Ilinniarsimanngitsoq imaluunniit sanasutut teknikkimilluunniit suliaqarsimasutut taavalu suliffiup avatangiisai pedelitullu ukiuni arlalinni sulinermik misilittagaqaruit qinnuteqarsinnaavutit. Utoqqaat illuat/angerlasimaffimmi ikiorteqarfik Pedelimik pikkorissumik kajumilluartumillu piaartumik isumaqatigiissuteqarnikkulluunniit atorfinittussamik pissarsiorpugut.
Tasiilami Utoqqaat Najugaqatigiiffiat/angerlarsimaffimmi ikiorteqarfimmiit pillugu:
Angerlarsimaffimmi ikiorteqarfik, illoqarfimmi sullittagai 17-19 missaanniipput, taakkulu ukunannga soorlu ikiortittarput eqqiluisaarneq, eqqiaaneq, imermik aallerneq, nerisassanik pajuttuineq, pisiniuussineq. Utoqqaat najugaqatigiiffiat 16-inut inissaqarpoq. Utoqqaat najugaqatigiiffiat 20-t miss. sulisoqarpoq, sulisullu ukuupput pisortaq, pisortap tullia, peqqinnissamut ikiortit, kantiinami ikiorti, meeqqerisoq, eqqiaasut pedeli kiisalu sulisut ilinniagaqanngitsut.
Atorfik ulloq naallugu suliffiuvoq, sapaatip-akunneranut 40 tiimit. Nal. 8-16 sulisassaatit, kiisalu nalinginnaasumik sulinerup avataatigut pinartoqartillugu aggersarneqaratarsinnaallutit.
Atorfiup imarisai:
Pedelissarsiorpugut – ajornanngippat misilittagalimmik – najugaqartunut sulisunullu suleqataasinnaasumik. Suliassat arlallit makku ilaatigut isumagisassavatit:
∙Utoqqarnik paaqqinniffiup ingerlanneqarnera aserfallatsaaliorneqarnissaalu qulakkiissallugit
∙IIlorsuup immikkoortortaqarfiani eqqagassat akisussaafigalugit
∙Illunik nakkutilliineq, illup ilua silataalu
∙Biilertoq sulinngiffeqartillugu/napparsimatillugu biilertuuneq
∙Aqutsisunit akuersisoqareerneratigut suliffissuaqarnikkut atortunik pissarsinermut akisussaasuuneq
∙Akersissutertunut imermik aalliussineq
∙Nerisassanik pajuttuineq
Sulisut allat kiisalu aqutsisorisaq qanimut suleqatigalugit suliassat naammassineqartassapput
Pedel suleqatissarput tassaatikkusupparput:
∙Aalajaatsoq, akisussaaffimmik ilisimannittoq ajornanngippallu kalaallisut danskisullu oqalussinnaasoq
∙Ajornanngippat assaat atorlugit sullarissoq aamma illunik aserfallatsaaliuinermik misilittagalik
∙Qamutinut motoorilinnut allagartaqartutit
∙Kiffartuussiumatooq, naleqqussarluarsinnaasoq, suleqataajumasoq, tunniusimasoq aamma utoqqarnut najugaqartunut ataqqinnittoq
∙Sulinissat nammineq aaqqissuussinnaagit suliatillu pingaarnersiorsinnaallugit, peqataanillu suliatit malinnaaffigilluarsinnaallugit
∙Naammassinnilluarsinnaasoq, peqqissoq, tatitooq aamma sulianik assigiinngitsorpassuarnik ataatsikkut suliaqarsinnaasoq
∙Arlalissuarnik suleqateqallaqqissoq
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli
Neqeroorutigaavut:
∙Annertuumik akisussaaffeqarlutillu aalajangeeqataasarneq
∙Suleqatit nuannersut qanimut suleqatigalugit
∙Suliat unamminartut
∙Inuttut suliamullu tunngasutigut ineriartorneq
∙Suliassat, suleqatit immikkoortortallu pitsaasumik ilisaritinneri
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:
Pisortaq Susse Poulsen, oqarasuaat +299 36 78 18 imaluunniit e-mail: solo@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 911-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: septembarip 19.-at, 2025