01.09.2026-imi imaluunniit isumaqatigiissuteqarneq malillugu sulilerfigisassatut Kommuneqarfik Sermersooq suleqatissarsiorpoq. 31. november 2027-ip tungaanut, sivitsuinissamik periarfissaqartillugu atorfittaarineqarsinnaassaaq.
Suialaa Arts Festival-i oktober 2027-imi tullianik ingerlanneqassaaq. Kalaallit Nunaanni eqqumiitsuliornermik aammalu eqqumiitsuliortunik saqqummersitsinissamik, tamatumani Issittumeersut aammalu Nunaniit Avannarlerneersut eqqumiitsuliortut aammalu isiginnaartut naapeqatigiiffigisinnaasaannik, isumassarsiaminnik avitseqatigiiffigisinnaasaannik aamma isummersoqatigiiffigisinnaasaannik toqqammavissamik pilersitsiniarneq festival-imit ilungersuussisumik sulissutigineqarpoq.
Suialaa Arts Festival-ip, Arctic Sounds-ip, Riddu Riđđu Festival-ip aamma Áak’w Rock-ip akornanni Arctic Spotlight Network, nunani tamalaani festival-inut attaveqaqatgiittarfiuvoq. Nunat inoqqaavisa aallaavittut isiginnittaasaat annertuumik ukkataralugit, suleqatigiinnernik siuarsaanissaq, peqatigiinnermi unamminiagassat aaqqinniarnissaat aammalu Issittumi festival-it siuttuusut akornanni piginnaasat ineriartortinnissaat, attaveqaqatigiittarfimmit siunertarineqarpoq.
Uagut pilluta uani paasisaqarnerusinnaavutit:
www.suialaa.gl
Atorfiup imarisai:
Festival-inik attaveqaqatigiittarfiup Arctic Spotlight Network-ip allaffissornertaata affaanik aammalu Suialaa Arts Festival-imut attuumassutillit suliassat affai atorfiup imarai tulliuttut ilaatillugit:
·Arctic Spotlight Network-ip aningaasartuutaanut matussutissanik aningaasaateqarfinnut qinnuteqartarnerit
·Attaveqaqatinik ataatsimeeqateqartarnernik aamma suleqatigiit iluanni oqaloqatigiinnernik ataqatigiissaarineq
·Attaveqaqatigiittarfiup qarasaasiakkut attaveqaasersuutaannik pilersitsiortorneq
·Inooqatigiinnermi, inummiit inummut aammalu qarasaasiakkut naapeqatigiittarfiit ilaatillugit Suialaa Arts Festival-i pillugu oqaloqatigiittarnerit
·Piareersaataasumik suliassat, soorlu eqqumiitsuliortunut aammalu suleqateqarfigisanut atassuteqartarneq
·Angalasarsinnaaneq
·Festival-ip ingerlanneqarnerani piffissami sulerulunnartumi peqataaneq
·Suliassat saniasigut suliassanngortartunik suliaqartarsinnaaneq
Festival-ip tungaanut qaammatini, atorfik annertusiartortumik festival-imut tunnganerujartortunik suliassaqarfiusassaaq. Taamanikkussamut atorfik, sulisussarsiariniakkap kissaataanut tulluarsartarneqarsinnaavoq.
Qinnuteqartumut naatsorsuutigineqartut:
·Kalaallit Nunaanni, Issittumi aammalu Nunani Avannarlerni kultur-imut- aamma eqqumiitsuliornermut suliassaqarfimmik ilisimasaqassaaq
·Pilersaarusianik ataqatigiissaarinermik aamma ineriartortitsinermik – ajornanngippat kultur-imik suliassaqarfimmi – misilittagaqassaaq
·Kultur-ip, eqqumiitsuliornerup, aaqqissuussinerit imaluunniit suliassaqarfiit allat attuumassutillit iluanni, attuumassutilimmik ilinniakkamik tunulequtalik
·Kalaallisut aamma tuluttut allattariarsornikkut soorluttaaq oqaatsitigut erseqqissumik paatsuugassaanngitsumillu oqaloqateqarsinnaasoq
·Suliassannut akisussaaffimmik tigusisassasutit, suleqatigiiullusilu immissinnut akisussaaffigissasusi. Suliassanik peqatigiillusi naammassinninnissamut aammali pitsaasumik suleqatigiissinnaanermik
·Festival-ip qanilliartornerani aammalu ingerlanneqarnerani sulinerusarnissamik siunniussisinnaallutit
Aammattaaq pingaartipparput:
·Aalajaatsuussasutit, pitsaassutsimik eqqumaffiginnittuussasutit annikitsualunnullu misigissuseqarfiginnittuusutit
·Ataatsikkut arlalinnik qimerluuiitigalutit arlariiaanik suliaqarsinnaasutit
·Suliassat aammalu suliassanik agguaanermi ingerlaavartumik naleqqussaasinnaaneq eqqarsaatigalugit eqaatsumik sulisinnaasutit
·Ulluinnarni ulappuffiusuni ukkatarinnittumik aaqqissuulluakkamillu sulisinnaasutit
·Pinertuujussasutit aallarnisaajumatussuseqarlutit, nukissaqarluarlutit aammalu iliuuseqarsinnaassuseqartutit
·Illit nammineq suliannik allallu suliaannik pilersaarusiullaqqissuullutillu aaqqissuussillaqqissuusutit
·Assigiinngitsunik suleqatinik ilalersorsinnaanermik sungiusimassagit
·Suleqatigisanniit pisortarisanniillu ikiortissarsiorsinnaasassasutit
Ulluinnarni festival-imut pisortaasoq suleqatigisassavat Kommuneqarfimmilu Sermersuumi Sammisassaqartitsivimmut Kultur-imullu immikkoortortaqarfimmi pisortamut nalunaaruteqartassallutit. 2027-ip ingerlanerani pilersaarusiami atorfinitsitat marlunnik pingasunilluunniit suleqatigiit amerliumaartut naatsorsuutigineqarpoq.
Malugiuk! Suliffinissinnaasut eqqortut pissarsiarineqarsimatillugit atorfik marlunnut– attaveqaqatigisartakkanik ataqatigiissaarisumut ataatsimut aamma pilersaarusioqataasumut ataatsimut – avinneqarsinnaavoq.
Uagut neqeroorutigaagut:
Festival-imi ineriartortumi allanngorartumilu imarisaanut nammineq sunniuteqarnissamut annertuumillu nammineerussamik akisussaaffeqalernissamut periarfissalik atorfik unamminiagassalik. Suleqatigiinnerup pitsaasuunissaata qulakkeernissaa anguniagaralutigu, pisortaqarnermik suleqateqarluarluni, inuttut ineriartorneq ukkataralugu kiisalu aallarnisaarusussuseqarneq pilersitserusussuseqarnerlu inissaqartillugit, atorfimmut suliffeqarfimmullu qajannaatsumik sungiussiartornissaq pingaartipparput. Sapaatit akunnerannut ullut marlussuit angerlarsimaatigaluni sulisarnissamut periarfissaqassaaq.
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:
Festival-ip pisortaa Pauliina Oinonen, oqarasuaat +299 36 75 11 imaluunniit e-mail: pauliina@suialaa.gl imaluunniit uunga:
Sammisassaqartitsivimmi aamma Kultur-imi immikkoortortaqarfimmi pisortaq Jonas Nilsson, oqarasuaat +299 36 75 23 imaluunniit e-mail: ks97jolu@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 679-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: aggustip 11.-at, 2026