Perorsaasoq soqutiginnittoq tunniusimasorlu Meeqqerivik MUKU-mi tullersorti pissarsiariumaneqarpoq.
Meeqqanut ulluunerani paaqqinnittarfimmik ineriartortitseqataarusuppit ingerlatsinermik attassinermut ineriartortitsinermullu suleqataarusuppit maani qanimut attaveqatigiinnerit pingaartinneqaqaat meeqqallu eqimattaqatigiillu ataasiakkaat ineriartornerat atugarissaarnerallu ukkatarineqarput. Taava suliffissaqartippatsigit.
Meeqqat alapernaatsut, tatitussusillit, peqqissut nuannaartullu Kommunitta anguniagai, aqqutissiuullugit iliuusissatsinnik eqqartuisarnitsinni piviusunngortinnissai anguniassavagut.
MUKU meeqqeriviuvoq akuleriinnik meeraateqarfik, meeqqanut 0-niik arfinilinnut ukiulinnut 64-nut inissaqarpoq. Meeraaqqeriviit marluupput taakkunanilu 12-ni inissaqarluni aammalu meeqqeriviit marluk 20-ni inissallit. Sulisussarititaasut 15-iupput imatut agguagaallutik: Aqutsisoq, pisortap tullia, immikkoortortaqarfimmi aqutsisoq, perorsaasut marluk, meeqqerisut isumaginninnermilu ikiortit sisamat, ikiortit sisamat, igaffimmioq ataaseq asaasorlu.
Meeraaqqerivik meeqqerivillu ammasarpoq nal. 7:00-miit 17.00-mut, Nuussuarmiillunilu. Atorfik piffissaq tamakkiisumik suliffiuvoq, MUKU-mi aqutsisut qaninnertut suleqatigissallugit, Meeqqanut atuarfeqarnermullu ingerlatsivik / Meeqqeriviit.
MUKU-mi naleqartitavut makkuupput:
∙Meeqqereriaaseq akuersaarnartoq
∙Pinngortitarsuaq perorsaatitut atorparput
∙Allaassuteqarsinnaaneq pillugu meeqqat ataqqinnissinnaanermik ilinniartillugit
∙Meeqqanut toqqissisimaneq pilersissallugu, ineriartornermut inissaqartitsisoq
Neqeroorutigisinnaasavut:
∙Suliffeqarfik akisussaassuseqarfigisinnaasat sunniuterqarfigisinnaasallu
∙Suliffeqarfik pisoqarfiusoq avatangiisit kusanartorsuit atorlugit
∙Angajoqqaat pimoorussisut meeqqallu inequnartut
Naatsorsuutigaarput:
∙Perorsaasutut ilinniarsimasuusutit.
∙Akuersaatuuneq meeqqanut, suleqatinut angajoqqaanullu tapersersuisuunissat
∙Aalajaatsuuneq, suliassanullu tamanut eqqummaarissoq.
∙Aqutsinermik kiisalu meeqqerivimmi Sulinermik misilittagaqartutit.
∙Aqutsisoq peqanngikkaangat akisussaaffimmik tigutitinnaassaatit.
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq Eva Jensen, oqarasuaat +299 36 67 00 imaluunniit e-mail: evaj@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 874-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: septembarip 10.-at, 2025