Pillorissaasut timimillu sungiusaasut suleqatigiit pillorissaasumik meeqqanut immikkoortortaqarfimmi 1. okt. 2026-mi tamatumaluunniit kingorna piaartumik atorfinittussamik pissarsiorput.
Kommuneqarfik Sermersooq Suliffeqarnermut Isumaginninnermullu Ingerlatsivimmi pillorissaasumik pikkorissumik kajumissuseqarluartumillu 01.10.2026-mi kinguninngualuunniit piaartumik atorfinittussamik pissarsiorpoq.
Pillorissaasut timimillu sungiusaasut suleqatigiinni sungiusaasut qulingiluanik amerlassusiligaapput, tassa timimik sungiusaasut tallimat pillorissaasullu sisamat. Taakku saniatigut pillorissaasunut timimillu sungiusaasunut aqutsisumik kiisalu Paamiuni kommunip ataaniittumik ullup affaanut sulisussamik timimik sungiusaasoqarpoq.
Pillorissaasut aamma timimik sungiusaasut suleqatigiit suliassaat pingaarnernut sisamanut agguagaapput aamma immikkut ittumik suliaqarfimmik ataatsimik peqarpoq: Meeqqanut suliassaqarfik, Inersimasunut suliassaqarfik, Piginnaanngorsaqqiinermut aamma Innarluutilinnut suliassaqarfik & tarnimikkut innarluutilinnut suliassaqarfik inuunerissaarnerulernissamut teknologiimik atortorissaarutinut tunngasunik immikkut ittumik akisussaaffilik.
Pillorissaasut aamma timimik sungiusaasut suleqatigiit innuttaasut qanorluunniit ukioqaraluartut timikkut, eqqarsartaatsikkut, malugissutsikkut aamma/imaluunniit tarnikkut ulluinnarni unammillernartitaminnik namminersorsinnaanerulernissaannut suleqataapput. Taamaaliortarpugut ilaatigut piginnaanernik ulluinnarsiutaasunik siunertaqarluartunik sammisaqartitsinerit aqqutigalugit. Piginnaanernik attassiinnartitsinermik sungiusarneq, ataasiakkaarinikkut holdikkaartumilluunniit. Innuttaasut inuunerminni nammineersinnaanerunissamut, orniguteriaannaalernissamut peqataalluarsinnaalernissamullu iluaqusersuutinik mikisunik angisuunillu tunineqarnissaannut nalilersuineq, atukkiineq tunniussinerlu.
Atorfik ullormut suliffiusussaq ulloq tamaat suliffiuvoq (nal. ak. 40-t) Nuummilu ataatsimut allaffeqarluni, ullut tassanngaaniit aallartittassaaq. Kommunimi illoqarfinnut nunaqarfinnullu allanut angalasoqartassaaq.
Ineriartornermik ingerlatsinermik aallartitseqqammerpugut, pingaarnertullu suliatsinnik ineriartortitsinitsinni suliatigut piginnaasat, assigiinngissuseq, ataatsimoornerlu ilisarnaataapput. Innuttaasut nammineersinnaanerulernissaannik pitsaanerusumillu inuuneqalernissaannik tapersersornerat. Suliaqarfiit assigiinngitsut qanimut suleqatigalugit illit Kommuneqarfik Sermersuumi meeqqanut tunngasut iluanni ineriartortitseqataarusuppit, taava illiuvoq uagut ujagarput!
Pillorissaasup suliassai:
·Meeqqat inuusuttullu 18-it inorlugit ukiullit timikkut aamma/imaluunniit eqqarsartaatsikkut innarluutillit nukiminnik atuisinnaanissaannut sapinngisamillu eqeersimaartumik inuuneqarsinnaalernissaannut peqataassaatit
·Meeqqap ineriartorneranut tunngatillugu meeqqamut, angajoqqaanut kiisalu meeqqamut isumassuisartunut aamma ulluunerani aamma ulloq unnuarlu paaqqinnittarfimmi, ilitsersuineq atuartitsinerlu. Tassani ADL, sensory profile, sungiusarneq, nuussineq ilitsersuineq ikiorsiissutillu.
·Meeqqanut suliassaqarfimmi pillorissaasunik, angajoqqaanik ikorfartortinillu qanimut suleqateqarneq
·Iluaqusersuutinik naliliineq tunniussuinerlu, kiisalu taakkuninnga atuinissamut siunnersuineq, ilitsersuineq sungiusaanerlu.
·Suliassat immikkoortumi pineqartumi suliassat allattorsimaffiat naapertorlugu ingerlanneqartarput, taakkulu Kalaallit Nunaanni inatsisit naapertorlugit ilusiligaapput
·Pillorissaasut aamma timimik sungiusaasut suleqatigiit kommunimi innuttaasunut iluaqusersuutit sungiusaanerillu pillugit suliaanni allanik peqataaqataassaatit
·Immikkoortumi suliatigut ineriartortitsineq
·Uppernarsaatit
Pisariaqartitarput tassaavoq:
·Pillorissaasutut ilinniagalik
·Ajornanngippat inunnik innarluutilinnik meeqqanillu sullissinermik misilittagalik
·Isumassarsiullaqqissoq, iliuuseqarusussusilik suliassaqarfimminillu ilisimasaqarluartoq
·Namminersorsinnaassusilik suliassanillu pingaarnersiuisinnaassusilik
·Ulapaarfimmi tamakkiisumik takunnissinnaassuseqarlunilu attassiinnarsinnaassusilik
·Sungiussiasoq aamma allanngueriaannaassusilik
·Immikkoortut akunneranni suleqatigiittarnernik misilittagaqartoq
·Marluinnik kalaallisut/danskisullu oqaaseqarnissat iluaqutaassaqaaq kisianni piumasaqaataanngilaq
Neqeroorutigisinnaavarput:
·Suliassanik ilisaritsitsineq pitsaasoq
·Suliffik namminersorsinnaanermi unammilligassanut periarfissaqarluartoq
·Ulluinnarni sunniuteqaqataaneq sulinermilu nammineq aaqqissuussisinnaaneq
·Kommuneqarfik Sermersuumi suliamut atatillugu angalanerit pissanganartunut periarfissaqassaatit
·Pillorissaasut aamma timimik sungiusaasut suleqatigiinni ingerlalluartuni sulianut tunngasunik siunnersueqatigiilluartarneq
·Suliassat assigiinngiiaartut pissanganartullu
·Suleqatit pikkorissut piumassusillillu
Suliatigut piginnaasat, assigiinngissuseq, ataatsimoornerlu suleriaatsimik siunissaq ungasinnerusoq eqqarsaatigalugu kivitsinissamut pingaaruteqarsoraavut. Taamaattumik suliniutinik nutaanik, suliatigut uatsinnut qaninnerulersitsisussanik aallarnisaalluta aallartilluareerpugut. Kukkussutitta oqaluuserinerisigut ilinniutiginerisigullu ataatsimut pikkorinnerulersinnaanerput upperaarput.
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:
Pillorissaasut pisortaa Heidi Paneeraq Møller, oqarasuaat +299 27 49 85 imaluunniit e-mail: ks05hemo@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 685-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: aggustip 12.-at, 2026