Kommuneqarfik Sermersooq Suliffeqarnermut Isumaginninnermullu Ingerlatsivimmi pillorissaasumik pikkorissumik kajumissuseqarluartumillu Oktobarip aallaqqaataani 2026 kinguninngualuunniit piaartumik atorfinittussamik pissarsiorpoq.
Pillorissaasut timimik sungiusaasumik suleqatissarsiorput atortulersuutinik soqutigisalimmik ilisimasalimmillu kiisalu innarluutilinnut tarnikkut innarluutilinnut suliassaqarfimmik soqutigisaqartumik.
Pillorissaasut aamma timimik sungiusaasut suleqatigiit suliassaat pingaarnernut sisamanut agguagaapput aamma immikkut ittumik suliaqarfimmik ataatsimik peqarpoq: Meeqqanik suliassaqarfik, Inersimasunik suliassaqarfik, Piginnaanngorsaqqiinermut aamma Innarluutilinnik suliassaqarfik & tarnimikkut innarluutilinnik suliassaqarfik inuunerissaarnerulernissamut teknologiimik atortorissaarutinut tunngasunik immikkut ittumik akisussaaffilik. Innarluutillit tarnikkullu innarluutilinnik sullissisunut atorfinissaatit.
Pillorissaasut aamma timimik sungiusaasut suleqatigiit innuttaasut qanorluunniit ukioqaraluartut timikkut, eqqarsartaatsikkut, malugissutsikkut aamma/imaluunniit tarnikkut ulluinnarni unammillernartitaminnik namminersorsinnaanerulernissaannut suleqataapput. Tamanna ilaatigut siunertaqarluartunik sammisassaqartitsinikkut piginnaasassatigut sungiusaanikkut ingerlattarparput. Piginnaanernik attassiinnartitsinermik sungiusaaneq, ataasiakkaarinikkut holdikkaartumilluunniit. Innuttaasut inuunerminni nammineersinnaanerunissamut, orniguteriaannaalernissamut peqataalluarsinnaalernissamullu iluaqusersuutinik mikisunik angisuunillu tunineqarnissaannut nalilersuineq, atukkiineq tunniussinerlu.
Ineriartornermik ingerlatsinermik aallartitseqqammerpugut, pingaarnertullu suliatsinnik ineriartortitsinitsinni suliatigut piginnaasat, assigiinngissuseq, ataatsimoornerlu ilisarnaataapput. Innuttaasut nammineersinnaanerulernissaannik pitsaanerusumillu inuuneqalernissaannik tapersersornerat.
Piumaguit assigiinngitsunik suliassaqarfimmi akimut suleqatigiilluinnarluni ineriartortitseqataassaatit Kommuneqarfik Sermersuumilu tarnikkut innarluutilinnik sullissinermi sunniuteqaqataassallutit, kiisalu atortulersuutinik ikiorsiissutinut tunngasunik pissanganartumi pikkorissarusukkuit, taava illit ujartorpatsigit!
Pillorissaasup suliassai:
·Innuttaasut timimikkut aamma /immaqaluunniit tarnimikkut innarluutillit nukiisa tamakkiisumik atortissinnaalernissaat namminnerlu piumasaqaatitik naapertorlugit aalalluarlutik inuunissaat
·Innuttaasut namminneerlutik sungiusarnikkut ikiorsiissutinillu atortulersuutit atorlugit namminiilersinnaanerat nukittorsarlugu
·Atortulersuutinik iluaqusersuutinik assigiinngitsunik pissanganartunillu atuineq innuttaasunut assigiinngitsunut arlalinnut sullinneqartunut sullissineq
·Innarluutilinnik tarnikkullu nappaateqartunut sullissisut pillorissaasorlu peqatigalugit inunnut ataasiakkaanut, eqimattanut sammisassaqartitsiviusunullu sungiusaaneq
·Sullitanut innuttaasunullu ataatsimut mailikkut allakkanik nalilersuinerit, suliassanik suliarinninnerit iluaqusersuutinillu atukkiisarnerit
·Nuussinermik ilinniartitsineq
·Innarluutilinnik aamma tarnimikkut nappaatilinnik sullissinerni pitsaassutsit aalajangersimasut naapertorlugit sulineq
Pingaartipparput illit:
·Innarluutilinnut aamma tarnimikkut nappaatilinnut tunngasunik soqutigisaqarluartuusutit
·Namminersorlutit suliaqarsinnaasutit, suliffissannillu ilusilersuisinnaallutit pilersaarusiorsinnaassasutit
·Assigiinngitsunik sulialinnik suleqatigiittarnermik ilisimasaqarluartoq
·Ulapaarfimmi tamakkiisumik takunnissinnaassuseqarlutillu attassiinnarsinnaassuseqartutit
·Isumassarsiullaqqissuusutit, iliuuseqarusussuseqartoq suliatigullu inissilluarsimasutit.
·Kulturini assigiinngitsuniissinnaasutit
·Sungiussiasutit aamma allanngueriaannaassuseqartutit
·Suleqatigiinnut suleqataalluartoq, suliassanullu nutaanut ammasoq inissaqartitsilluartorlu.
·Oqaatsit marluk atorsinnaagukkit pitsaaqutaassaaq, piumasaqaataanngilarli
Uagut neqeroorutigaavut:
·Suliassanut iserluartitsineq aammalu ilinniartinneqarnermi aalajangersimasumik attaveqaatissaq
·Suliffik namminersorsinnaanermi unammilligassanut periarfissaqarluartoq
·Nammineq atorfimmik pilersitsinissamik aamma periarfissaqarputit, atorfik nutaajulluinnarmat
·Sunneeqataasinnaaneq, ulluinnarnilu suliassannut nammineq pilersaarusiorsinnaaneq
·Suleqatigiit pillorissaasut piginnaasat pillugit siunnersuineq
·Suliatigut pikkorissarsinnaaneq illoqarfiup iluani avataanilu pikkorissarnerni
·Suleqatit pikkorissut qiimasut imminnullu isumassoqatigiittut
Suliatigut piginnaasat, assigiinngissuseq, ataatsimoornerlu suleriaatsimik siunissaq ungasinnerusoq eqqarsaatigalugu kivitsinissamut pingaaruteqartut upperivarput. Taamaattumik suliniutinik nutaanik, suliatigut uatsinnut qaninnerulersitsisussanik aallarnisaalluta aallartilluareerpugut. Kukkussutitta oqaluuserinerisigut ilinniutiginerisigullu ataatsimut pikkorinnerulersinnaanerput upperaarput.
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:
Pillorissaasut pisortaa Heidi Paneeraq Møller, oqarasuaat +299 27 49 85 imaluunniit e-mail: ks05hemo@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 683-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: aggustip 12.-at, 2026