisuuffigilissavatit.
Ulluunerani neqeroorutinut suliassaqarfik kajumissuseqarluartunik aqutsisoqarlunilu sulisoqarpoq kiisalu ineriartortitsinissamut periarfissaqarluarpoq. Kommunit allat assigalugit sulisunik piukkunnaatilinnik atorfinitsitsiniarneq attassiinnarnerlu suliassaqarfimmik aaqqissueriaatsitsinnut, isumaginneriaatsitsinnut inerisaariaatsitsinnullu nutaanik piumasaqaatitaqartoq misigaarput. Taamaattumik aqutsinermut najoqqutassat nukittorsaaviginissaannut, aaqqiissutinik atajuartussanik qulakkeerinissamut ulluuneranilu neqeroorutaatitsinni suliatigut qaffasissumik pitsaassuseqarnissamut pitsaanerpaamik tunngavissaqalernissamut qitiusumik atuuffeqassaatit.
Aqutsisutut atorfik piviusumik sunniuteqarfik
Ulluunerani neqeroorutinut Fagchefitut Meeqqanut Atuarfeqarnermullu Ingerlatsivimmi qitiusumik aaqqissuussaanermi aqutsisuulissaatit kiisalu suliassaqarfimmi anguniagaqarluarfiusumi politikkikkullu annertuumik sammineqartartumi aqutsisut ilaattut peqataalissallutit. Sulinitsinni suleqatigiinneq, ineriartortitsineq akisussaaqatigiinnerlu toqqammaviupput. Paaqqinnittarfinni aqutsisut, sulisut suleqatigisartakkallu pikkorissut peqatigalugit, suliffeqarfimmi sulisut ulluinnarni suliassanik suliarinnissinnaasut peqataanillu siunissami pisariaqartitat eqqummaariffigalugit ineriartorsinnaasut pillugit malitassaqartitseqataassaatit. Pisortaq toqqaannartumik pisortarissavat.
Suliffeqarfimmik pioreersumik aqutsiinnartussamik pisortassarsiunngilagut. Ataatsimut anguniakkat pillugit inunnik katersuutsitsisinnaasumik aamma ileqquusut piinnarnagit allatut eqqarsarsinnaasumik aaqqissuussisinnaasumillu ineriartornermi nalerisimasartumik aqutsisussarsiorpugut. Pilersaarusiornerit ingerlatsinerillu akornanni isumannaatsumik sulisinnaasariaqarputit, attaveqarnerit tutsuiginartuusariaqarpoq politikkikkullu takorluukkat piviusunngortissinnaasariaqarlugit.
Aqutsisut, sulisut politikerillu qanimut suleqatigalugit siunnerfiliisarnerit, suliffeqarfinnik ineriartortitsinerit allannguinerillu atajuartussanngorlugit pilersinneqarneri kajumissuseqarfigigukkit, pisortatut atorfeqarnermi matumani allannguinissamut periarfissaqarpoq – suliffeqarfimmuinnaanngitsoq aammali meeqqanut ilaqutariinnullu sullitarisatsinnut.
Atorfik pillugu
Meeqqanut Atuarfeqarnermullu Ingerlatsivik makkuninnga immikkoortortaqarpoq: Atuarfeqarneq, MISI aamma meeqqanut inuusuttunullu ikorfartortaasunut immikkoortortaq, Ulluunerani neqeroorutit, Sammisassaqartitsineq Kulturilu, Ineriartortitsineq, Peqqinnermik siuarsaaneq Pitsaaliuinerlu kiisalu Stabi.
Kommunip ulluunerani neqeroorutai tassaapput angerlarsimaffimmi ulluunerani paaqqinnittarneq, angerlarsimaffimmi ulluunerani paaqqinnittarnertut aaqqissuussat, meeraaqqerivik, meeqqerivik aamma ukioqatigiinngitsunut paaqqinnittarfiit. Pingaartinneqassaaq kommunip ulluunerani neqeroorutaani meeqqat tamarmik inissaqartinneqarnerat aamma ineriartornissaannut nalerisimanerannullu sinaakkutissat pitsaanerpaat pilersinneqarnissaat. Kommuneqarfik Sermersuumi ulluunerani neqeroorutini sulisut tamarmik ullut tamaasa meeqqat nalerisimanerat, ineriartornerat aamma ilikkagaqarsinnaassusaat pillugit suliamik ingerlatsipput ”meeraq qitiutillugu” aalajangiinerit ingerlanneqartassapput.
