Sunngiffimmi, kulturikkut nutaaliornermilu sammisassaqartitsisinnaavit, innuttaasut illuat Illorput sunngiffimmi kulturikkullu innuttaasut illuannik uummaarissumik nutaaliorfiusumillu pilersitseqataarusuppit? Taamaassappat Sunngiffimmi siunnersortitut atorfik immaqa ilinnut naleqquttuuvoq.
Innuttaasut illuat Illorput sunngiffimmi, kulturikkut nutaamillu pilersitsinermi naapiffittut nutaamik eqqarsaatigineqarneranut atatillugu Kommuneqarfik Sermersooq illumi aaqqissuussanik ataqatigiissaarisussamik sammisaqartitsinernik ataqatigiissaarilluartussamik sunngiffimmi siunnersortimik pissarsiorpoq. Nutaaliorluni assassornermut kiisalu sunngiffimmi kulturikkullu sammisassanut allanut tunngatillugu.
Atorfiup imarisaa:
Sunngiffimmi siunnersortimik Innuttaasut Illuannut Illorpumi suleqataasussamik pissarsiorpugut assigiinngitsunik suliaqartussamik, ilaatigut makkuninnga:
∙Atuisut peqatigalugit sunngiffimmi aaqqissuussineq, pilersaarusiorneq ingerlatsinerlu
∙Assassorfiusartut isumassarsiorfiusut atorneqarnerisa inersuullu ataqatigiissaarnerat
∙Illumi sammineqartussanut tunngatillugu Nuummi sunngiffimmut tunngasunik suliallit attavigisarnissaat siunnerfilimmillu suleqateqarsinnaaneq
∙Amerlasuunik sammisaqartoqartarnissaa qulakkiissallugu, innuttaasut sapinngisamik amerlasuut soqutigisaannut tunngasunik
∙Illorput sannaviani inuusuttunut nutaaliornermi sunngiffimmilu sammisaqartitsinerit
∙Immikkoortortat allat suleqatigalugit Illorpumi nutaaliornermi sunngiffimmilu sammisassaqartitsinernik ineriartortitsineq
∙Ukioq kaajallallugu illumi ataavartumik sammineqartartussat qulakkeerneqarnissaat eqqarsaatigalugu Illorpumi ukiumut pilersaarusiorneq
∙Illorpumi sammineqartartut aningaasatigut malinnaaffigineqarnissaannut peqataaneq
∙Ataatsimut isigalugu sunngiffimmi kulturimillu ingerlataqarnermi Illorput ersialaartinnerulernissaanik ineriartortitsineq
Suliassat sulisut allat aamma qanimut peqatigalugitsuliarineqartassapput.
Qinnuteqartunut naatsorsuutigisat:
∙Naleqquttumik ilinniagaqarsimasutit - sapinngisamik sunngiffimmi kulturikkullu suliassaqarfimmut tunngasuni sunngiffimmut nutaaliornermullu tunngasunik soqutigisaqartutit tunniusimallutillu
∙Naleqquttumik ilinniagaqarsimasutit ajornanngippat bachelorilimmi allagartaqarlutit
∙Sunngiffimmut kulturimullu tunngasunik suliaqarnermi misilittagalik ingerlatsisarsimasorlu
∙Sunngiffimmut kulturimullu tunngasunik annertuuni ingerlataqartarnermik piginnaasalik ataqatigiissaarisinnaasorlu
∙Illorpumi sapaatip akunnerata ingerlanerani sammineqartartuni suliassanik isumaginnissinnaasoq, soorlu assersuutigalugu atortussanik naleqquttunik pisiniarneq imaluunniit workshoppertitsinissamut piareersaaneq
∙Pitsaasumik suleqatiginnissinnaasoq Illorpumilu innuttaasut sammisaqartinneqarnissaannut tunngasunik ikorfartuisinnaasoq, peqatigitillugulu innuttaasut sammisanik aqutsisinnaanerannik aalajangiusimannitsitsisinnaasoq
∙Aningaasaqarnermut tunngasunik missingersuusiortarnermullu tunngasunik paasinnilluarsinnaasoq
Pingaartipparputtaaq:
∙Inuttut piginnaasanut naatsorsuutit nalunaarutigissagitit. Siunnersuutit/assersuutit kissaatit pisariaqartitallu malillugit toqqagassat/assersuutit allassimapput
∙Aalajaatsuussasoq, pitsaassutsimik ilisimasaqarluartoq immikkuualuttunillu maluginiaasinnaasoq
∙Takunnissinnaaneq attatiinnarlugu ataatsikkut arlalinnik suliaqarsinnaasoq
∙Allakkatigut oqaluunnermilu ersarissumik paatsuugassaanngitsumillu attaveqarsinnaasoq
∙Nammineerluni sulisinnaasoq, akisussaassuseqartoq sullissiumatoorlu
∙Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.
∙Ulloq ulapaarfiugaluarpalluunniit ukkatarinnilluni aaqqissuussamillu suliaqarsinnaasoq
∙Tatitooq, pilersitsiniaallaqqissoq, inissaqartitsiuartoq piumassuseqarluartorlu
∙Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq
∙Kisitsisilerillaqqissuussaaq
∙Siammasissumik suleqateqallaqqissuusutit
∙Qinnuteqartut marluinnik oqaasillit (kal/dk) atorfinitsinnissaat orniginartinneqarpoq, ajornanngippallu tuluttut oqaarsinnaaneq allassinnaanermullu piginnaasaqarlutit, piumasaqaataanngilarli
Neqeroorutigissavagut:
Atorfik pissanganartoq nutaaliorfiusumik suliniutaasoq, atorfinissaguillu illumi siunissami sammisassatut neqeroorutigineqartalersussanut annertuumik oqartussaaqataallutillu taakkununnga nassuiaateqartarnissamut periarfissinneqassaatit. Tamatuma saniatigut, inissaqartitsineq allatullu eqqarsarsinnaaneq ilinnut neqeroorutigaavut.
Illorput kommunip sunngiffimmi kultureqarnermilu suliffeqarfiisa ilagaat, Meeqqanut Atuarfeqarnermullu Ingerlatsiviullu ataani Sunngiffimmi immikkoortortaqarfik qullersaralugu.
Illorput-mi sammisassaqartitsinernik ineriartortitsinermi aamma ineriartortitseqqinnermi sunngiffimmi siunnersortitut Sunngiffimmi immikkoortortaq suleqatigissavat. Illit qaninnertut aqutsisorissavat Illorput-mi ulluinnarni aqutsisoq, taannalu qanimut suleqatigiillusi illumi sammisassatut neqeroorutigineqartut isumagisassavatit. Ulluinnarni aqutsisup saniatigut Illorpumi sunngiffimmi atuartitsinermi sulisoqarpoq.
Innuttaasut illuat ullutsinni Kommuneqarfik Sermersuumit Nuummilu innuttaasunit aaqqissuunneqartunik sammisassaqartitsiviuvoq. Illu ataatsimeersuaarnernut, pikkorissarnernut, ataatsimoornernut, workshopertitsinernut il. il. periarfissaqarluarpoq.
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:
Fagchef Pipaluk Lynge Berthelsen, oqarasuaat +299 36 81 66 imaluunniit e-mail: ks56pily@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 682-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: aggustip 12.-at, 2026