Kommunimi illoqarfinni ulluunerani paaqqinnittarfiit katillugit 23-upput nunaqarfinnilu ulluunerani angerlarsimaffinni paaqqinnittartut arfineq-pingasuullutik.
Atorfik ullormut suliffiusussaq naallugu suliffiuvoq Nuummiillunilu.
Pingaarnertut suliassatit
malinnaalernissaq suliniutinillu pingaarnersiuineq aamma aqutsisut sulisullu peqatigalugit ingerlatsinermut siunissamilu ungasinnerusumi ineriartortitsinissamut nukittorsaatitsisussanik aaqqissusiorneq, kiisalu:
·Pilersaarusiukkamik sulineq peqataanillu ingerlatsineq ukkataralugu
·Aaqqissuussap aqutsinerullu aaqqissugaanera atajuarnerusussaq isumagissallugu
·Assigiinngitsunik suliallit, ilinniarneq akisussaaqatigiinnerlu ileqqorilernissaat
·Sulilersitsisarneq, sulisunik tigumminniinnarneq piginnaanngorsaanerlu qulakkiissallugit
·Aningaasaqarnikkut aqutsineq inissaqassutsimillu pilersaarusiorneq
·Pisortaq politikkikkullu aqutsinerup aamma suliatigut suliffeqarfiup akornanni ataqatigiinniarnerit tapersersussavatit
·Politikerinik sullissineq suliassanillu saqqummiussassaliorneq
·Pitsaassutsinik inerisaaneq inatsisinillu atuutsitsineq
Illit ilisarnaatitit
·Perorsaasutut, ilinniartitsisutut naleqquttumilluunniit ilinniagaqarsimasutit - ajornanngippat ingerlariaqqiffiusumik ilinniagaqarnermik peqartutit imaluunniit suliassaqarfiup, ingerlatsinerup aqutsinerulluunniit iluani ilinniagaqarsimasutit
·Suliffeqarfimmi ajornanngippat politikkikkut aqunneqartumi isumaginnittoqarfimmi imaannanngitsumi aqutsinermik misilittagaqartutit
·Pilersaarusiortutut aqutsisoq politikkikkut aalajangiinernik piviusunngortitsisinnaasoq
·Sulisut nalerisimanerinnik, piginnaanngorsaanernik malittaannillu ukkatarinnittoq
·Allannguinermik aqutsisutut aaqqissuussamillu inerisaanermik misilittagalik taakkunanngalu paasisimasalik
·Immikkoortortaqarfiit immikkoortullu assigiinngitsut akornanni assigiinngitsunik suliallit suleqatigiilersinnaanerannik piginnaasaqarluartoq
Illit inuttut piginnaasatit
·Ersarissoq misiginneqatiginnissinnaasorlu
·Iliuuseqarusussuseqartoq tutsuiginnilersitsisinnaasorlu
·Killilersuutit pinnagit periarfissanik takunnissinnaasoq
·Pilersaarusiornermik takunnissinnaalluni misissueqqissaarisinnaasoq
·Alapernaatsoq ineriartortitserusussuseqartorlu
·Kajumilersitsillaqqissoq piumassuseqalersitsillaqqissorlu
·Kulturimik maluginiallaqqissoq kalaallit atugaannik najukkamilu inuiaqatigiinnik ataqqinnittoq
Neqeroorutigaavut:
Atorfikakisussaaffeqarfiusoq, pingaaruteqartoq aamma ineriartortoq neqeroorutigaarput, tassanilu ulluunerani neqeroorutinut suliassaqarfiup siunissaanut ilusilersueqataanissanik Kommuneqarfik Sermersuumi meeqqanut ilaqutariinnullu iluaqutaasussamik periarfissinneqassaatit.
Ingerlatsivimmi anguniagaqarluartumi suliatigut nukittuunik avatangiiseqartumi, tunniusimalluartunik aqutsisulimmi peqataassaatit, aamma politikkikkut allaffissornikkullu aqutsisut qanimut oqaloqatigisassallugit.
Atorfimmi suliatigut isummersoqatigiinnissamut, aqutsisunik ineriartortitsinissamut kiisalu ingerlatsiviup ataatsimoorussamik anguniagaanut sunniuteqaqataanissamut periarfissaqarluarpoq.
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.
Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Pisortaq Tina Evaldsen, oqarasuaat +299 22 65 56 imaluunniit e-mail: ks26tiev@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 678-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: aggustip 11.-at, 2026